محمد العبدلي

السلام عليكم ورحمه الله وبركاته





هذه بعض القصائد من ديوان الشاعر الشاب / محمد العبدلي

وجدتها في احدى المنتديات المجاوره


واتمنى ان تستمتعوا في قرائتها


لكم كل الحب


[IMG]كل ما في الموقع من روابط للتحميل مثل صورة لعبة برنامج اغنية مقطع فلم على رسائل مسجات الى يوتيوب سواء للبنات او للشباب لابد من تسجيل اضغط هنا و استمتع مع اجمل و احلى مواضيع[/IMG]


الشاعر / محمد العبدلي المطيري

مواليد /1987





ويقول من ابيات له



اضحك وآجامل ليت فيني تمعنت
شفت الفرح في داخل شفاي مقبور
...
واليوم شفني عن حقوقي تهاونت
بيارقي طاحت ولانيب مكسور





بقايا حبر



شفني بقايا حبر منثور بكتاب
.........................في صفحه الأحزان كل(ن) قراني

سجلت لك موعد لقاء بين الأهداب
.........................بروي عيوني يوم طيفك جفاني

شمس الهجر تشرق ونور الوصل غاب
.........................وضيعت بالوجهه سهيل اليماني

نظرات عينك كنها الشمس تنساب
.........................تصهر جليد الشعر داخل كياني

كن القصايد فيك قبله ومحراب
.........................آجذب من الخفاق جذب السواني

القلب بيت وصارت اضلوعي اطناب
.........................تربعي بالعرش وسط المحاني

تستوطن الأشواق بعيون الأغراب
.........................وسافر بذاتي وآنا في مكاني

ترحل ويبقى طيف ذكراك مرتاب
.........................وتضيق في سطح المدينه مباني

اغتيلت البسمه على راس مرقاب
.........................وعلقت للفرحه مع الحزن عاني

بذرت حرفي من طواريك بكتاب
.........................لين ازهرت كل القصايد عشاني

لكن شموخي ماتعثر بالأعجاب
.........................باقي على خبرك ولو قلت آناني

باب الغلا مقفول لاتفتح الباب
.........................آخاف تلقى ساكن القلب ثاني



ومن روووائعه


جيت المكاااااااااااااااااااان





جيت المكان .. ورحب الصمت فينـي
.........................وآستوحش الأطـلال منـي . ونـاداك

لولا غلا ذكـراك .. ماشفـت عينـي
.........................تبكي كمـا دمـع السحابـه . وتنعـاك

آيـام تحسبنـي بحسـبـه سنيـنـي
.........................وأخيل بارقهـا .. علـى مـد ذكـراك

تعصفبـي آمـواج الغـلا وتغطيـنـي
.........................عن نظـرة العـذال .. ياحـر لامـاك

تشربنـي اهمومـي . ولاترتويـنـي
.........................وأعود لك عطشان .. وأشربك وأضماك

آحتاجلك وإن جيت .. ضيعـت وينـي
.........................آلقاك فيني نوب .. وآحيـان ماألقـاك

آحيان آشوفـك بيـن جفنـي وعينـي
.........................وأغمض عيونـي علشـان ماأنسـاك

وتصير في جفنـي وعينـي سجينـي
.........................وآحرمـك مــن ذولا وذولا وذولاك

وآحيان آحسك وألمسـك فـي يدينـي
.........................وآحيان آضيّع درب رجلـك وماطـاك

تدري وش اللي في غيابك يجينـي؟؟
.........................صفير ريح .. وقرعة الأرض بخطاك




آشــــتــــــاق لـــــه


ياغايبـه والبعـد يستـوطـن الـقـرب
يـوم الزمـن بـدل تفاصـيـل ثـوبـه

...
ودام النظر يكفي عـن لسانـك الـذرب
شميـت ريـح الهجـر لومـا شعلوبـه

...
وكان العـواذل عنـت الخيـل والسـرب
لـو ساقـوا عيوبـه مناظـر عيـوبـه

...
وكان المحبه شمسهـا مشرقـه غـرب
قالـوا وقلـت وقيـل لـذنـب تـوبـه
...

قالوا تحـب وقلـت بالجمـع والضـرب
خلـوه قلبـي غـارق(ن) فـي ذنوبـه
...

قالـوا يحبـك قلـت بالسلـم والحـرب
ولاصـدق العـذال هـرج(ن) حكـوبـه
...

آشتاقلـه شـوق المعاطيـش للـشـرب
وإن غبت تكشـف جرتـي فـي دروبـه

...
ومن بعدها الأحزان والضيـق والكـرب
القلـب شـارة والنياشـيـن صـوبـه

...
محد(ن) طلب رجل(ن) عمى ياصف الدرب
ولحد(ن) يشيل اذنـوب ماهـي ذنوبـه





الحب شجّرة ثابته والجفاء فاس




لاينقطع حبل الرجاء في يـد اليـاس
.........................ومن الندم راسـك تحطـه بصـدري

الحب شجّرة ثابتـه والجفـاء فـاس
.........................والعـاذل الحطـاب والنـاس تـدري

تدرون وش هي ضيقه الصدر يانـاس
.........................لاقال تأمـر شـي ثـم قلـت بـدري

بدري على عيون السهر غزوا الأنعاس
.........................وآنا على شاطيـك والبحـر بحـري

تبحربي الأيام فـي سفـن الأتعـاس
.........................وآنا مـع الأحـزان مقتـول صبـري

الحرف بنّ وصادق الشعـر محمـاس
.........................اقدع من الضيقـه بقهويـك شعـري

مال الوفاء في حضرت الغدر مجـلاس
.........................خـلاص برحـل دام الأيـام عـذري

سكرت شبـاك الغـلا بكـل نسنـاس
.........................من خوف لايدخـل خيالـك وتطـري

يالمـاس ياللولـوا تبدلـت بنحـاس
.........................ماحسب الخسران مـن قبـل يشـري

واليوم من ذكراي قرطـاس قرطـاس
.........................شققـت صفحاتـك ولا عـاد تطـري




ديّم شعوري شعر من غيمه اشعار
والأرض خصبه والقريحه حمتها
...
ولاشلّع الهاجوس بالفكر ثم طار
تربط حروف البيت كل احزمتها
...
طاح الغرور اللي توطته الأقدار
كن السنين المقبله علمتها
...
ياليت سم الهرج ياقف على الزار
وتموت عذالي ولا كلمتها




مـــتـــى تـــذبــــحـــيـــنــــي ؟؟؟


سافرت عن دنياء العناء والغرابيل
وارمشت بمسح مامضى من سنيني
//
يوم آلتفت ليـا همومـي مداهيـل
تبكي على طلال المفـارق تبينـي
//
عطيتها ظهري ولا عاد بـي حيـل
امشي وناظرهـا بعـد خطوتينـي
//
وجريت من طيش المشاعر مواويل
ارجوك من قبل السفـر تسمعينـي
//
ياوردةً ماتت علـى ضفـت النيـل
هب الجنوب وشالها مـن يدينـي
//
عذرة شعاع الشمس لو يفضح الليل
مايستـرة والليـل عيـا يليـنـي
//
العين غيمه والدمـع كنـه السيـل
والخد قـاع وشوفتـك ترتوينـي
//
مال الدموع إلا كفـوف المناديـل
لاصرت دمعه في هواك امسحينـي
//
آسف غلطت وغلطتك زاده الكيـل
وبخنجر اعمالـي متـى تذبحينـي
//
دمعـت يومنـك تلاشيـت بالليـل
دمعة فرح ماهي بدمعـه حزينـي





على ثرى نجد العذيّه لو تهبي يالهبوب
.............................لا مابقى في صدري المهموم هم احتاربه
دايم تراودني ووردها على العد الجذوب
.............................وتصدّر أليا صحت وتضوي كلبوها شاربه
يارب مخطي وأعترف يارب توبني واتوب
.............................يارب عبدك في ضلامه ظلّ وذنبه ساربه






التوووووبه





قالوا تتـوب وقلـت ماظني اتـوب
.........................عن الهوى والحب ماني بتايـب

منساك لوالشمس تشرقبي غـروب
.........................وطيح عجزانً على الارض شايـب

منساك لو بعدك لبست الكفن ثـوب
.........................وادفن وتركز فوق راسي نصايـب

جيتك واجر اخطاي زلات وذنـوب
.........................اجهل طريق الحق واقول صايـب

جيتك مع النسيان وجفاك من صوب
.........................جيتك وشوف الحال وانت السبايب

حلمت حلم محمد وصبـر ايـوب
.........................هذي ثـلاث شهور يازيـن غايـب

من سبت غيابك بدى الخافق يـذوب
.........................ودموع عيني فوق خـدي سكايـب

حبيت قلبي يـوم حبـك يمحبـوب
.........................وشتقت لك شوق البـذر لسحايـب

حبك بقلبي حب يوسـف ويعقـوب
.........................غارو خوانه كيف عـاد القرايـب

قلبي غنيمه حرب لك صار منهوب
.........................وقفيت به عقب النصر منـت خايـب

طال الغياب وجمر الاشواق مشبوب
.........................وطيفك يجيني مع نسيـم الهبايـب

للعين نظره تشوف وللخطوه ادروب
.........................وللبعد وصـل وللمحبـه حبايـب

ولولا التفائل والقدر لوح مكتـوب
.........................سلمت نفسي في يديـن المصايـب

حزني ملك وهموم قلبي له اشعـوب
.........................صغير سن وجرح الأشواق شايـب

ولوقالـو التوبـه لابالله مـاتـوب
.........................إن كان حبه ذنـب مانيـب تايـب