ابيات اثرت في والسبب ؟؟

الناس واجد مير ما مثل الاخـوان=ما مثل اخوك اللي يحبـك ويغليـك
ما مثل اخوك الي صدوق ومعـوان=تفديه بالغالـي وبالـروح يفديـك
يشكي لك جروحه وهمه والاحزان=ولا ضاقت الدنيا بهمـك يواسيـك
لو كان لك ربع ونـاس وجيـران=ما مثل اخوكاللي عن الناس يغنيك
أخوك هو عزك ولو كان ما كـان=يبيع كل الناس لاجلـك ويشريـك
انا اشهد انه لك علي الصدر نيشان=تاج علي راسـك وستـر يغطيـك
وأنا اشهد انه ما يثاقـل بميـزان=مثل الذهب والماس ما فيه تشكيـك
وأنا اشهد انه ما يقـدر بالأثمـان=عن العدو حصن(ن) ودرع يوقيـك
إيـاك لا تفتـح طريـق لشيطـان=بينك وبينـه جعـل ربـي ينجيـك
ولا تستمع لا جاك عـلان وفـلان=يا كثر ما تسمع من اللـي يعاديـك
ولا تجعل لغيرك علي العقل سلطان=ترىكثيراللـي بشـوره يدهويـك
ترى الدهر دوار يا سرع الازمـان=يوم تواريـه الثـرى او يواريـك
تقول يا ليت الذي كـان مـا كـان=يا ليتني بالقبر جنبـك واخاويـك
يا ليتك تعود واضمـك بالأحضـان=أضمك لصـدري واقبـل أياديـك
يا ليتك تعود تري القلـب ندمـان=وده يسوق المعذره ثـم يراضيـك
مير البلا يا ليت مـا ردت أنسـان=ويا ليت ما تمحي ظلام بما ضيـك
تماكن الدنيا وواصـل بالأحسـان=قبل الندم يطويـك والهـم يبريـك
ونهاية المشوار مـا غيرالأكفـان=ويبقي مع السارين ذكرك وطاريك

لا وَاخوٍ لي عقب فرقاه بـَاضِيعْ=كنّي بما يجري على العمر داري
أخوي يا سِتر البِـنيّ المفاريع=ومطلِق لسان الىّ باهلها تماري
ماقط يوم شد بين الفراريع =ياكود بين الكِمِي و المِشَاري
ليته عصاني مرّةٍ قال ما اطيع =كود اني اصبر يوم تجري الجواري
أنا أشهد انّه لي سريع المنافيع= عَبْدٍ مليك لي و لا ني بشاري
تشهد علية مناتلات المصاريع=واعداه من كفة تَشُوْف العزازي
يمناه تنثر من دماهم قراطيع =وعُوْقَ العديم اللي بدمه يثاري
جداعْ سَفْرِينَ الوجيه المداريع = مخَــلّي الخيل منهم عواري
القلب ماينسى بعيد المناويع= ليث على صيد المشاهير ضاري