تخيل معي الموقف
يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي) و سرحان في فارسة احلامك على الحصان الابيض..
الا و امك داخله عليك و توها جايه من شاي الضحى و تقولك: يا ولدي ودي اكلمك في موضوع. .
ترد انت بكل خوف : خير يمه؟ ....
تقول امك: ترىجارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها شرايك؟؟
تنزل انت راسك في الارض و تلعب بصبعك في شعرك (او شنبك) و ترد و انت مستحي و خدودك حمره (هذا اذا كنت محلق اللحيه) و تقول: ....
الراي رايك والشور شورك يايمه..
تقول امك: انا بصراحه ما اشوف في البنت شي. .
ماشالله عليها محترمه و وظيفتها زينه و راتبها ممتاز و من عايله محترمه و من البيت للمسجد و من المسجد للبيت ..
ولا عندها سوالف السفر و الخرابيط و ما تشرب ولاتدخن و لا تروح شقق بنات. يعني بنت ما عليها...
تقول انت : بس يا يمه هي ما شافتني من اول انا دايما متلطم بشماغي
تقول امك: هي شافتك و انت نازل من باص المدرسه بس ..و سألت عنك و قالو لها انه مهو راعي سوق و كوفي شوب و ما يطلع الا مع ابوه.
و تراها هي و امها جايين يوم الخميس علشان يشوفونك..
تسال انت: اوكي يا يمه ابوي ويش رايه؟
تقول امك: ابوك ما يدري خليه حايس في المطبخ الله يعينه..
تقول انت :اللي تشوفينه يمه. .وتطلع امك من الغرفه
وتنط انت قدام المرايه و تاخذ نص لفه يمين و نص لفه شمال تشوف جسمك و تمشط شعرك و شنبك بدلع
و تقول : اه اخيرا حسَت و خطبتني.
و قبل يوم الخميس تروح انت لكوافيير و تكون مسوي حجز و تقعد و تصبغ شعرك (هاي لايت) و تزين حواجبك و تطلع مثل القمر
وتجي البيتت وانت لابس ذاك الثوب واللي فيه فتحه من عند الساق و فتحه في الظهر و ذاك المكياج وذاك العطر اللي يشق الخشم و تنزل للصاله
ويقولك ابوك : يالله دخل العصير على خطيبتك ترى امك ذبحتنا تسال عنك
تقول انت بكل خجل: واي واي يا يبه انا استحي
ابوك يقولك وهو يطق على كتفك و يضحك يا ولد روح لعروسك
تقول انت: يا يبه دايما تحرجني انت
و تاخذ صينيه العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم
ترد هي بعد ما وقفت و عليكم السلام
و تقولها تفضلي....
تقول هي: ايش الاحلى العصير الاحمر و لا الاصفر؟ تبي تلطف الجو معاك ...
تقول انت: كله حلو
تقول هي: اكيد كله حلو لانك انت اللي مسويه
و تحط الصينيه بسرعه و يدك على فمك و تضحك و تروح داخل بسرعه
ياربييييييييييييييه
الا اخوانك ينتظرونك و يقولون: ها شلون شكلها شقالتلك
تقول انت: واااي تهبل تهبل حلوه و دمها خفيف و ذوق
الا ابوك من المطبخ يغطرف (يزغرط بالمصري)
لللللللوووولللللوووووشششششششش مبروك يا ولدي
الا بدخلة اختك العربجيه من بره و حاطه عبايتها على كتفها و تقول : خير وشفيكم !!
يقوله ابوك : قصري صوتك في وحده داخل جايه خطبت اخوك ..
تقول اختك: هي وين شافت اخوي علشان تخطبه هاه؟؟؟؟ و تعطيك كف و تصرخ والله لاوريها شغلها ...
الا بدخلة امك و تسطر اختك كف و تطلع اختك بالسياره و تفحط و تروح للاستراحة البنات <..تخيلوا عاد
و تمر الايام و انت تجهز ثوب العرس و الكوشه و بيت الزوجيه و خلال هالفترة تمرك زوجتك بالسياره تتمشون و تحاول انها تمسك ايدك و انت مستحي
ويجي يوم العرس و تقعد انت في الكوشه و كل الشباب حواليك يرقصون و يغنون على انغام طيران للرجال
وشوي الا العفسه قايمه : ترى العروس جايه
و ينطون الرجاجيل و الشباب كلن يلبس شماغه و يتلطم ..
و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحه و تقولك: الله صاير مثل القمر
ثم تلف وجهك وانت مستحي وبعد فتره الا انت تصرخ في الليل وتعبان ويودونك المستشفي
و تاخذها زوجتك فرصه و تسافر مع البنات و يهيصون قبل ما تخلص مده شفائك الله يساعدك
و ترجع لبيتك تربي عيالك و تطبخ الغدا لزوجتك
وتتصايحون ساعات و تنام و دمعتك على شنبك
ويزيد حدة الخلاف و تاخذ شماغك و عيالك و تروح لبيت اهلك
هاهاهاهاهاي والله كان وناسه
م
ن
ق
و
ل

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه