ماانا بحاطها أجزاء .. بس الا منه جاز لك بداية الموضوع احفظه على سطح المكتب ثم اقراه
.. وانكس علق عليه تعليقن سنع .. مع شيء من الذب قليل .


خُبركم القروي لاطلع خارج ديرته .. طلع .. يعني طلع من شعوره وبيئته المألوفه .. يبي

يلاحظ الي مايلاحظه غيره .. ويبي يستعجب من الشي اللي يشوفه غيره عادي .

في يوم من ذات الايام .. سافر احد القراوى ( اللي مهب أنا ) إلى ديرة المستقبل .. من على

الباب ياشباب .. وخليك في البيت .. إلى وقف تاقلك .

المهم نزلت وانا متكشخ كشخة مهيب يم ديره .. وصدقت اني سفير لبلادي في بلاد ملابس

ابو قطعتين ( قطعة على الصدر وقطعة تحت الحزام .. مع انه خيط مهوب حزام .. لكن

قلت كذا علشان الرقابه ) ..

استقبلني سواق سيارة الفندق الفايف ستار .. والاه لابسن ملابس رسمية ولا رئيس وزرا .. رافعن لوحة عليها اسمي بالانقليزي ..

طلعت من الصاله اتهجى الاسماء على اللوحات المرتزة .. الا ماحصلته .. وجيت للبيه السواق .. وقال مستر ( هذا أنا ) /
قلت : لبيه .
قال : أهلين وميت مرحبا .. شرفت بلدك الثاني .. وبسمته ماليتن خشته .

زبع شنطتي ( يعني أخذ حقيبتي ياللي ماتعرفون لغات ) .. وأخذني يم السيارة الشبح .. حط الشناط بالكبوت .. وفتح لي باب السيارة الوراني وقال لي اتفضل .
ركبت وانا كلي غيظ ( بغيت اتوطى في بطنه .. مير تعوذت من ابليس وقلت ياولد اعقل .. خاصة لمن شفت حجمه كنق سايز ماشاء الله ) .. وقلت بنفسي : لعنه .. قليل الذوق شايفني مره يوم يركبني ورا !!

قام الرجال شغل الآي سي ( اللي هو المكيف .. عرفتها بعدين ) على الاخير .. وهو يقول : شو هالشوب ( يعني وش هالحر ياجهله ) ؟
وانا اشوف ان الجو اكثر من لطيف ( قياسا بديرتنا الله يعمرها )

وصلت الفندق .. واستقبلوني فيه كأني ملك .. ابتسامات من خشش زينه .. وترحيب .. وورود .. وسلة فواكه حقيقية مهب بلاستيك .. وشو بدك .. وشو بتأمر .. قمت انا تشققت من الوناسة الله يسلمكم ( مهب متعود ان أحد يحترمه ) ..

المهم ضيعت هاك الليلة وانا اتعرف على محتويات الغرفة بالفندق ( الفايف ستار ) من ثلاجة صغيرة .. والقوارير الصغيرات اللي داخل الثلاجة ( أخذت اغلب الوقت وانا اتهجى أسماء القوارير .. وارتجف واستغفر ) .

وأخذت جوله بالحمام اللي به كلش يبلص .. والفوط ملفوفتن بشكل جميل ( ماخربتها لما

خرجت من الفندق ) .. حتى قطع الصابون على اشكال زينه ودك تاكلها .. تشبه الحلاوة .

والماء ينزل من الدش بقوة دفع رباعية ..

والسرير كأنه مدريهة ( يعني مرجيحة ) يهز لأدناة حركة .. وتلفزيون متعدد القنوات (

ماشاف قنوات مشفرة قبل كذا ) .. وسيفتي بوكس وما أدراك مالسيفتي بوكس ( ماعرفت له الا بآخر يوم ) .


المهم .. نزلت من الفندق اسأل على القبلة اللي مااتفق اثنين على جهتها .. رجعت الغرفة

وطليت من الدريشه .. وشفت منارة مسجد بعيده شوي .. فرحت ونزلت للمسجد ولمن قربت

منه الاه توه يأذن .. وانا على باب المسجد والا المذن يقول ( اشهد أن عليا ولي الله ) ونكست

وانا أجر أذيال الخيبة واتحسب عليهم .. بس اني ضبطت جهة القبلة ..

صليت العشاء بالفندق .. وأخذت تكس ابي ادور مكتبات بهاك الليلة .. واخذني للسوق ..

ودار بي عدة مكتبات .. بس انها كلها مسكرة !!

رجعني للفندق .. وثاني يوم كررت نفس الشي مع سواق التكس نفسه .. ورجعني للفندق

وقال لي : بكرى بدك ياني اجيك ؟

قلت له : لأ .. وانا زعلان .

قال لي : ولك مالك يازلمه .. اليوم الأحد ..سلامة فهمك .

