 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
08-01-2009
| ||||
| ||||
 رواية ثامن السبع العجائب رومانسيه جريئه كوميديه مصرقعه دراما ثامن السبع العجائب رواية سعودية بقلمـ : مشاعر حورية ساعدني في كتابتها : اختي :: ترنيمة العيون :: ،،،،،، وخآلتي :: شيطونة حلوهـ :: السلآم عليكم ورحمة الله وبركاته هذي أول رواية لي أتمنى انهآ تعجبكمـ ملآحظة : الروآية خيآلية و لاتمس للواقع بأي صله واذا كان هناك تشابه بين الشخصيآت والحقيقة فهو مجرد صدفة بسم الله ،، توكلت على الله ღ ثامن السبع العجائب ღ ((عائله ابو طارق)) ابوطارق ( ابراهيم ) : عمره 48 سنه يشتغل في احدى الشركات مدير شؤن الموظفين طارق: عمره 22 سنه طائش و يحب يلعب كوره و هو في آخر سنه كليه الطب. مريم : عمرها 17 سنه طالبه في ثالث ثنوي – علمي- هالبنت مررة حلوه و لها وجه طفولي و لون شعرها بني فاتح و عيونها عسليه و بيضاء. احمد : عمره 13 سنه و هو في صف اول متوسط ملقوف و غثيث . (( عائله ابو خالد )) ابو خالد ( محمد ) : عمره 50 سنه عنده شركه هو و اخوه بس صغيرة و يحب عياله و يدلع بنته الكبيره . ام خالد ( رفعه ) : عمرها 48 سنه تتمنى لأولادها كل خير و تحب بناتها كثير و تدلعهم مررررة . خالد : عمره 30 سنه متزوج فوزيه و كان زواجهم عادي و تقليدي و عنده ولد اسمه راشد فوزيه : عمرها 28 سنه طيبه كثيير و احيانا طيبتها توقعها في مشاكل مصطفى : عمره 21 سنه مرجوج درجه اولى و يحب يستهبل و يضايق خواته و بنات عمته و يلعب كوره سامح لخواته بكل شي عكس خالد المتشدد يدرس في السنه الأخيرة من كليه البترول و المعادن . أريج : عمرها 17 سنه تدرس ثالث ثانوي – علمي- ملكه جمال قليله في حقها عيونها بني غامق و شعرها اسود و بشرتها بيضاء . ماريا : عمرها 15 سنه في ثالث متوسط حركاتها حركات اولاد و ماخذ شبه من اخوها مصطفى و شعرها بني محروق و عيونها بنيه . (( عائله ابو ياسر )) ابو ياسر ( سعيد ) : عمره 55 سنه يشتغل في شركه هو و اخوه محمد . ام ياسر ( سلمى ) : عمرها 50 سنه هي تصير زوجه ابو ياسر و ام اسيل لأن ياسر توفت امه ياسر : عمره 21 سنه يحب يلعب كوره و يدرس في امريكا عدوته اللدودة هي بنت عمه أريج أسيل : عمرها 17 سنه تدرس ثالث ثنوي – علمي- طيبه و حبوبه و هي مع أريج مثل التوائم مايتفارقوا . (( عائله ابو عادل )) ابو عادل ( عمار ) : عمره 55 سنه متقاعد و يحب بناته و اولاده و مايستغني عنهم ام عادل ( خديجه ) : عمرها 53 سنه تحب تتلقف في لبس بناتها و حركاتهم و كل تبي تمشيهم على كيفها . عادل (( ابو ريم )) : عمره 38 سنه متزوج و عنده بنت وحده عبير(( ام ريم )) : عمرها 34 سنه متزوجه عادل ريم : عمرها 15 سنه و غبية حدهـــا و لون بشرتها برونزي و شعرها اسود و عيونها بني . أصايل : عمر ها 25 سنه متزوجه و عايشه في جده حنان : عمرها 17 سنه تدرس ثالث ثنوي – علمي- مرحه و خفيفه دم و الكل تعجبه ضحكتها لون شعرها كستنائي و عيونها بني فاتح و بيضاء . ــــــــــــــــــــــــــــــــــــــــــــــــــ ــــــــــــــــــــــــ الفصل الأول نبدأ في احداث روايتنا عند شاطئ الخليج العربي و بالتحديد في مدينه الدمـــام .. أريج : لالالا ... مايصير انا ابي اجلس هناكـ لأن صاحباتي راح يجون مصطفى : لا والله .. و ليش حضرتك ماتقعديهم عندك بمجلس الحريم أريج : مجلس الرجال اوسع و نبي ناخذ راحتنا مصطفى : لا يعني لا أريج : باااباااا ... مااااماااا أم خالد و هي نازله على الدرج من فوق : افف كل يوم نفس الحاله ماتشبعون انتم من المضارب .. وش صااير ؟ أريج : ماما شوفي مصطفوو مايرضى ادخل صاحباتي مجلس الرجال ام خالد : مصطفى حبيبي تكفى فكنا من صراخ اختك و خلها تدخل مصطفى : لا يمة مايصير ادخلها .. لو دخل واحد من الشباب أريج : مابيدخلوا .. مصطفى : انتي اسكتي و كلي تبن انا اكلم امك أريج : مالك دخل ،، مدت لسانها له ام خالد : مصطفى عاد خلاص خل اختك تقعد ماظن بيصير شي لو خليتها تنبسط أريج و هي مبتسمه : يابعد عمري ماما مصطفى عصب و ركب فوق و هو يسب و يلعن في اريج أريج و هي تناظر امها مبتسمه : ههههه عصب ههههاااي ام خالد : فكينا منك و من شرك و قومي جهزي المجلس عشان صاحباتك لا تفشلينا أريج : ان شاء الله ماما و ركبت فوق و هي تغني أغنيه سنوات الضياع انا بدفع عمري و نرجع سوا .. ضحكت بصوت عالي : ههههااااي سوا لو موبايلي هاهاهاهاهاهاهاهاها .................................................. .............................. في منزل آخر ... بيت أبو عادل صاح جوال حنان بنغمه غيرل فريند للمغنيه افريل لافين حنان : هلا اريج أريج : بسم الله كيف عرفتيني حنان : من نغمتك أريج : اكيد غيرل فريند حنان : تستهبلين انتي .. مو انتي الا قايله لي احطها لك أريج : هههه ايه صح تذكرت حنان : هههه المهم و ش تبي يادبه أريج : اوووه صح .. نسيتيني هههه الليلة التجمع عندي اوكي ؟؟ حنان : اوكي .. الشله كلها بتجي ؟ أريج : يس حنان : اوكي يالله باي لا يقدر رصيدك و تقولي مني انا هههه أريج : خخخ زين .. بايات و سكرت حنان من عند اريج طق.. طق .. حنان : تفضل ... دخلت ريم : هااااي حنان : هايات ريم : وين بتروحين حنان : مالك دخل .. بعدين تعالي كيف عرفتي اني ابطلع ؟؟ ريم : سمعت كل شي من عند الباب حنان : صحيح انك حماره ريم : ماعلينا .. المهم و ين بتروحي حنان: بروح حق اروجه ريم بخيبه امل : اها .. ضنيتك بتطلعين بن خلدون حنان : لا هذا انتي عرفتي يالله ظفي وجهك تحت ريم : آآآف ... زين عاد كليتيني بقشوري طلعت و سكرت الباب بقوه حنان تصارخ : وجـــــــعـــــــــه .................................................. ............ بيت أبو طارق مريم تصارخ و هي تمشي : طااااااااااارق .... طاااااااااااارق ... وينكـ ؟؟ طارق يصارخ : هذاااني هنا يادبه في الصاله مريم : طرووق ياقلبوو ابي اروح بيت صاحبتي عندك مانع ؟؟ طارق : لا ماعندي .. و يالله روحي ظفي وجهك ابي اشاهد سنوات الضياع مريم :ياحنا ياهالميس اللي لا حسه عقول الشباب و ركبت فوق تتجهز عشان تطلع .................................................. ................... بيت أبو خالد الجرس يصيح طن ... طننن خالد يصارخ : أرييييييييج شكلهم صاحبتك اما عند اريج لا حياة لمن تنادي خالد يقول لمصطفى : روحة نادي ماريا اختك عشان تفتح لصديقات اريج الباب مصطفى و هو مو مهتم يطالع التلفزيون : مالي خلق قوم انت خالد : مالت عليك و على هالخشه قوم لا اعلم ابوك عن البنات الي بجوالك مصطفى دار : لا .. خلاص بقوم بس انت لا تعلمه طن .... طنننن .. خالد : قوم بسرعه ترى الجرس فقع راسي قام مصطفى و طلع برى و فتح الباب : نعم حنان بكل جرأة : وش هالأخلاق الزفت بعدين ليه تاركيني ساعه برة مت ترى انا من الحر مصطفى ساكت يطالع في هالبنت الي قدامه شكلها هبله : وش اسوي في صاحبتك اريج حنان : و انا بضل برة هنا ؟؟ مصطفى : لا حياك تفضلي البيت بيتك حنان كانت تمشي وراه و هي تقول في نفسها (( افف هالعائله اخلاقهم رايحة ملح)) وصلوا عن المجلس فتح لها الباب و دخلت تنتضر اريج ,طبعا المجلس كان له باب خارجي و هي دخلت منه ،،، مصطفى راح دخل من الباب الثاني (( الرئيسي )) و في طريقه شاف اريج اخته : هيه انتي ... روحي لصاحبتك صار لها ساعه برة أريج : آآآآف وخر عني بس بروح و طلعت اريج للمجلس اول مادخلت : هآآآآآي حنونه ياقلبوو حنان : هآآآيآآآت أريج : سوري خليتك برة بس كنت اتكشخ حنان : مالت عليك انتي و يا خشتك هذي طن ... طننن اريج : شكلها الشله جت حنان : روحي افتحي لهم لا يصيروا مثلي أريج و هي تقوم : هههه زين بروح قعدي مكانك لا تروحي مكان حنان : وين بروح ياحسرة أريج فتحت الباب مريم و اسيل : اففف حر اريج : اخيرا جيتوا ... ماعلينا يالله دخلوا داخل دخلوا البنات داخل المجلس و ضرب سوالف و مسخرة بعد 3 ساعات من الضحك و الوناسه أريج: اوووف الساعة 11 الليل حنان : يالله باي جى لي اخوي عادل و طلعت حنان ،،، دق جوال مريم اغنية تنحط عالجرح يبرى مريم : الوو طارق: يالله اطلعي انا برة مريم : اوكي باي ،،،، مريم دارت جهة اريج و اسيل و قالت : يالله بنات باي جى لي طارق أريج : باااي و طلعت مريم و بقت اسيل و اريج أريج : اسوله يابعدي أسيل : اوووه هالأسوله هاذي وراها شي أريج ضحكت : ههههه ... صدق انك دبه المهم وش رايك تنامين عندنا الليله أسيل : مادري ماسألت ماما أريج : دقي عليها أسيل و هي تدق : اوكي أم ياسر : هلا اسوله أسيل : ماما ممكن انام مع بنت عمي اروجه ام ياسر : اكيد ياقلبي تقدري أسيل متفاجئة : جد ؟؟ ام ياسر : ايه اكيد عادي أسيل : تسلمي ياحلى ماما ام ياسر : الله يسلمك يالله تصبحي على خير حبيبتي اسيل : و انتي من اهله و سكرت من امها أريج : اكيد وافقت أسيل : أي طبعا هاذي ماما القمر أريج : الله وناسه الأسبوع الجاي بنام معكم أسيل : هههه أي كشخه أريج : يالله قومي خلنا نتونس و نسولف حنا في اجازة و ركبت اريج و اسيل و ياليييل ماطولك دقوها كلها سوالف و مسخرة و حش و اكل لحوم الخلايق >>> بنات بعد وش يعملوا غير الغيبه هههه ..................... في الصباح صاح جوال ام ياسر بموسيقى كلاسيكية ام ياسر و كلها نوم : الوو ياسر : هلا و غلا بحبيبتي ام ياسر : هلا يسووور كيفك ؟ ياسر : فاين ثانك يو أم ياسر : ههههه مأثرين عليك هالأمريكان ... الا على طاري امريكا متى بترجع ؟؟ ياسر : شوي شوي علي يمه .... انا برجع بعد يومين ام ياسر : الله ييسر لك يمه ياسر : شوفي ابيك تعزمين الكل لما ارجع اوكي ؟ ام ياسر : ان شاء الله تامر امر ياسر : يالله اشوفك على خير ....سي يو سووون ام ياسر : مع السلامه .................................................. .. في بيت ابو طارق عند احمد و مريم كانت حرب أحمد : ياحمارة كم مرة قايل لك لا تدخلي غرفتي مريم : مالك دخل فيني يالبزر احمد صار وجهه احمر و طب فوق مريم و بدى الضرب احمد يعطي مريم بكس و مريم تجرحه باظافرها الطويله طارق قام من النوم بعصبيه و شعره معفس و راح الصاله : وجع انتي و ياه العالم كلها قعدت من صراخكم بعدين ليش جالسين لهالحين روحوا ناموا مريم و احمد لما شافوا شكله شعر معفس و وجهه فيه نوم و معصب ماتوا ضحك : ههههههههههههههههااااااااااي ههههه هاهاهاهاهاها طارق عصب : وش فيكم تضحكون مريم : هههه لا و لاشي بس شوف شكلك يموت من الضحك اما احمد ركب فوق و هو ميت من الضحك طارق عصب و ركب فوق و هو معصب مريم : هههههههه استغفر الله خخخ ... خلني اقوم انام احسن لي ههههه و ركبت مريم عشان تنام .......................................... بعد يومين في بيت أبو خالد الساعة 11 و ربع الضحى ام خالد تقعد اريج : اريج ... اريج يالله ماما قومي أريج : همممممم ام خالد : اروجه قومي بنروح بيت عمك ابو ياسر ولدهم رجع من امريكا اريج : اففف ماما مالي خلق اكيد بنات عمتي بيكونوا هناك ام خالد: خير ياطير .... اقووول اريجوو قومي احسن لك ترى عمك بيزعل منك اريج قامت و هي معصبة : خلاص بروح ام خالد ابتسمت : اوكي حبيبتي يالله قومي تروشي لأنو المفروض الساعه 12 نكون عندهم اريج فتحت عيوها عالأخر : بـــعــــد ؟؟؟!!!! ..... افففف كل من هالياسر الله يبليه بمراءة قشرة ام خالد و هي تضحك : ههههههه الله يرجك يالله قومي بس اريج و هي طفشانه : زين بقوم و طلعت ام خالد بره و في طريقها شافت مصطفى لا بس ثوب و كان شكله رزة ام خالد : الله مصطفى صاير كشخه اليوم ... مو ناقصك الا غترة و عقال و تصير رجال مصطفى باستهبال : ليه يعني انا مراءة ؟ ام خالد : ههههه الله يهداك بس ... اكيد عشان و لد عمك ياسر مصطفى :اكيد و الا وش رايك انتي ؟ هههههههههه ام خالد مشت و هي تضحك على شكل و لدها :::: اما عند اريج كانت قاعده بروب الحمام تختار لها ملابس :::: اريج : اففف وش البس ياربي .... الله يقرفك يا ياسرووه اختارت اريج لنفسها ملابس تنورة رماديه مع بدي بنفسجي و فوقه قميص الشفاف و حطت كحل و قلوس و طبعا ضروري تسشور شعرها ...} .................................................. .............................................. الساعه 12 في بيت ابو ياسر طن .......