 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
08-09-2009
| |||
| |||
 التميلح داء خطير .. احذرووهـ عليكم السلام >> وش دخلكم القسم قسمي وابدا من اي بسمله ودي .gif) << ياشين هبالك هو هو ما تغير .gif) صبحكم الله الله بالخير ومساكم الله بالخير بعد السلام والتحية والسؤال عن الحآآآل في عندي موضوع بسدحه لكم عساكم تستفيدون منه جميعاً يآآآرب ويكون سبب في منع بعض الظواهر اكيد كلكم هالحين مستغربين ورآآآك منزل موضوع يكفي ردووودك اللي هي مواضيع بحد ذاتها << جد قالوها له وحطموووووهـ بس انا شفت شي يستدعي اني اكتب عنه يعني كتاباتي موب من فراااغ اندلعت فيذا يا أحبائي ظاهرة جديده بكل ارجاء ذا القسم بحكم اني هالحين مراقب وحست وشفت بالأقساااام اللي مشرف عليها ومالقيت مثل مالقيت فيذا هالظاهره موجوده بالمواضيع .. بالردود .. بالشات .. بالنادي .. ياوجه الله وش ذآ ..! بجد شي يحز بالخاطر ويخلي الواحد غصب يكتب عنه هذه الظاهرهـ يطلق عليها : (( التميلح )) التميلح وماهية التميلح وما هي طرق التميلح وكيف تكفش المتميلحين جميع هالاشياء سوف نتطرق لها بالموضوع ذا مير ركزوا معي زين حتى نحاول نحد من انتشار هالوباء الذي شآآع في ارجاااء هالقسم التميلح : هو محاولة جذب الطرف الآخر وذي الصفه موجوده فينا كلنا .. لكن موب مثل بعض الاعضاء اللي يمرون علي يتميلحون بطريقة تجيب الصدآآآآع من قلة سنعها مانيب عارف وش يقصدون فيه .. يعني انه يوم يتميلح بهالشكل المغزى انه بيشبك البنات ؟؟ او يعني الناس دلوووووخ وبيصدقون كل كلمة تنكتب فيذا من حضرته ؟ او يعني كل ما تدخل بنت قام مسوي روحه ناصر الفراعنه وبدأ يسوي بيت << لمح شغالتهم اللي اسمها سيتي معديه من امام الباب همن كتب التآلي سيتي بنت تطرح الطير من السما .. وياما على شانها السيوف اتهاوشت شغالتن مجتهدتن بالحيل وربما .. تكون مثل لميس وهي بعد ماتروشت او كل ما ادخلت بنت قام يقولها هلااااابك قلبو هلااابك يا عمري هلااابك يا عيوني وما باقي الا انه يقولها يا زوجتي من شدة كلامه .. ماخلى شي الا اسدحه لها ولا اللي يجيك ماشي طبلووونه وشاف بنت وهو ماعندك احد يحاول يلفت الانظار بطريقة هذرته على العالم ويقالك انا اللي ماحدن يقدرني وهو لو تناظر لكلامه وقصم تضحك عليه .. ماهوب تضحك على جماله ابد مير انك تضحك عليه وهو يحاول يسوي خفيف دم بطريقة جارحه بالحيل .. يهاوش فيذا ويسب فيذا ويلعن سابع جدف ذا ويخلي الناس يتحاشونه ماهوب خوفاً منه لأ .. خوف على سمعتهم وهم ما اعرفوا اصلاً هالكلام اللي يتكلم فيه وهو على باله قاعد يذب ويحش بطريقة فلاوية فيه فرق بين الحش والسب : الحش انك تقعد تسولف على العضو اللي قدامك بطريقة غير جارحة واسلوب فرفوشي يضحك منه اللي قاعدن تحشه هو بعد .. اما السب الوكاد ان كلكم تعرفونه ما يحتاج اني اكتب عنه << خبركم يخاف على حبر القسم .gif) او يجيك واحدن يشبك معه خويه فيذا همن يقوله اطمر للمسن اطمر للمسن ابيك بموضوع وروح للمسن وهاتك يا مسن ويسدحلك ألف مره كلمة مسن .. ودام انك تقدر تسولف وياه وراك ما تقوله السالفه فيذا .. وان كان تبي تقول ان الكلام سر وراك ما تتصل عليه جوال .. وان كان ما عندك رصيد فيه شي اسمه رساله خاااصه .. مير ماقول الا القصد والمغزى واضح يالفطيييين او يجيك واحدن يدخل النادي او الشات : هي : اخبارك هو : تمام يا قلبي بشوفتك << لاحظوا الاسلوب والذرابه هي : تسلم هذا من ذوقك .gif) هو : الذوق منك وفيك ياحياتي نتعلمه منك << اقطع روحي عند هالتميلح ياناس هي : تسلم احرجتني .gif) << همن تحطلك فيس كذا وماشيه بالوضع معه .. والوكاااد ان ماحدن معطيها فيس وجت فيذا هي بعد تتميلح مالتهو : فديت