الرسايل في جوالنا احنا ياالبنات يحليلنا نهبل والله.............
هــــــــــــــــــــــــلا وغلا بكل الأعضاء
هذا الموضوع عجبني وضحكت عليها لانه حقيقه
فلطسته لكم عشان تعرفون احنا البنات نهبل....................
هذي هي الرسايل


1- ياليت يا قلبي تجيبين معاكي بكره ملزمة علم النفس .
2- اسمعيني بسرعة حطي على قناة ( هي ) فيها عرض الأزياء اللي قلتلك عليه .
3- أهلين يا حلوة الحلى اللي عطيتيني طريقته اليوم كم مقدار السكر .
4- ما حبيت ازعجك بس ببشرك بشارة حلوه دكتورة العربي في آخر الدوام اعتذرت عن محاضرة بكره يعني نوما هنيئاً
5- معليش يا دنيتي دقيتي علىّ وكنت نايمه والحين ارسلك من جوال اختي لان جوالي استقابل .
6- مساء الخير وش رايك اتفقت مع البنات نطلع للملاهي تخاوينا .
7- الله يعطيكي العافية اذا شفتي امي يا بنت خالتي الحلوه في الزواج قولي لها تدق على أخوي لانه يدق عليها وشكلها مع الطق ما تسمع يبي يعرف متى يجيها .
8- حبيبتي ياليت ترسلين لي رقم جوال أمل ابيها ضروري
9- لو سمحتي أقصد لطفا وليس امرا وانتي رايحه للسوق ياليت تسألين عن قيمة القماش اللي قلتي لي عليه .
10- اسمعي يا حلوه بدون مقدمات ما دمتي في بنده أسألي عن فواصل اذا كان العدد الجديد نزل .
11- السلام عليكم ما حبيت احرجك بس عظم الله اجرك وغفر الله على موتانا وموتاكم وخليكي من الصابرين .
12- مسائك هادي يا احلى ناسي والف حمد الله على السلامة في عدوينك ولا فيكي .
13- هلا وين عزمتو بكره عليه قبل لا يتأخر الوقت بقول لأهلي .
14- يا دنيتي افتحي ( ام . بي . سي . اف . ام ) الاغنيه اللي فيها إهداء مني لكي .
15- الله يعافيكي بلغي البنات اللي ما شفتهم ان نوف سوت حادث ودخلت المستشفى اذا بيسألون عنها .
16- نوف يا عيوني وانتي جايتنا ياليت تجيبين معاكي فستانك اللي بفصل عليه .
17- يا عيوني انا في السوق ياليت تعطيني نوع الروج الوردي ضروري .
18- يا حلاه من صباح وانا اسمع فيه خبر البيبي الف مبروك يتربى بعزكم .
19- يا حبي اعرفك نسايه ترى بكره عندنا اختبار انجليزي .
20- مساء الدلع والولع يا عمري اذا كنتي فاضيه ياليت تدقين على الثابت ابي احدد معاكي اختبار ملزمة بكره .
21- سارة . وش اسم آخر عطر من شنل اللي قلتي لي عليه اليوم .
22- كيفك اخبارك من حقي عليكي اذا شفتي نوف في الزواج سلميلي عليها كثيــــر .
23- يا هوه يا عرب وين الناس تزوجتي وقطعتي فينا من لقى احبابه نسى اصحابه والله لنا .
24- الله الله بحلى القهوه ترى القهوه عليكي بكره ولا تنسي .
25- اذا ما اكلف عليكي ياليت يا قلبي تجيبين لي معاكي كتاب الدكتوره عزيزه .
26- صباحك حلو لانك داخله الصيدليه على هالصباح جيبي لي معاكي بندول انا مصدعه وما حصلت مع البنات ولا بالجامعه .
27- أمل يا عمري انا بتأخر شوي لاني بطلع للمشغل على العموم اطلبوا لي عشا معاكم ليما اجي .
28- لا يفوتك اليوم المسلسل الحلقة الاخيره في قناة دبي .
29- يا ***** دقيت عليكي وجوالك مقفل على العموم لا تدورين على نظارتك لانك نسيتيها عندنا . (( أتخيل شكلها.ههههه))
30- اهلين يا احلى الحلوات اعذريني ما اقدر اجتمع مع البنات عندك اليوم امي تعبت شوي وخيرها بغيرها سلمي على الجميع

منتديات مدرسة المشاغبين - منتديات الفسحة العامة

اللهم بر والدينا أضعاف ما كانوا يبروننا
وأنظر اليهم بعين الرحمه كما كانوا ينظروننا..
اللهم هب لهم ما ضيعوا من حق ربوبيتك بما اشتغلوا به في حق تربيتنا..
وتجاوز عنهم ما قصروا فيه من حق خدمتك بم اثرونا به في حق خدمتنا..
واعف عنهم ماارتكبوا من الشبهات من اجل مااكتسبوا من اجلنا
وألطف بهم في مضاجع البلا لطفا يزيد على لطفهم بنا
اللهم اجعلنا لهم قرة اعين يوم يقوم الأشهاد
وأسمعهم منا أطيب النداء يوم يقوم التناد
..

2- اسمعيني بسرعة حطي على قناة ( هي ) فيها عرض الأزياء اللي قلتلك عليه .