|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
08-13-2009, 05:20 PM
| ||||
| ||||
 اليـــائس {أنأمــل المشاغبــة}  السلام عليكـــمـ ورحمة اللهـ وبركـــاتهـ هذه القصــة من تأليفـي : كان في واحد اسمه .. فهد يسكن ف الدوحة .. ابوه متوفي قبل ما يولــد (يوم كان ف بطن امه) يوم كان عمره سنتين .. ما عرف وين ابوه امه قالت له ميت .. وماكان يعرف احد من العالم غير امه امه ما كانت تخلي فهد يطلع بره البيت .. بس لما كبر شوي يعني صار عمره .. 6 سنوات سجل ف مدرسة .. وماكان له ولا صديق .. كان وحيد في المدرسة مايسوي شيء غير يدرس وبس .. بس بعد 3 سنوات .. امه طلعت تتسوق , الولد طلع من البيت وراح يتمشى شاف ناس يكتبون ع الطوف وناس يفحطون .. وكمل المشي لين ما وصل شارع تجاري ... شاف محلات واشياء اول مره يشوفها .. استغرب ويحسب انه ف عـالم ثاني , اول مره يشوف المكان .. وكل مرة امه تتطلع من البيت هو يروح نفس المكان .. الين ما زهق .. فيوم من الأيام خطط يسوي شيء جديد .. فدخل في داعوس حصل شباب واقفين ... المسكين توه صغير ما يعرف شيء .. قالوا له : وش تبي يا ولد ؟ مارد .. مره ثانية سألوه .. بعد عدة محاولات قال : ابي اكتب ع الطوفه .. عطوه الرش .. وكتب ع الطوفة كلام .. "الشباب قالوا له اكتب كذا كذا ....." والمسكين مستانس يحسب انه سبورة .. اهم شيء يكتب وخلاص ... المهم عندما صار مراهق (15 سنة) .. صار له ربع أكبر منه يدخل معاهم السيارة .. ويرحون ويفحطون .. ومرة من الأيــام لجأ للتدخين .. ومرة دخل ربعه إلي أكبر منه في بيته علشان يدخنون مع بعض .. بس فهد مادرى أن امه ترجع بسرعة ... وهم كانوا داخل وأمه تطق الباب .. الولد ما عرف وش يسوي .. ود كلهم ورا الحوش وبطل البــاب .. وطلع ربعه يحسب أنه مرتاح خلاص .. وفجأة أمه تناديه : يا فهد ... , يا فهـد ... هو يروح حق أمه , امه تسأله : وش ذا الريحة ؟ يرد : ما دري انا ما اشم شيء .. امه حسبت ان الريحة معها من بره .. وكان كل مره يعيد ويعيد ... بعد مرور سنين وسنين يكتشف فهد أن عنده عيــــال عم ... شلون ؟ وكيف ؟ هو مايعرف ... فسلم عليهم وكل شيء .. ترك ربعه .. ترك كل شيء وراه كأنه بطل صفحة جديدة في حياته ورمى الباقي لكن المسكين ما درى ذل عيال عمه له .. كان يصب قهوة يوميــاً لعيال عمه ولعمه ولربعهم , كل ما كان يروح بيت عمه يعاملونه "كخـــادم" لكن الولد صبر وصبر .. قــال في نفسه : علي أن احط حد لكل شيء ... فكلم عيال عمه .. بكل صراحه وقال : انا اجي عندكم علشان اشوفكم اسولف وياكم ... مب اشتغل عندكم .. عيال عمه يطالعون بعض مع ابتســامه شريرة ... وقالوا له : بنقولك شيء بس انت ما تتوقع هالشيء .. أبوك مب متوفي .. وانت .. ولد .............. (بعد مافكروا الف مرة وقالوه) ..... حـرام ! فهد ماصدقهم .. وطبعاً كانت كذبة علشان يطلعونه من بيته ... بس يوم رجع البيـــــت .. فتح الصور وشاف ودور على شهادة وفاة أبوه .. ما حصل !!! هو بدأ يصدقهم .. وهو مصدوم .. كل ما أمه تتطالعه .. يفر وجه .. مايعرف وين يروح .. لكن ..!! راح لبيت صديقه (كان معاه في المدرسة الثانوية) هو وصديقه تحركوا .... !! راحوا يدورون .. وقفوا عند بحر .. نزلوا ويتكلموا مع بعض .. فهد يقوله عن كل هاي ... بس هذاك يقوله : انت ابوك متى توفى ! ؟ رد عليه : مما كان في بطـــن أمه هذاك قاله .. لا ابوك كان يعرف ابوي .. وابوي قال لي أن ابوك مب متوفي .. ابوي وابوك كانوا اعز اصدقـــاء .... فهد انصدم مرة ثانية .. وتحرك لدار العجــزة .. ودور على أسم ابوه عطوه الاسم .. وقالوا له .. وديناه المستشفى .. هو في حالة خطرة جداً .. راح فهد مع صديقه مسرعين إلى المستشفى .. وسألوا عن أبوه قالوا له غرفة رقم .. 143 .. ركض فهد .. علشان يشوف أبوه ... وفجأة يدخل عليه .. يشوفه أبـــوه ميـــــت ويروح له .. وهو باكي .. وما يدري من حواليه ما يهتم .. طول ما كان عايش .. ابوه بعد كان عايش ... قال يلتني لو ما تأخــرت .. وقاعد يلوم نفسه ويلوم أمه ويلوم كل العـــــــالم .. ماعاد يهتم خلاص .. جاه الطبيب .. وقال له : تعرفه ؟ قال له : اي رد الطبيب .. وقال : منو ؟ رد عليه .. : أبوي , وقال اسمه .. قال له تعال وياي .. وداه لغرفة أبوه .. حصل أبوه راقد مش ميــــت .. غيروا الغرف .. تشوق فهد علشــــان يقابل أبــــوه .. وهو فرحان .. يوم صحا ابوه فهد قال له كــل شيء .. وعطاه وصور .. وشرا له بيت .. وسكن هو مع ابوه .. بس تبين أن امه هربـــت بعد ما علمت ان زوجه رجع .. بس لحد الحين يدور ف باله كلام ولد عمه ... وحتى أنه سأل أبوه ... أبوه قال له كل الحقيـــقة ... يوم هو كان صغير .. أبوه سافر .. لكن قطاع طرق (أم فهد ارسلتهم) مسكوه .. لين ما شيب ودوه دار العجزة .. وكل هاي علشان الفلــــ،ــوس بعد شهور .. تزوج مع بنت الحلال .. وعاشوا بســــــــــــاعدة ... وهو مطمئـــنـ ~ وفي النهــايهـ لا تنسوه الردود + التقييمـ 
_________________ Low-Rider  |
|
08-13-2009, 05:23 PM
| ||||
| ||||
| رد: اليـــائس {أنأمــل المشاغبــة} وآسف ع التأخير ...
_________________ Low-Rider |
|
08-13-2009, 06:07 PM
| |||
| |||
| رد: اليـــائس {أنأمــل المشاغبــة} يسلموووووووووووووووووووووووووو اقصوصه جاد رائعه ويعطيك العافيه |
|
08-13-2009, 06:19 PM
| ||||
| ||||
| رد: اليـــائس {أنأمــل المشاغبــة} تسلمين ع الرد .. وشكراً لمرورج على موضوعي .. وان شاء الله عجبتك القصة
_________________ Low-Rider |
|
08-14-2009, 03:47 AM
| ||||
| ||||
| رد: اليـــائس {أنأمــل المشاغبــة} فين التعليقــات ؟
_________________ Low-Rider |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