طننننن ام ياسر : اكيد هاذي ام خالد و بناتها ام سالم ( اخت ابو خالد و ابو ياسر ) : أيييييه دائما متاخرين اسيل : عمتووو حرام عليك ام سالم : كلي تبن انتي بعد .. اسيل بصوت عالي : آآآآآآآآفففف و دخلت ام خالد و بناتها ...} ام خالد : السلام عليكم الكل : و عليكم السلام ام سالم : ليه متاخرين ماريا بعربجيه : شنسوي في الأنسه اريج ساعه تختار لها ملابس اريج باشمئزاز من ماريا : ورى ماتنطمين ماريا : هييييه انتي احترمي حالك لا تخليني اقوم عليك الحين أريج : جربي لما اخليك تنسين اسمك ام خالد بنرفزة : خلاص يابنات ام سالم بشماته : خوش تربيه اريج طالعتها باحتقار من فوق لتحت : انا بطلع برة بشم لي شوية هوا لين ماتحطون الغداء طلعت اريج و هي متأفأفه و فجأة صدمت في شي اريج : وجع ان شاء الله مانتشوفي قدامكـ ياغبية رفعت راسها و سكتت لما شافت ..... التكمله في البارت الجاااااي اذا عجبتكم راح اكملها واذا شفت تفاعل منكم راح انزل بارت جديد
_________________  |
|
#2
08-01-2009
| ||||
| ||||
 رد: رواية ثامن السبع العجائب رومانسيه جريئه كوميديه مصرقعه دراما السلام عليكم ورحمة الله وبركاتة اختي الغالية مفحطة بعربية جيان حاب ان اشكرك على روايتك الخيالية انها لروعة المنظر وجزء من الخيال لاكن بحكم ان في هذا القسم تكثر الروايات والحد مايدري يتابع اي واحدة فمو شرط ان الاعضاء يتفاعلوا من اول بارت انتضري وان شاء الله نلقى تجمهر على روايتك وانتمى لك التوفيق ودمتي بكل خير :: : 
_________________  / / /  |
|
#3
08-02-2009
| ||||
| ||||
| رد: رواية ثامن السبع العجائب رومانسيه جريئه كوميديه مصرقعه دراما يسلمووو وان شاء الله ماراح انزل بارتات جديده الا اذا شفت تفاعل من حبايبي الاعضاء
_________________ |
|
#4
08-14-2009
| ||||
| ||||
| رد: رواية ثامن السبع العجائب رومانسيه جريئه كوميديه مصرقعه دراما وااااااااااااااو مرررررررره حلللوه الله يخليك الا تكفين كملي الروايه
_________________ [/I][/COLOR][/SIZE][/FONT][/B] |
|
#5
08-14-2009
| ||||
| ||||
| رد: رواية ثامن السبع العجائب رومانسيه جريئه كوميديه مصرقعه دراما يلا تكففين كملي الروايه اله يخليك ابغى التكمله بللييييييييييزمن اول ادور روايه ما صدقت لقيت وحده يلا بليززز كمليها كلها
_________________ [/I][/COLOR][/SIZE][/FONT][/B] |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| كتب إلكترونيه | حلوه القصيم | ممنوع مخالف مكرر | 6 | 11-01-2009 01:39 PM |
| ثامن السبع العجائب | بنت جدة | غرائب وعجائب اسرار غريبة عجيبة مخيفة و حقائق علمية | 4 | 08-07-2009 02:16 PM |
| افلام جديدة+مسلسلات مشهورة هنا | النجم الساطع 2000 | ممنوع مخالف مكرر | 6 | 06-23-2009 06:47 AM |
| مطلقة من واقع الحياة | بنت الخبر | المطلقات من الزواج عوانس ارامل بحث عن زواج ناجح بدون طلاق للزواج | 0 | 03-16-2009 12:58 AM |
| لقافه مع استفاده | ششمسه | تفسير الاحلام dreams | 12 | 10-21-2008 05:31 PM |
-الدورات
التدريبية بجامعة نجران-
العرض العادي
