|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
08-09-2009, 05:03 AM
| ||||
| ||||
 يوميات الطالب المفصول باللهجه البحرينيه السلام عليكم ورحمه الله وبركاته  تعريف بأبطال القصه: ( ابوحمود ) :  رجل كبير عمره تجاوز 80 حالته المادية ضعيفه جدا يعمل في احد المزارع كفلاح يحصد الارض .( ام حمود ) :   امرأة كبيرة ولكن صحتها قويه عمرها 65 عام اميه لا تعرف الكتابه ولا القراءة .( جلول " جليله" اخت حمود ) :  طالبه في المرحله الثانويه وهي طالبه متفوقه تدرس باجتهاد لكي تتخرج ويكون لها مستقبل ترضى فيه وتساعد به اسرتها الفقيرة . ( حمود ) :  بطل القصة شاب مراهق فصل من المدرسه وهو لم يكمل الصف الثالث متوسط  لتعديه على احدى المدرسين بالمدرسه وضربه ويلقب بــ  " جماع القواطي " .( سلوم ) :    صديق حمود وايضا من عائله فقيرة ولكن يملك افكار شيطانيه ويعفس بلد بها ويلقب بــــ " بقعه الزيت " .اما اللأن نبدأ بسرد القصة. مع تمنياتي ان تعجبكم.... .................................................. ............................................. الجزء الاول وقف عند باب البيت وهو يحمل ورقه الفصل النهائي من المدرسه ويقول في نفسه : الحين يا ويلي ادا دخلت البيت وحصلت امي قاعدة ..... ما بتلجيني من الهدرة وما بتخلي دعوة الا بتنزلها وبتدعليها عليي ..... ادري ابها انا ..... وبعد جاي من المدرسه من وقت .... اكيد بتشك في السالفه .... ما اليي الا اجدب عليها جدبه وهي جدي جدي ما تعرف تقرا ولا بتدري هادي ورقه ايشو الا في ايدي . دخل وفي نيته يلعب لعبه على امه .... تفكه من اسالتها الي ما تخلص وهدرتها . فتح الباب وصكاه بالعدال وقام يمشي على اطراف اصابع رجوله علشان .... ما يطلع صوت يخلي امه تشك وتدري ان في احد في البيت ....... وفجأة ! ( ام حمود ) : حمــــــــــــــود ؟؟؟؟؟؟؟؟؟!!!!!!! ويش تسوي يالادمر هني ؟؟؟؟ ما تقول اليي لويش ما رحت المدرسه ؟ تعال هني خلني اراويك شغل ربي تعال يا طايح النصبه والدات . ( حمود ) : هـــــــا ..... لا اماه ... بس احنا اليوم استادنا غايب وقالوا الينا المدرسه روحوا بيوتكم استريحوا ما في دروس اليوم .... الظاهر اماه ان الاستاد مريض عدل ...... رايحه عليه ..... متهاوش ويه مرته وفلتت عليه نعال زنوبه على عيونه وبطتها ..... مسكين ما يقدر يجي المدرسه ... واحنا عطونا ورقه كاتبين فيها ان عندنا اجازة لمدة شهر .... حتى اطلعي هكوا الورقه عندي تبين تشوفينها ؟ ( ام حمود ) : تتبهلل عليي يا اللي ما تستحي على وجهك ... من وين اليي اعرف اقرا اني ؟؟؟؟ لكن جيب الورقه بطلعها بشوف ويش سالفتهم هالمدرسه ..... ما اصدق يعطونكم اجازة شهر . ( حمود ) : هاش جودي اقري عدل ... اجازة شهر مو تنبهيني باجر للمدرسه هداني قلت ليش . ( ام حمود ) : اي صدق اكو مكتوب ان الاستاد على عمري مفلوع بالنعال هههههههه استحوا يقولون متهاوش ويه مرته ...... اي فضيحه يقولون متهاوش خلوه مريض بس . ( حمود ) : اماه ..... الورقه مقلوبه جيفه قريتينها ههههههههههههه ....... وفاني شي انا ما اجدب عليش قلت ليش عندنا اجزة خلاص المفروض تصدقيني . ( ام حمود ) : انزين .... انزين .... لا تسوي اليي الحين سوالف وتسبل ...... اني بطلع بيت ام حسوون .... وادا ادن برجع البيت زين ؟ ( حمود ) : اوه من متى تقولين اليي وين انتين رايحه .... المهم .... اماه انا بروح انام بس لين رجعتين لا تقولين لاحد مفل ابويي يعني ... ان المدرسه عاطينا اجازة بعدين الوزارة تدري ويحبسون مديرنا .... مو زين يعني نقطع برزق الرجال اماه . ( ام حمود ) : لا لا فيها سجن ... مسجين المدير خوش رجال عاطنجم اجازة ومريحجم .... ما بقول لاحد خلاص . دخل حمود حجرته وهو متشقق ... قدر يجدب على امه وفلت من الهدرة اليوم والزنه على راسه .... بس الله يعينه لو درت عن سالفه الفصل . توه منبطح على المرقد جان يسمع صوت تفلع حجارة على الدريشه ... " ههههههههه هاده اكيد سلوم بقعه الزيت جاي اليي .... قايل اليه الف مرة لا يفلع حجارة على الدريشه .... بيكسرها اليي وابويي بدفعني ثمنها من خرجيتي ..... لا بارك الله فيه " . نزل تحت البيت وفتح الباب ....... لقى سلوم واقف كشته رايحه عليها .... شكله قاعد من النوم ..... ههههههه قطع هالشكل نعال حمامات وقميص زراراته نصها مو في محلها والصروال قاحص لفوق جوزة الرجول . ( حمود ) : هههههههههههههه هلا هلا هلا والله ببقعه الزيت .... ها ويش مجيبنك هني ؟؟؟ مو انته اليوم مريض ولا جيت المدرسه لاه ؟؟؟ ( سلوم ) : لا اي مريض ... انا اليوم سويت سوايا ... رحت المدرسه وانخشيت تحت سيارات الاساتده .... وفششت التواير واحد واحد ....... طلعت حرتي مالت امس .... عجل من يدخل استاد قال اليي قوم اوقف ورى يالغشاش .... كاني الوحيد الا يبرشم في الامتحانات ..... ما صارت هادي ..... قلت انتقم منهم وبشوفون ازيد بعد . ( حمود ) : هاااااااااااااااا ...... الحين عرفت منهو الا فشش التواير وقلب علينا المدرسه اليوم .... طلعت انته بقعه الزيت !!! اه منك عليك افكار ....... بس تدري ان عاقبوا صبيان المدرسه نصهم ... وانا منهم .... وقالوا الي ما يعترف من الي فشش التواير بنخلي الشرطه تجي وتجين وياها جلاب اطلع المجرم ..... بس ما في احد اعترف .... والمدرسه قالبه عفسه فوق تحت . ( سلوم ) : هههههههههاااااااااااي ..... حريمهم يعرفوني لو يصيدوني ..... بس قول زين ان عملتي نجحت وجابت نتيجه .... خلهم يستاهلون ....... الا تعال جماع القواطي .... صدق الا سمعته من امك الحين ؟ ( حمود ) : ويش سمعت بعد ؟؟؟ ( سلوم ) : وانا طايف على بيت ام حسون .... سمعت صوت امك يلعلع ...... تقول ان المدرسه عاطينا اجازة شهر لان استادنا مريض . ( حمود ) : طالع هادي الا بتفضحنا بعد ...... لا مو صدق .... اليوم تهاوشت ويه استاد ابو خنفر...... وضربته وبطيت عيونه .... قاموا فصلوني ..... ويوم رجعت البيت قلت لامي ان ورقه الفصل هادي اجازة شهر ..... لان استادنا مريض والمدرسه اليوم رجعونا من وقت و ما في دروس . ( سلوم ) : ههههههههه خطير انت ما اقدر عليك .... والحين ادا درى ابوك ويش بتسوي ؟ ( حمود ) : لا تخاف ما بيدري .... من بقول اليه يعني ... الا اذا امي فتحت بوزها وهاده انا مهددنها .... ما تعرف تسكت دقيقه .... وادا درى نحصل الينا جم خبصه واسبوع على المرقد في البيت ...... وبعدين نقوم ما فينا شي كانا العافيه .... سهله يعني لا تحاتي .................................................. . ............................................. اذا ما فهمتوا بعض الالفاظ اخوانا البحرينيين حاضرين للعلم منقول من شبكة ومنتديات الفنان
_________________ لا إله إلا أنت سبحانك إني كنت من الظالمين  |
|
08-09-2009, 06:07 AM
| ||||
| ||||
| رد: يوميات الطالب المفصول باللهجه البحرينيه هههههههههههههههههههههههههههههه مشكككوووووووووووووووووورررررررررررررة حبيبتي
_________________  أمشي ولآ علي منهم!! يتكلمون فيني وانــآ آنفخ بـ[ غرتي ] ولآني( اسآساً معهم  |
|
08-09-2009, 06:19 AM
| ||||
| ||||
| رد: يوميات الطالب المفصول باللهجه البحرينيه ههههههههههههه حلو كلام البحريين وخاصة ادن مو اذن تقبلو مروري
_________________  أنــــــــــت مــــالـــــك شــــبـــــــــيــــــــــــــه |
|
08-09-2009, 06:37 AM
| ||||
| ||||
| رد: يوميات الطالب المفصول باللهجه البحرينيه خخخخخخخخخخخخخخخخخخخخخخخخ يعطيك الف عااااااااااااااااافيه
_________________  http://r.groups.im/rd?$1www.00-r.com/do3a/ نسخ ولصق ارجوك انشرها  |
|
08-09-2009, 06:01 PM
| ||||
| ||||
| رد: يوميات الطالب المفصول باللهجه البحرينيه ههههههههههههههههههه يسلمووووووووو ع الموضوع بس مو كلنا انتكلم جذي يسلمووووو |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| هل الله خير...............................؟ | الباقيات الصالحات | منتدى الحوار العام الفسحة العامة | 6 | 12-13-2008 09:17 AM |
| بروفيسور أمريكي يحرج طالب مسلم ولكن ........................... | loutus flower | المنتدى الاسلامى | 8 | 10-06-2008 06:09 PM |
| هل الله خيّر؟ | مشاغب بس على أصول | المنتدى الاسلامى | 2 | 08-13-2008 03:58 PM |
| هل الله خير ؟؟ سؤال ساله بروفيسور لتلميذين مسلمين انظر اجابه كا منهما | ۼۑٱٳبڪ ۑڹھۑـڼـۑـے | المنتدى الاسلامى | 6 | 08-04-2008 04:08 PM |
| هل الله جل جلاله خير؟؟؟؟؟ | ديم الدمع | منتدى الجريمه حوادث كوارث جرائم احداث عالميه وقضايا ساخنه الاتجاه المعاكس | 0 | 03-25-2008 05:17 PM |
-
-
العرض العادي
