 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
07-29-2009
| |||
| |||
 من يقول انساك قولي له قويه ... اقهريه وقولي انك واحشتني السلام عليكم ورحمة الله وبركاته ... اخواني / اخواتي ... اعضاء منتدى مدرسة المشاغبين هذي قصتي وحبيت انزلها بمنتداكم لسببين .... السبب الاول " لجل تعطوني حل بمشكلتي وتساعدوني وهذا هو اللي ابيه منكم فأرجو من كل واحد يدخل عالقصه يقراها وعقب كذا يقول نصيحته لي وجزاكم الله عني الف خير . السبب الثاني " انا وعددت حبيبتي اني اكتب قصتنا انا وياها واللحين ابي اوفي بوعدي . البــــــــــــــــدايه : مدري من وين اببدي لكم لاني قلت هالقصه لاثنين من اعز اصدقائي وبس ,, وكلهم لاموني عالبدايه وقالوا المفروض ما تستمر بس انتم يمكن تكوني غير وتفهموني اكثر .. كنت ادخل شات كتابي وكان اسمي بالشات boos كانت لي علاقات كثير بالشات بسبب اسلوبي وهذا مو اطراء هذي هي الحقيقه وكانت اغلب هالعلاقات صداقه لحد ما دخلت وحده بنك ذوووق جذبني اسمها واسلوبها وكنت لمن اتكلم معها احس بتقارب في افكاري وافكارها واحس انها تفهمني كثير طبعا ماكنت حتى متأكد منها هل هي بنت ولا ولد بس بوقتها مهما كانت انا حبيت شخصها واسلوبها .. كنا بالاول ما نتكلم مع بعض كثير وكل اللي بيننا كيف الحال ومع مرور الايام بدت تغيب عن الشات فكنت اسأل صديقاتها عنها واقول لهم وصلوا لها سلامي وكانت وحده منهم قريبتها وانا ماكنت ادري فكانت قريبتها تقول لها بكل شي قلته والضاهر ان البنت بدت تغليني لاني دوم اسأل عنها ولانها عقب ما رجعت للشات بدت تقول لي كلمات معسوله مثل اشتقت لك موت والله لا يحرمني منك ... الخ , وكنت ابادلها بمثل هالكلمات واذكر اني بيوم قلت لها هالبيت الشعر " اسمعي هالبيت مني لك هديه ... احفظي هالبيت كانك مغليتني ... من يقول انساك قولي له قويه ... اقهريه وقولي انك واحشتني .. وشكل هالبيت جا عالجرح وكأنه كان فيه احد يقول لها اني رح انساها وتفاجئت منها لمن اليوم الثاني جاتني وقالته لي كامل وصار هالبيت مثل كلمة السر بيننا حتى لو غيرنا نكاتنا نعرف بعضنا عن طريقه .. دارت الايام وحبنا كل يوم يكبر وصرت ادخل الشات من شانها وهي بعد تدخله من شاني وكانت تغار علي لاني مثل ما قلت لك علاقاتي كانت كثيره بس كلها صداقه واكثر علاقه كانت تغار منها علاقتي مع " دلوعة حبيبها " لاني كنت دايم اذكر هالبنت قدامها بكل خير وكانت تستاهل لانها نصحتني اترك الدخان وكانت تهتم فيني ... وبالرغم من اني كنت صريح مع ذوووق الا انها كانت تغار وتاخذ بخاطرها كانت تجنني بغيرتها ومع مرور الوقت حتى انا صرت اغار عليها ولمن تجي للشات اخذها بروم بروحنا لجل ما تسولف مع حد غيري .. مرت ايام وليالي وحبنا كل ماله يزيد كانت تشتكي لي عن حالها وعن مشاكلها وكنت اسمع لها واحاول اني اساعدها الا بمشكلة زواجها من قريبها ما قدرت اساعدها وكنت اقول لها هذا نصيبك وماكنت معتقد بيوم من الايام ان هالسالفه رح تخليني مجنون ذوووق , او بالاصح هيا لان اسمها الحقيقي هيا . استمرينا انا وهيا مع بعض وطبعا اخوك في الله كان راسب وحامل مادتين بأول سنه بالكليه والسبب النت لاني كنت اقعد عليه وقت كثير وعقابا لي قالوا اهلي ما فيه نت لاجت المدرسه وكنت ماخذ قرارهم بالحسبان ولمن اجا شهر رمضان انا قررت اترك النت لجل اعود نفسي ’’ فقلت لهيا اني رح اعزل شات وماراح ادخله ابد وكنت اعتقد اننا رح ننتهي بالشات مثل ما بدينا وبديت اودعها وهي تقول لااااا ارجوك لا تتركني فكتبت لها اغنية عبادي الجوهر تدرين وادري بنفترق .... وكان الحل من عندها انها تعطيني رقم جوالها طبعا كان حلم بالنسبه لي لان البنت كانت محترمه كثير وهذا اللي خلاني اتعلق فيها فعطتني رقم جوالها وقالت بيننا رسايل مثل الشات يعني لا تحرج نفسك وتحرجني وتتصل وماكان لي غير الطوع .. واستمرينا عالرسايل وقلبناها شات اقل شي 10 رسايل باليوم منها ومني وعقب فتره حبيت اسمع صوتها وكنت اقول لها وش السبب انتي مو واثقه فيني قالت : لا بس خايفه اعذبك معي وتتعلق فيني زياده : قلت لها ولا يهمك وياليتني ما قلتها ولا سمعت صوتها بيوم .. اول مره دقيت عليها ردت وتمت ساكته وعقب كذا قفلت وقلت يمكن تكون ولد عشان كذا ما يبي يتكلم ولاني عن جد حبيتها ارسلت لها رساله وقلت : حتى لو كنت ولد انا احبك اوعزك واغليك ومنيتي اسمع صوتك . فدقت علي وتكلمت معها وتأكدت انها بنت ولو انها مافرقت معي كثير ,, واستمرينا انا وياها كانت بكل وقت تتصل وكنت اشك انها تنام لاني بكل وقت الاقي لها مكالمه كانت متولعه فيني عن جد وانا بعد بس لساتني ما وصلت لمرحلة الجنان .. وكانت سالفه وحده بس هي اللي تكدر خاطرنا اللي هي " سالفة زواجها " بأيام الشات كنت اشوفها شي عادي بس لمن سمعت صوتها وتعلقت فيها اكثر صارت تبكيني هالسالفه او بالاصح تبكينا كلنا الاثنين ,, دارت ايام وليالي وبدت تقل رسايلها ومكالماتها وانا بدى يكثر لها حبي بشكل مو طبيعي صرت مدمن على صوتها وما اقدر انام الا لمن اسمعه .. مرت علينا لحظات زعل كثيره بس ما تطول وكأننا اطفال نزعل ونتراضى بنفس الوقت مع تعدد الاسباب واكثر سبب جفاها لي .. وبيوم من الايام زعلت منها وحبت تراضيني وبكل غباء ارسلت صورتها وانا ما كنت ابي اشوفها ابد يكفي صوتها علقني فيها ولمن شفت صورتها تجننت بحبها وبكيت وقلت هالقصيده وهذا بيت منها حرام هالعين تذرف دمعها لجلي وغارت عيوني وبكت الله يعميها .. وبعد اسبوع تقريبا قالت ارسل لي صورتك ابي اشوف العيون اللي بكت لجلي .. فتلثمت وارسلت صورتي لانها لمن ارسلت صورتها كانت مبرقعه وبس عيونها تنشاف وكنت انتظر رد منها بس ما ردت ولا دقت ولا ردت على اتصالاتي وفوق هذا كله قفلت جوالها استغربت انا صحيح اني مو حلو لذيك الدرجه بس شكلي مقبول .. فقلت هالقصيده بسبب هالموقف ... لعن ابوها ذكريات تجيبك على البال ... ولعن ابو قلب يحبك ويغليك ... لعن ابوها كلها ذيك الليال ... اللي اجمعتني بك وعلقتني فيك ... لعن ابو كمبيوتر وشاشه وشبكة اتصال ... اللي ودتني لك وعرفتني عليك ... لعن ابو يوم سألتك فيه كيف الحال ... ولعن ابو سوالفنا وحبنا وحكيك ... لعن ابو من اخترع هالجوال ... اللي نقل صوت دوم يكذب عليك ... وعود وامنيات واحلام طوال ... وكلام حب وشوق دوم يغريك ... ميانة احباب لقافه مع استهبال ... ياكثر ما رددنا احبك واموت فيك ... كلها كذب كانت يابنت الحلال ... تسليه ومضعية وقت وشي يلهيك ... توني دريت انها لعب لعيال ... توني عرفت انك تبي شي يسليك ... وانا اللي مسكين اسكنتك بالخيال ... ودايم ادور على كل شي يرضيك ... وان غبتي عني اقول البعد طال ... واشتاق لك موت واهيم فيك ... اثرك من اللي يعشقون الدلال ... وانا بدموع عيني كنت شاريك ... ياما ذرفت الدموع وكأنها شلال ... تنزل على خدودي تبي مسحة يديك ... اثرك من اللي طبعهم ميال ... يهمك المضهر مو من يحبك ويغليك ... روحي فمان الله رجعتي لك محال ... لعن ابو قلب ياهيا يحبك ويغليك ... كالعاده استعجلت بحكمي عليها وهي قفلت جوالها لان الشحن انتهى ولان كان عندهم ضيوف على حسب قولها ورضيت عليها ورجعنا مثل اول واحسن ومرت ايام وليالي وصرت احلم فيها وكل اللي اتمناه اني امسك يديها وابوسها .. وبيوم من الايام زعلت عليها وارسلت لها رسالة عتب وردت برساله تمنيت اني اموت ولا اقراها هذي هي رسالتها بالحرف الواحد " هيمو خلاص انا انتهيت بيزوجوني الاربعاء الجاي انا انتهيت مدري شسوي بحالي محد يسمع لي ويفهمني محد حاس فيني باعوني وانت تخليت عني وزادت جروحي ولا حد حولي معبرني انا انتهيت ربي يعينني والله يسامحك يا حبيبي على اللي تسويه فيني " بوقتها انا اللي انتهيت وسالت دمعتي ماكنت متصور بيوم من الايام انه رح يصير معي كذا بالرغم اني من اول كنت عارف مالي امل فيها بس لمن جا وقتها تحطمت وبقيت طول الليل ابكي وكان عندي اختبار وما داومت له ما كنت قادر اطلع من غرفتي لليوم الثاني وانا صاحي وابكي وما ادري شسوي بروحي وفكرت اني لو تركتها بمثل هالوقت رح ازود جراحها فأرسلت لها رساله وكأن الوضع عادي وقلت لها الله يهنيك وهذا نصيبك ومو نهاية الدنيا واحنا ان ما جمعنا الله بدنيته رح نجتمع بأخرته ان شاء الله لان حبنا ابدي وما يزول والدنيا هذي زايله ... كنت اواسيها وانا اللي كنت محتاج من يواسيني وعقب يومين ولمن هديت الامور قلت لها خلاص الوداع قالت لا اماانه لا تتركني اترجاك ولجلها تحملت كل شي وبقيت يمها كنت اتصل عليها وتقول انا اتحنا واحيان انا بالسوق رايحه اشوف فستاني حق الفرح كان اسبوع الجحيم وكانت تجرحني بكلامها ولمن جا يوم زواجها اللي هو يوم الاربعاء ارسلت رساله وقالت فيها لو لم تراك عيني ففي قلبي صورتك ولو بعدت عنك فقلبي ينبض بمودتك .. هيمو لا ترسل على رقمي هذا ارجوك . بوقتها عرفت انها النهايه ورضيت بالامر الواقع وسويت كل اللي تبيه وما راسلتها على رقمها .. وكان عندها رقم ثاني بس انها مقفلته طول الوقت بالرغم انها وعدتني انها تتواصل معي من خلاله .. كان الحزن واضح علي وكنت مو قادر اداري دمعتي كانت تفضحني قدام الكل .. اعز اصدقائي حس فيني وسألني وش فيك ليه مسوي بروحك كذا وسالت