بالاول استعيذ من ابليس الرجوم = بربي المعبود عظيم الجلالي
كريم العطايا غفورن رحوم = الله اللي على العرش عالي
هيه ياللي على ربك خصوم = روّض النفس قبل ياطاها الزوالي
بطاعته سبحانه وسجده وصوم = وبر الوالدين وافعالن حلالي
ترى دنياك وان طالت نقوم = تعبس بوجهك اول وتالي
والموت فيها امر محتوم = ماتدفعه ياكود دفع الجبالي
وعليك برفقة رجالن قروم = مرفوع قدرك بينهم للمعالي
واحذر تماشي القوم الرخوم = اهل الرّدى مسوّدين الافعالي
ولسانك جنبه قول مذموم = والزم الحق في قيلن وقالي
ماهي مشكله لو زليت بالكوم = المشكله لا صارت الزلّه اهزالي
جاك الكلام من راس زيزوم = اختار من دنيته راحت البالي
والزمن ان كان جرّعه السموم = اليوم يرويه القراح الزلالي
والصلاة على النبي خير مختوم = عدد مايقطر من المزن همالي