 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
03-03-2006
| ||||
| ||||
 تخيلوووا العكس ........ من جد وناسه السلام عليكم تخيلو العكس الحرمه تقوم بنفس اعمال الرجال والرجال يقوم بنفس اعمال الحرمه... علشان تعرفون انكم مقصرين في حقنا ... >>>>>>> مناصره للمرأه ومنع العنف عليها والخدش المباشر واللا مباشر و الحين أنشوف المواقف الي ممكن تصير ــــــــــــــــــــــــــــــــــ (علي ) عمرة 26 سنة خلص دراسته وقاعد ينتظر بنت الحلال الي تضفه ( علي ) تعبان نفسيا كل ماجو ناس يخطبونه لبنتهم وشافته بنتهم راحو ومعاد رجعو (وجه واحد رايح في خرايطها)...واخر وحده جتهم ام حسين تبي تخطب علي لبنتها زينب ... زينب شارطة انها لازم تشوف ( علي )<<< (الحمد لله على النعمة الي انحن فيها )... جت زينب وقعدت في المجلس ودخل عليها ( علي ) ومعه العصير ... حط العصير عند زينب ... وطلع يركض لغرفته ... صك باب الغرفه وتسند عليه وخدوده حمر وهو يدعي يارب اعجبها وتاخذني .. .. وراحت زينب تشوف غيره... وجلس علي اسابيع ينتظر رد زينب ؟؟؟؟؟ ـــــــــــــــــــــ ابو محمد يقوم من الساعة 6 الصباح …. ويسعى في فطور ام محمد واذا زهب الفطور راح لام محمد يصحيها … ابو محمد/ قومي يا ام محمد … قومي يابعد عمري افطري وروحي للدوام … وبعد ربع ساعه من التدليع والتخقيق قامت ام محمد …. التفت عليها ابو محمد وقال/ صباح الخير …. ام محمد/ ردت برومانسيتها المعتاده كل يوم أي خير هو الي يشوف وجهك يشوف خير زهبت الفطور والشاهي يالدبشه والا لا …. ابو محمد/ يرد ويقول نعم ياحبيبتي كل شي زاهب …. ام محمد / طيب اقلب وجهك عني ابغسل وجهي واجي افطر هاالحين .... ابو محمد/ شوفي يا ام محمد هذي الورقه فيها بعض المقاضي للبيت ام محمد / هذا الي انت فالح فيه يالثور ابو محمد / الله يسامحش ياام محمد ويخليش لي ولعيالش … وش انحن بدونش ام محمد / المهم بكره انا عندي مشوير قريب وبوديك عند اهلك يومين . ابو محمد / وين بتروحين … (خايف تزوج عليه ) ام محمد / ابروح لجهنم … اقولك لا تسالني وين ابروح وين ابجي … وان عاد سمعت كلمة وين رايح منك … ترى والله مايردك الا بيت اهلك …. والا والله لاصك لك جار او ضر اعصر به قلبك . ابو محمد / العذر والسموحه طال عمرش … وش تبين اصلح لش على الغدا طال عمرش … ام محمد / صلح سم … طرقع (لطخت بالباب وطلعت)؟؟؟؟ ــــــــــــــــــــــــــــــــــــــــــ الساعة 3 من الليل …. أبو محمد سهران ماجاه نوم … محمد مريض مرتفعه حرارته وملتهبه لوزه … والصغيره ليلى جيعانه ولكن ثمها منفر ماتقدر ترضع … وابو محمد ضام اولاده لصدره ويصيح معهم مايقدر يسوي لهم شي … يوم جت 3.15 الليل باب البيت يفتح ام محمد توها جايه من الاستراحه … ام محمد / اسمع انت ووجهك ضف اولادك … ورح نم انت وياهم في الغرفه الثانيه انا تعبانه وواصله معي مافزت في الورقه ولا مره … وابغى انام وما ابغى احد يزعجني . ابو محمد / سمي طال عمرش ما لش الا طيبة الخاطر … وخذ ابو محمد اولاده وراح للغرفة الثانيه … وهو يبكي بحرقة على حاله وحال اطفاله … ووضع الصغيرة ليلى في حضنه واخذ يهزها علها تنام … وفي يده منديل مبلل يضعه على راس محمد لخفض الحراره . ام محمد قبل ان ينام اخذت تتحدث مع ام راشد في التلفون … اسمعي ياام راشد بكره تكفين لا يفوزون علينا … واستمرت المكالمة اكثر من 20 دقيقه كانت الضحكات تتعالى وكأن المرضى الموجودين في البيت لايعنونه بشيء؟؟؟؟؟؟؟ ــــــــــــــــــــــــــ ـــــــــــــــــــــــــ نوره توها ماخذة لها واحد اسمه صالح .... اليوم يوم الخميس ليلة الجمعه الساعة 1 بعد منتصف الليل.... صالح يبغى يتزيين للنوره قبل ماتجي … لبس صرواله الطويل المشقق … وفنيلته ام دلاع … وعدساته الفسفوريه …. وطفى اللمبات وولع شمعه وقعد على السرير …. وفجئه سمع صوت الباب … فرح وانبسط وقال / اكيد بتشوفني متزيين لها وبتنبسط . دخلت نوره يوم فتحت غرفة النوم صرخت وقالت اعوذ بالله روعتني انت وهالعيون صاير كنك قطو ؟؟؟؟ <<<< مسكين تحطم الرجال ـــــــــــــــــــــــــ ـــــــــــــــــــــــــ ابو خالد يترجى ام خالد انها توديه لهله …. يشوف اخوه مصخن … ام خالد رافضه ... تقول انا تعبانه وماني فاضيه لك ... وفجئه رن التلفون تررررررررررررررررررررررررررررن ام خالد/ الو مين ام حمد / هلا ام خالد انا شاريه نخلتين خلاص من الاحساء وابغى نروح انا وياش نجيبها بكره على سيارش ام خالد / ابشري والله لو تبين للقمر ؟؟؟؟؟؟؟؟ ــــــــــــــــــــ هااااااااا وش رايكم .... والله وناسه طبعا كله مزح والقصد منه الترفيه عن النفس اتمنى انه يعجبكم |
|
#2
03-03-2006
| ||||
| ||||
| هههههههههههههههههههههههههههههههههههههههههههههههههه هههههههههههههههههههههه يسلمو ملاك
_________________ http://services.nexodyne.com/email/i...3D/0/image.png |
|
#3
03-03-2006
| ||||
| ||||
| هههههههههه مشكووووور عاشق الدمعه على المرور ودووووووم الضحكه |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| Hijri2Greg 1.0 برنامج للتحويل من الهجري للميلادي و العكس | azoz51 | البرامج الكاملة وشروحها شرح برامج تعريب explanation programming software | 2 | 04-14-2009 03:56 AM |
| اهلا وسهلا يا (مجنون وناسه) | مجنون وناسه | اهدائات ترحيب تبريكات تهاني افراح مناسبات سعيدة | 0 | 08-28-2005 10:25 AM |
| هل تود ان تسجل من جهازك للمسجل او العكس ..تعال وشوف بالصور | FouX | البرامج الكاملة وشروحها شرح برامج تعريب explanation programming software | 3 | 09-13-2004 04:54 AM |
| تخيلو العكس الحرمه تقوم بنفس اعمال الرجال والرجال يقوم بنفس اعمال الحرمه... علشان تعر | *الوافي* | منتديات الفسحة العامة | 2 | 05-24-2003 10:59 PM |
-الدورات
التدريبية بجامعة نجران-
العرض العادي