قلت له : إييييه وانا اهز راسي ( مسوي نفسي فاهم ) .

لكنه عرف اني كمخه .. وقال : اليوم وامبارح عطله .. والناس مسكرة المحلات وبيتمشو .

قلت له وانا حمقان : طيب ليه ماعلمتني من امس ؟

قال : ولو .. بدنا نلأط رزأتنا ( من المغفلين أمثالك ) .. وما بين القوسين ماقالها .. بس أنا

حسيت انه قالها .

ومن باكر أخذت تكسي ثاني وقلت له ابي مكان زين اتغدى فيه واستانس .. وأخذت معي

كتاب لزوم الوناسه .

قال لي سواق هالتكس : تكرم .. ووداني لمكان بعيد .. وسألني متى بدك أجيك ؟

قلت له : بعد ساعه ..
قال : ولو .. شو ساعه .. مابتكفيك .. بدك اربع ساعات يادوب يكفوك .. انت راح تنبسط هون .

المهم بالمكاسرة اتفقنا على ساعتين .

دخلت المحل ..

وياللهول .. ماذا رأيت !!

لقيت المكان مليان ممن ينتمون إلى تاء التأنيث ونون النسوة .. ويرتدين قطعتين فقط من

الملابس .. والرجال بقطعة وحده بس !! وانا الوحيد اللي لابس يجي خمسطعش قطعه!!

طارت عيوني .. واصطكت سنوني .. من الغيظ والخجل والخوف لا تكبس علينا الهيئة

عسى الله لايخلينا منها .

جلست اتعجب ( حلوة اتعجب ) من المخلوقات ابو قطعتين ملابس .. وأنا منبهر لمدة نصف

ساعه .. الا ماصار الأمر عادي ..

وبديت أدقق النظر إني أشوف بروز غير متناسق في هذي المخلوقات .. ولا لقيت الا وحده

بس .. كانت حامل .. وقلت بنفسي : الحمد لله .. مير حنا بخير .. والخير باين علينا من

بزاريننا لشبابنا لشيابنا لحريمنا .. ماتلقى أحد يمشي الا ومعه تصريح بروزات غير

نظاميه تشوفها في الكرش والمؤخرة .. وغير ذلك ...

بس تصدقون .. حدي نصف ساعه انبهار .. ثم اصبح المنظر عادي بالنسبة لي .. ثم انقلب

إلى مقزز ( والله من جد ماأبالغ في هذا الوصف ) .. وحمدت ربي على حريمنا اللي بالعبي ولا

ودك ترفع عينك من عليهن لا شفتهن ماشيات بالسوق .. ويسرح بك الخيال فيهن اشكال

والوان .. لكن هذولا ماهنا مكان للخيال معهن .. كلش باين ..

أشوف اني رحت بالغميق .. والباقي ما أضمن عليه من الرقابه .. أخاف تحذفه .. علشان

كذا مانا بمكمل ..

لا يروح بالكم بعيد .. كلها حركات قراوى مضحكة مخجلة .. لكنها ماتنقال .. يعني

اعتبروها أوبن إند .

أتمنى أن ترتسم البسمة على شفاهكم .. وسامحوني على التطويل .. تراي راعي طويله ..

وش أسوي ؟ ربي خلقني كذا ..

ههههههههههههههههههههه

الله يرجك بس عليك ققص

هههههههههههههههههههههههههه

مشكور على القصه الاوبن اند

_________________

ههههههههههههههههههههههههههههههههههههه
يسلموووووووووووووو

_________________

السيد المحترم سيادة المشرف >>>>>>>>><<<<<<<< وش يبي ذ1ا؟

بعد التحية والاحترام ... شايفني علبة ببسي عشان يرجني >>>>>>> <<<<<<<<< عررررررررررررررررررررر
( صورة وجه ليث مبتسم خخخخخخخخخخخخخخخخخخ )

فـ جرّ الـ أمل حياتي ... يسلمو ويجو ( سقاف بس اللي فاهمني خخخخخخخخخخخخخخخ )

تشكرات كثيرات وقبلات حارات من فمي بعد ‘صلاح الفلاتر كخخخخخخخخخخخخخخخخخخخخخخخ ز

السيد المحترم سيادة المشرف >>>>>>>>><<<<<<<< وش يبي ذ1ا؟

بعد التحية والاحترام ... شايفني علبة ببسي عشان يرجني >>>>>>> <<<<<<<<< عررررررررررررررررررررر
( صورة وجه ليث مبتسم خخخخخخخخخخخخخخخخخخ )

فـ جرّ الـ أمل حياتي ... يسلمو ويجو ( سقاف بس اللي فاهمني خخخخخخخخخخخخخخخ )

تشكرات كثيرات وقبلات حارات من فمي بعد ‘صلاح الفلاتر كخخخخخخخخخخخخخخخخخخخخخخخ ز