اللي ينحرجون يا ناس وخذ وهات وشوف من الفضايح وماحدن راضي يستحي على دمه ويشوف ان فيه عالم بالملايين يتفرجون بالردود والمشاركات وهو دااااخلن جو وماحدن اردعه عند حده والبلا مو من الشباب لحالهم .. البلا للبنت اللي ترضى مثل هالامور على نفسها وداخلتن جو مع مثل هالشباب وماسكه خط ويااااهـ .. وقفيه عند حده ولا تجيك بنت توه ولد داخل : هي : اهلين وسهلين والله يا حبـ << تكتب حب كذا حتى يعني ماحدن يفهمها وينك من زمااان مبطين عنك << وهي تسذووبه امس تسولف معه عاد العضو استحى من الموجودين ولم عفشه وضرب الباب وهي تقول .. وي وي وي تونا ما شبعنا منك يالغلا نشوفك على خير يا قلبـ << ترجع تكتبها بهالطريقه غزل في غزل تميلح في تميلح هالكلام ماحدن يرضاه أبد أبد .. داخلين للوناسه والفرفشه موب للتشبيك والهياط والغزل والتميلح اللي يضر بالبدن لا واللي يحز بخاطرك اكثر ليا جيت تسولف لأحد وتقوله يبن الحلال مايصير هاللي تسويه يرميلك ويقول هي مثل اختي لعنبو ابليسك على بالك بتحرج اللي ينصحك يوم تقوله هالكلام .. اتحدا ألف مره لو اختك تقولها زي كذا .. وانتي يالبنت تقدرين تسولفين لأخوك مثل هالكلام .. وقصم ماغير يمسحون فيكم الأرض على هالاقوال كلها الحشمه الحشمه يا نااااااس .. عيب والله عيب هاللي يصير من ناس فاهمه وعاقله ودارسه وعايشه بالحياه انحلال للمبادئ .. هتك أعراض .. فتنة باهته واللي يحرق القلب اكثر اكثر حينما يتطاول الامر عن هذا الحد حين يتفاخر احد الشباب بقوله : ياقلبي يا ( .... ) فديت عمرها وعيونها وياويلي انا اموت من يوم اشوفها . هنا لابد أن نقف ونطرح على انفسنا هذا السؤال : س/ مالذي وجده فيها من أخلاق وإحترام لتستحقه غير الخطأ المنسكب من تفاهة ملتفة بعنق حياتها ؟ وكثيرين من اللي حولينها يتوددون لها من اجل ان تمنحهم الدلال بالاغراء .. أحبتي .. رواد هذا المنتدى الموضوع رأيت انه من المفترض نزوله قبل ايام لكن تأنيت وكثرة هذه الظواااهر بالاخير يا شباب .. هذا المنتدى يحمل اناس اخلاقهم عاليه وراقيه عن مستوا ما تسميه بدلع للأنثى قد ترى بأم اعينك بالشاتات الكتابيه السريعه وجود ناس يتقبلون منك مثل ما ذكرت من غزل ودلع .. لكن هنا ..! لا احد يقبل بمثل هذه التفاهات بنت داخله حالها حال روحها ما تبي تتعر لهالكلام تبي تتونس تقابلها بمثل هالحتسي .. وش تتوقع منها تكره الساعه اللي ادخلت فيها على هالموقع ؟؟ استح على وجهك انت وياه وخل الثقاله تلعب دورها في صفاتك ترا المخفه ماحدن يطيقها ويدانيها ولاتفكر ان احد بيعجب بهالصفه فيك ياخوي مثل ما قال لي أحد الاعضاء اعزه بالحيل .. الدلع وهالامور ما تبينه هالحين اسدحه لشريك حياتك وبس ترانا كلنا عندنا هرمونات غزليه كلنا عندنا هرمونات ذكوريه كلنا عندنا رومانسيه مير الواحد ما يكون بالحيل وجهه مغسول من مرقه وكل من شاف انثى قام يعبر لها بهالمفردات هالحين تعال انت وياه خلني اسألك .. لا صارت هذي عيونك وذي عيونك وهذيك بعد عيونك وش بقيلك يا مال الماحي ؟؟ كم عندك من عين انت ولا كم قلب معك يوم كل ما ادخلت بنت سدحتلها هلابك يا قلبي ترا هالمفردات مكانها ومحلها موب عندنا هالمفردات اللي يبيها يخليها لناسها احنا هنا ناس متجمعين على خير ونمزح ونضحك وحنا مبسوطين من بعض بدون تميلح وغزل اماكن الغزل كثيره واللي يبي هالشي بيعرف وين يلاقيه وانتم يالبنات اثقلوا ترون الثقاله هي حلاتها بالانثى .. وبالنهايه مابي اشوف اي احد قدااامي يتميلح او يتغزل الا وقصم ماغير اتفاهم معه << يقاله عصبي الحين .gif) الفوائد من الموضوع 1/ اللي يبي يلفت الانظار لنفسه يحاول يلفتها بأدبه وحشمته والردود الي تعبر لنا عن مدى قوة شخصيته المتربيه 2/ اللي عنده نسبة تميلح زياده يحاول يخففها اشوي 3/ انتبه لكلامك قبل تسدحه حتى لاتجرح فيه احد 4/ التميلح جميل .. لكن بمقدار وبتهذيب الحين طسسسسسسسسسسسسسسسسسسسسسسسسسسسسسسسسسسو  |
