رحال قلبي لك مـن العـام مشتـاق=بس السنه هـذي غريـب أشتياقـي
أحلف قسم مشتاق من كل الأعمـاق=وأكبر دليل أني علـى العهـد باقـي
عهـدٍ قطعتـه ماكتبتـه بــالأوراق=يـوم أفترقنـا قبـل يـوم التلاقـي
مشتاق لك من زود شوقي والأشواق=أشوف منـك الصـد مـر المذاقـي
مال الهجر داعـي ولا عـاد ينطـاق=والصبر بعـد اليـوم ماهـو يطاقـي
تماكني عمري ترى الشـوق حـراق=مقوى فراقك كيـف تقـوى فراقـي
ماتعرفين أني على الوصـل سبـاق=من شان وصلك تعبت إقـدام ساقـي
كيف احتمل منك الجفا وقلبي أرقـاق=مايحتمـل سهـم العيـون الدقاقـي
الله عطـاك عيـون حـرً بـالأفـاق=مـا يـوم ينـزل بالـذرا والمتاقـي
وصفي ثمان(ن) وسطها الموت ترياق=ثلـجً عليـه الجمـر زاد احتراقـي
ومن الجمال اليوسفي شـي مـالاق=إلا لمثلـك دون فــوز وسبـاقـي
وصفك على وصف المزاييـن فـواق=شين يفوق الوصف والوصف فاقـي
دره كما الياقوت فـي يديـن حـداق=من صادها ماعـاد يبغـى الحداقـي
اليا أنقطع وصلك علي الفضا ضـاق=أشوف كـل الكـون بالعيـن ضاقـي
واليا سمعت الصوت زانت بي أخلاق=أعيـش يومـي بالفـرح والرواقـي
وأقول بعد اليوم مـا صـار الفـراق=دام المشـاعـر بينـنـا باتفـاقـي