دموعي وعقب كذا قلت له بكل شي وبدا يواسيني ويقول لي اصلا هذا عذر البنات هاليومين يقولوا بيتزوجوا لجل تبعد عنهم اكيد انها حبت واحد غيرك فقلت له مستحيل ولو تبيني ابعد عنها كان قالت فقال لي وش تعرف انت اكيد انها رح تسوي وافيه بوعدها وبدا ينزف جراحي وقال لي دق عليها اذا كانت متزوجه رح يرد زوجها ازعجها ما راح تخسر شي ومشى عني فقلت هالقصيده : وا عيني اللي تذرف الدمع همال هونك علي شوي يا عين هونك يا صاحبي بشكي لك عن هموم اليال لمن يطير العقل ويبقى جنونك لمن تطيح الدمعه على شاشة الجوال تقرى رساله تخيب فيها ضنونك ومن عقبها تصير في كل الاحوال ميت وكل الكون ما ينفعونك وتصيح بأعلى الصوت وتجر موال عمر البكا ما يجيب اللي يحبونك لو كان يرجع سيدي طيب الفال لبكي عليه العمر ولا قول هونك هيمو اركد شويه يارجال والله ما ترجع لو تعمى عيونك سلم عليه بالاول واسأل عن الحال ماهو من اول ما تجي تدمع عيونك وشوف سلوى وساره ونوره ومنال وربي يموتوا فيك ويغلونك حب غيرها وعيش دنيتك يا ابن الحلال خل اللذي بالهوى يتركونك عبادي اسكت بصكك بهالجوال عل الشياطين الي براسك يفارقونك البنت ما تركتني ودوم تسأل عن الحال اوفت بوعدها ... : طيب يمكن تخونك هيمو ما اشره عليك اشره على العيال اللي دايم معك ولا ينصحونك على الاقل دامهم معك ذيك الليال اغنيه لراشد الماجد يسمعونك يقول فيها بلا حب بلا وجع قلب بلا هبال يا خساره عليهم ما يفهمونك يا صاحبي صدق لا قالوا ان العشق قتال وان العواذل من حبيبك يحرمونك عبادي ودي انا اسألك سؤال وشلون تترك اللي بداخلك يسكنونك هذي يا هيمو والله انها محال محال تترك ناس اغلى من عيونك وا عينه اللي تذرف الدمع همال هونك عليه شوي ياعين هونك طبعا عقب ما ريحت عن نفسي بهالقصيده سويت اللي قاله لي صديقي وارسلت لها رساله اعاتبها فيها وردت علي وقالت هلا بك يالغالي هلا بك يابعد حالي والله توك على بالي كنت بتصل فيك لاني ببيت اهلي اللحين تخيل لي اسبوع حابسني واول مره اشوف هلي عقب الزواج اليوم .. تو ماكملت رسالتها الا وهي متصله بغيت اطير من فرحتي رديت عليها وحبست دموعي شوي وسولفت معها بس للاسف ما طولت وقالت لي زوجي اجا هيمو احبك وارجوك لا تكلمني على هالرقم ولا ترسل عليه بليز وانا رح اكلمك كل ما جتني فرصه وفعلا عقب يومين الا وهي متصله ونفس الشي ما طولت معي وانقطع اتصالها وما حبيت اتصل فيها وازعجها وبالنسبه لصديقي ما خلاني لحالي وكل يوم يسأل ويقول هااه وش سويت معها ؟؟ وكل يوم يجيب لي خطط وافكار وانا انفذ ياااه ندمت على اني سمعت كلامه لاني اخربتها عن جد وازعجت البنت وهو يقول : شفت انها تكذب وين زوجها ما يرد عليك لحد ما صدقته واقتنعت بكلامه وعقب اسبوعين كلمتني وقالت : انا كلمتك موب عشان الازعاج اللي مسويه لي هذا الشي راجع لك انا كلمتك لاني ببيت اهلي والسبب انا حملت وسقطت .. انا صدقتها ولمن قفلت كالعاده كل السوالف عند صديقي فجلس يضحك علي ويقول انت وين عايش وبعدين وش هو الحمل زرع هو ينبت بأسبوعين انا استحقرت