وانا اتجول عبر بلوقات العوانس شفت كتااب غريب اسمه كيف تصطادين عريساا

يعني مصر العزيزة ماخلت شي بكل شي دخلت فييه وانشرت افكاره الثقافيه والتعليميه حتى شلون تتزوج البنت هم نزلت كتاب ومسويه له دعايه.

على طول خطر على بالي موقف واجهني ايام الثانويه كان فيه وحده الله يذكرها بالخير كانت دايما تقول انا رئيسه مؤسسه لا للزواج مع انه عمرها كان 16 سنه وعلى قدر عالي من الجمال بس مادري شنو بينها وبين الزواج فترتها وطبعا انا مع الخيل يا شقراا لازم اعطي رايي بكل صغيره وكبيره وبما انهاا صديقه صديقتي قلت يالله خليني اشوف افكارهاا وتقول انه لازم البنت ماتتزوج الرجل غير ضروري في الحياه < وانا تماماااا ضد مبدأهاا

وما في وراا الرجال غير عوار الراس الخ الخ

مادري شنو سالفتهاا وراء كرهها للرجال وسبب ترويجها للمؤسسه الفاشله هذي وكانت البنت هذي من النوع اللي تتفلسف زياده عن اللزوم يعني بجمله اخرى تبط جبدي وعله على قلبي شنو اللي جابرني اسمع فلسفتها الزايده الله اعلم

عقب سنييين طويله صادفتهااا مع صديقتي هذي وطبعا يومهاا شرشحت صديقتي لانها ماقالت لي انه هذي البنت كانت موجوده معاهااا << لا اعلم سبب كرهي لهاااا وبمعنى اخر غيرتي منهاا مع انهااا بياعه كلااام وعلى قوله ابوي ضراط على بلاااط .

وقت اللي شفتهاا فيه قلت فلانه انتي لي اللحين مع فكره مؤسسه لا للزواج

وقتها البنت تبلعمت وجنهاا ضحكت بينها وبين نفسهاا ولون وجها تغير جان تقولي : انا ,, لاا هههه الله يقطع سوالفج اماني انتي معروف عنج نسايه شمعنى هذي مانسيتيهاا

جان اقولهاا : لاا والله يا بنت الحلال جنه عاجبتني كلمتج ( وطبعاا انا باسلووب استفزازي حقير) << احياناا لي اطباع كريهه.

جان تقول : لااااا هههه انا متزوجه اللحين صارلي سنتين وعندي بنت .

طبعاا انا مثل الطراااااااااااااااق على وجهي ( بقلبي اقوول وليييييييه وانا كل اللي اعرفهم تزوجوو بس انا قاعده عله على جبد ابووي حتى ابوي يقولي ساشوو ( اللي اهي قطوتي) جاهاا زوج وانتي ماجاااج زوج)

قلت لهااا : لااااااااااااااه مبرووووك والله مادريت ليش ماعزمتيني على عرسج ( لاا وبوقاحه اقوول لهاا واهياا تدري اني ما اواطنهاا بعيشه الله )

جان تقولي: والله مااعرف لج طريج ولا جان عزمتج شوفي شوفي هذي بنتي.

لما شفت البنت ولا جميله بس من حقارتي الزايده قلت لهااا يا حليلها طالعه علييييج اهيااا استانست ولا اقولهااا مو حلووه.

اهياا وجههاا قلب مره ثانيه بس شكلها عصبت << للامانه البنت غايه في الجمال بس انا مثل ماقلت مادري شسالفه كرهي لهاا عشان جذي قهرتها بتعليقي على بنتهاا.

جان تقوول ايييه عشان صغيره انشالله تكبر ونحورف فيهاا << رد دبلوماسي احرجني قليلاا .

قلت ايه مااشالله اذا مؤسسه لا للزواج بكبرها تزوجت عيل منوو بيمسك منصبج

ولا ترد علي بوقاحه : انتي

انا هني جنهاا داست لي على طرف واقعد اخزهااا نظره مثل القطاوه بالفريييج لما يتخاززوون ويبوون يتهاوشوون.

جان اقولهاا اي انشالله خليني اشووف جدول حياتي واضيف هالمشرووع

وبعدين اهياا ابتسمت بنوع من الخباثه جنها انتصرت علي وحسافه قامت وخلتناااااااا وطبعاا اناا حطيت حرتي بصديقتي.

فلماا شفت هالكتاااب الجميل اقووول سلمت يداااك يا كاتب هالكتااب لوووووووول يمكن راح استخدمه في يوم من الايام واقهر مؤسسه لا للزواج.
واللي يعرف طريج لهلكتاب يقولي لوووووووول P;

7

7

7