|
#2
08-09-2009
| ||||
| ||||
| رد: ياليل التميلح يسلمووووووووووووووووووووو مربط اني اوافقك الراي وترا هالايام الحال زايد مدري وش بلاهم يسلموووووووووووووووووووووووووووووووووووو
_________________ Happy brithday To Me  |
|
#3
08-09-2009
| |||
| |||
| رد: التميلح داء خطير .. احذرووهـ ههههههههههههههههههههـ‘‘ صدقــــــــت }.... مشكـــــــــوور موضووع رووعه ‘‘
_________________ ..  سُبحآنْ آلله وبحمدِهـ ، سُبحآنْ آلله آلعضُيم لآ حوِل ولآ قوةْ إْلآ بآلله  .. |
|
#4
08-09-2009
| ||||
| ||||
| رد: التميلح داء خطير .. احذرووهـ السلام عليكم ورحمه الله وبركاته سلخـــــــير جميعا .. اخباركم يابنوطات وهرمات وشنبات غبت عنكم بس متاكده (100%100) انكم مافقدتوني ابداً  المهم ماعلينا نرجع لموضوعنا >> يقالها تحمست  مربط >> يالبى خشتك من زمان عنك اول شي عليك موضوع مدري شيبي ههههههه >> تقول توبه اذا دخلت على مواضيعك مرتن ثانيه لحد الحين ماتعلمت الاختصار  بس والله انك حللت هالمصطلح الي متشر عندنا مثل انتشار انفلونزا الخنازير  بس اول شي تراني منيب من النوع الي يتميلح الا اذا شفت امي كاشخه  بس التميلح عند التماسيح موب عندنا يجيك التمساح يسوي اشياء عجيبه يسبل عويناته يسوي نفسه دلوع ولا ينزل قصته عشان البنت تشوفه والا والا والا وتكثر التأويلات  والله بصراحه انا اكره الي يتميلح قدامي ودي اصكه كف على خشته هع بس ماعليه لازم نجامل هالاشكال عشان مايزعلون علينا صـــــــــــــــــــــــلام
_________________ ة  |
|
#5
08-09-2009
| ||||
| ||||
| رد: التميلح داء خطير .. احذرووهـ مربطيييييشن >>>كح كح يا مشاعر من زمأآأآن عنك اأآوي هع ـأآ ايه وانت صادق ياخوي كلامك ميه ميه على الف وخمسو ميه مع ستو ميه وسبعو ميه هع ـأآ جد ياخوي والله انك صادق حييل حيل بعد يعني بلاش تمليح وياقلبي وياعمري هووون فيه مسن الله يعافيكم هع ـأآ هون مكان مو لهل حركات يعني محترم تسذا احترام هون فيه خط احمر للكلام مايصلح تتعداه زي ما قال الاخ الكريم الفاظل مربط المهم علمن يوصلكم ولا يتعداكم ماابي هالحركات تفهمون هاه ها ه >> اوووخص ياقوويه لا لا داعي لتصفق هع ـأآآ بعدين مربط تعال فيذا انت صر تقلدني يوم اني احط فوائد الموضوع قلدتني مايصوحش كدا هههههههههه امزح يعطيك الف الف الف ترليييون ملييون عافيه على هيك موضوع مزويئ تقبلني مشاعر خياليه معها تحلو المشاركه هع ـأآ
_________________  |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| خطير خطير المسلسلات امانه ارجو الكل يشاهد الموضوع والله كارثه | حمدان الصالح | المنتدى الاسلامى | 18 | 08-27-2009 07:43 PM |
| برنامج خطير مرر العدسة فوق النجوم يظهر الباسوورد خطير.............جدا | bohemian | البرامج الكاملة وشروحها شرح برامج تعريب explanation programming software | 13 | 07-12-2009 03:36 PM |
| عاجل عرض خطير عاجل عرض خطير عاجل عرض خطير عاجل عرض خطير | aaahhhmmm | تطوير المواقع و السكربتات Ajax XML CSS JavaScript PHP Perl CGI seo Search Engine web2 | 2 | 06-17-2009 01:51 PM |
| التميلح...... التميلح ...... | المتالقة2010 | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 12 | 05-26-2008 09:57 PM |
| امر خطير خطير خطير خطير جدا جدا جدا | محمد 4 | ممنوع مخالف مكرر | 1 | 11-24-2007 03:46 PM |
-الدورات
التدريبية بجامعة نجران-
العرض العادي