نفسي وهو استغلني وبدا يسوي فيها علي انه معلم وانه خبره وانا انفذ كلامه فقال لي قول لها وشلون بهالسرعه مستحيل خلال اسبوعين تحملي وتسقطي وفعلا ارسلت لها هالكلام وردت علي وقالت حتى انا مستغربه ومثلك ما صدقت بالاول ولمن قلت للدكتوره نفس سؤالك قالت شي طبيعي انتي لساتك صغيره عشان كذا حملتي بسرعه ... وقلت لصديقي كل اللي قالته .. قال :: قول لها الضاهر انك حامل قبل تتزوجي وانا بكل برود ارسل لها هالكلمتين وجرحتها بها وندمت بس هي قلبها كبير وسامحتني لمن طلبت منها هالشي وقلت لها انا راضي لو اتواصل معك يوم بالسنه ورح يكون ثالث اعيادي هاليوم بس انتي حددي يوم وانا راضي .. قالت : انا كل ماتجيني فرصه رح اكلمك حبيبي بس انت لا تضغط علي .. ورضيت بكلامها واللحين رح اوصف لك اللي انا فيه بهالقصيده .. الله يوم اذكر قصتي وياك .. واحلى ليالي الحب في قصة هواك يومك تحبيني وانا اموت فيك .. يومك تقولي لي مستحيل انساك وان غبت عنك تشرهي عليه .. وتقولي طلبتك لايطول جفاك لا اتصال ولا رساله تجي منك .. هيمو حرام عليك كلمني ارجاك ارحم قليبك يالغلا وارحمني .. مو كفايه محرومه من لقياك واجيك ملهوف تذبحني الاشواق .. ويسيل دمعي وادور على رضاك واعتذر لك وتقبلي اعذاري .. وتقولي لا تعيدها ما اتحمل اجفاك ونضحك انا وانتي واحيان نبكي .. ونطير بأحلامنا فوق القمر ذاك اما انا فحلمي على قدي .. امسك يدينك وابوس يمناك .. وانتي احلامك ياهي كثيره .. كثر مافي هالورود اشواك .. يا ما حاولت اني ابتعد عنك .. والمشكله لا بعدت اعطشك واضماك لاني من اول كنت متوقع .. بيوم من الايام تعلني فرقاك وفعلا حصل اللي كنت خايف منه .. برساله منك تلعني دنياك .. بيزوجوني غصب عني وانته بعد .. تقسى علي وتتعبني معاك .. بوقتها حاولت اني اواسيك .. واخفف عذابك وانسى خطاياك .. وانا اللي كنت محتاج من يواسيني ..عقب ما قدتني لدرب الهلاك .. وقلت لك خلاص انا برحل .. بتتزوجي وصعبه استمر وياك .. قلتي لا امانه لا تخليني .. انا احتاجك لا تبتعد ارجاك .. ولجلك تحملت السهر والعذاب .. وبقيت يمك معلق في سماك اللي اجوائها ولا يوم هديت .. رعد وبروق وشي ما يخفاك تنزل الدمع من عيني وادري .. ان المطر هذا بسبة جفاك وصبر قليبي وادراي دمعتي .. واقول هالجمله بمناسبة فرقاك كان هالدنيا خذت من وجودك .. تتعب الدنيا ولا تاخذ غلاك واليوم من عقب ما جالك نصيبك .. نسيتي الحبيب اللي ياما تمناك نسيتي وعودك اللي قطعتيها معه .. اخلفتي بوعودك الله يجزاك الله يادنيا من عقب ماكانوا .. يقولوا لنا صعبه يالغلا فرقاك واللحين يقولوا لا تتصل لا ترسل .. صعبه بالحيل نتواصل معاك واحنا نردد طول الوقت ونغني .. العمر لو راح منا فداك كان هالدنيا خذت مني وجودك .. تتعب الدنيا ولا تاخذ غلاك هذي قصتي وليومكم ذا البنت عند كلامها وتتصل فيني بس انا ما يكفيني يوم بالاسبوع انا احبها مووت والحمد لله على كل شي انا قلت لكم قصتي مو من باب الفراغ انا ابي مساعدتكم ابيكم تنصحوني ... وابي نهـــــــــــــأيه لقصتي ... تحياتي " مجنون ذوووق "  |
