الحلقة الأولى من مسلسل الظلم والقهر

ألسلام عليكم :
أحب اطرح قصتي لأمرين عشان اللاقي من ينصحني وثانيا مشاركة في المنتدى والرقي به ثالثا (وهذه وحده زيادة من عندي فوق البيعة )عشان يستفيدوا اعضاء المنتدى سواء كانوا مطلقين او متزوجين:
ياحبايبي انا لي متزوجة 23سنة تزوجت وانا صغيرة في السن حبيت زوجي بجنون وهو كان عمره 22 سنة المهم لآنه شاب وصايع ولسه ماانطحنت الحبوب اللي في راسه عرف علي وحدة ولما انفضخ كذب علي وقالي هي حقت اخوك وانا ابغى اجاريها عشان اعرف هي مين وبعد ما خلفت بنتى الأولى ومع مشاكل الحياة زي ما يقول عرف وحدة ثانية وتعلق بيها لدرجة كان يجيبها لبيتي من ورايا في يوم شافته اخته وطلعت لأمها وحكتها باللي شافته وحلف عليها يمين طلاق لو قالتلي اكون طالق ولاني صديقتها حكتني وصارت مشاكل ومواقف زي الزفت مع امه اياميها المهم استمر معاها ولما خلفت بنتي الثانية في الشهر السابع جاء يقولي نسميها باسمها عشان انا اتفقت انا وهي نبتعد عن بعض رفضت واصريت على راي نسيت اقلكم انه وانا حامل في الشهر الثالث اخته اعطتني رقم واحد قالتلي يشتغل في الاتصالات عشان يجبلك الرقم يعني رقم البنت وجلست اكلمه واترجاه يجبلي رقمها ما رضي ولما كلمني كم مرة عرف اني ماني حق لعب كلمني المكالمة الاخيرة وقالي يابنت الناس انت ما تصلحيلي خليك لبيتك ولزوجك قتله اعطني اللي انا ابغاه وانا راح اسيبك وهذا نص العبارة اللي سجلها زوجي علي ضربني واتهمني في شرفي واني ممكن اكون حامل منه من عشيقي وصار يكلم عشيقته قدامي وانا صابرة وساكته المهم واتفقنا على الطلاق بس بعد الولادة عشان يحلل دم الطفل ويشوف انه طفله ولا لا المهم يوم الولادة زي ما قولتلكم سابقا اصريت ما يسميها بسمها وعدت الحكاية ورجعنا لبعض كملت دراستي دخلت الجامعة وبرضه اخته سلطت عليه واحدة برضه ربط معاها واخذ بنتي كعلامة عشان تعرفه بيها ما قدرت استحمل صارت مناوشات بيني وبين اخته الكبيرة وطولت لساني عليها وطردني ابوه من البيت خرجت لبيت اختي لآني يتيمة مافي غير اختي وزوج اختي هو اللي مربني قال لأهله انا طلقتها شوفولي عروسة راحوا ما صدقوا يخطبوا من بيت لبيت مع تشويه السمعه لا وازيدكم من الشعر بيت انه راحت صديقتي معاهم ( بحجة انه اخوها تبغيه يطيع من يدنا وهوقال انه طلقت خلاص يعني ايش نسوي )
تراني تعبت راح اكملكم بكرة لأني والله حياتي مأساه كل ما افتكر ابكي على حظي