|
#2
07-29-2009
| |||
| |||
| رد: من يقول انساك قولي له قويه ... اقهريه وقولي انك واحشتني ياخي وش هالحب تجرحها بها الكلمات وتقول احبها وبعدين كانك تحبها صدق اتركها وصديقك هذا لا تسمع له وترك البنت خلها تعيش حياتها حتى لو تحبها الان علاقتك هذي مامنها فايده غير انك تتسبب لها مشاكل وبس هذي نصيحتي لك |
|
#3
07-29-2009
| ||||
| ||||
| رد: من يقول انساك قولي له قويه ... اقهريه وقولي انك واحشتني جد قصتكم رووعهـ بس الصرااحه نرفزني صديقك انا من وجهة نظري البنت متزوجه وما يصير الي تسوونه انها تكلمك خلاص اتركها هي كونت حياتها وبيتها ومستقبلها انت شووف نصيبك وحيااتك وان كاان جد حبك لها صاادق المفرووض تبتعد عنها لان رااح يجي يوم من الا يام من يكشف انها تكلمك ورااح يضرها ذا الشئ المهم انت طالع لقدام لا تنظر ورااك ودعيلها كل ما تذكرتها يمكن كلامي مو كاافي بس لازم تتخذ القرار السليم وربي يوفقكم في حيااتكم ويسعدكم |
|
#4
07-29-2009
| ||||
| ||||
| رد: من يقول انساك قولي له قويه ... اقهريه وقولي انك واحشتني من جد قصة تحزن الله يعينك
_________________ Sa7Er.2001 غير متواجد في الشبكة العنكبوتية خارج إيطار هذا الصرح .. لن أقول الوداع ,, ولكن في لقاءٍ قريب .. |
|
#5
07-29-2009
| |||
| |||
| رد: من يقول انساك قولي له قويه ... اقهريه وقولي انك واحشتني اميرة الورد مشكوره على مرورك يالغلا ويعطيك الف عافيه ونصيحتك رح اخذها بالحرف الواحد ... بس حبيبتي ما ساعدتني على اني اتركها اصلا من اول ما قالت انها رح تتزوج انا قلت لها خلاص الوداع قالت لااااا امااانه لا تخليني انا احتاااجك ولجلها وربي بقيت يمها وتأذيت كثير وانجرحت اكثر منها انا كل غلطتي اني سمعت كلام صديقي واعترف اني اخطيت وجرحتها كثير بس ماكنت قاصد اصلا هي ما خلت فيني عقل ,, عالعموم مشكوره خيتو وكلامك صحيح بس وشلون اتركها وهي اللي مصره ابقى معها .. اوعدك اني رح احاول ورح اضحي من شان حبي لها وهي لساتها صغيره واذا كبرت رح تقدر موقفي .. اكرر شكري ويعطيك الف عاافيه |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| سوالف ثنين محششين غي الماسنجر...؟ | حرب المدارس مع بفباف قاتل الجراثيم | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 7 | 08-01-2009 10:53 PM |
| كتب معلومات | حلوه القصيم | منتدى كتاب تحميل كتب مجانية كتب الكترونية كتب للتحميل | 0 | 06-10-2009 07:09 PM |
| محادثة بالمسن روووووعهـ >>تابع لمسابقة القروبات | &بيــــــاع ^__^& ^__^الورد & | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 14 | 06-03-2009 02:00 PM |
| محادثة بين محشش ومنسم | sweet shosho | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 1 | 05-01-2009 04:26 PM |
| ثلاث حوارات مضحكه | ملاك مصرى | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 6 | 03-23-2009 11:41 PM |
-الدورات
التدريبية بجامعة نجران-
العرض العادي
