 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
04-03-2006
| ||||
| ||||
 قصة مزنة ومسفر روعة ارجو الدخول تكفون هههههه التقطت المشط كي ارتب شعري المتبعثر وعيناني على الحائط ,, تراقب تكتكات عقارب الساعه آه ياللهول الساعه اقتربت من التاسعه , هذا موعد لقائي بخطيبي < عليكم وقت بعد لملمت مكياجي المتبعثر على تسريحتي وادخلته بحركه فوضويه داخل حقيبتي اللتي اهداني اياها في لقائنا الاول تفقدت ملامحي ومكياجي بحركه سريعه الشدو تركواز امم مظبوط وبدون حوسه , الكحل كحلي ايووه حركه يبي يدوخ مسفر من لدت اهدابي , الحمره ياووويلي فوشي غامق اتحدا ان ماشرق بكاس العصير لا شافهم , الرووج < زميت شفايفي واعطيت نفسي بووسه > ياااااه بصراحه اللون الاحمر اللي على بندقي هذا موت موت علي وضحكت ضحكه دلع وانا الوح بشعري معطيتآ المرآه ظهري .. ـهههههـ مسكين مسفر بتجيه ام الركب لاشافن بهالكشخه . لبست حذائي المكعب < يعني جزمـه بكعب بس اختصار لها خرجت مسرعه ورائحة عطري تسبقني بمائة كيلو ,, اغلقت باب المنزل خلفي وشخير امي آخر ماسمعته من منزلنا < خير يام الشباب وين العبايه ؟؟ وبما اني لا املك سياره لان ابي من الدقه القديمه وصديقاتي مافي امل اطلب منهم يوصلوني لمكان اللقاء لانهم يبي يسون سالفه ويتلكعون ويسون مقالب ويحرجوني مع مس مس قلبي لذلك قلت دقيها كعابي والرزق على الله يابنيه جلست امشي واتدلع بشعري وانا احركه يمين ويساررر مستااانسه لاني اول مره انخطب < ياحرام الناس تنخطب 7 مرات بعذرك ياشيخه وانا أمشي اغني بصوت كلها حنيه " حب اييييييييييييه اللي انت قاي تئول عليه " < طبعآ مو سؤ اختيار بس لاني مااحفظ الاهي من الاغاني المهم بدت الحديقه تبان شويه من ملامحها والحديقه هي مكان اللقاء < حامت تسبدي ماودي اكمل القصه وبدت تبان ملامح الناس اللي جالسين فيها , وبديت اتفقد ببصري كل شاب جالس وابحث عن توأم روحي واااااو لقيته مس مس كان جالس وبيده كاس عصير ولابس نظاره شمسيه اللي يجي بروازها ذهبي ومن تحت بيضاويه < ههههههه كاشخ مس مس وحاط رجل على رجل .. ابتسمت ابتسامه عريضه لدرجة ان قلبي من الوناسه بغى يطلع من بين ضروسي مشيت خطوتين ولا باقي الا ثلاث خطوات عشان اوصل للطاوله لكن فجأه شفت بنت مزيوونه وكله ملح جايه لطاولة مسفر واذا بمسفر تنفرج اساريره وينزل كاس العصير ويعدل رجله ويجلس جلسه معتدله < جلسة ابتدائي وبحكم براعتي بقراءة لغة الاشاره أو ماتسمى بالعاميه(لغة البراطم) اكتشفت انه يقولها ياهلا والله ومسهلا ياهلا بالغزال .. ياهلا بالنور كله منووره منووره يابعد هالشيفه مزنه لم استطع ان استوعب شيء بعد هذه الكلمه (( هالشيفه مزنه )) اتراني اخطأت في تفسير هذه الكلمه .. لالا فأنا ماهره في قراءة لغة البراطم , والكل يشهد لي بهذا .. فـأنا الوحيده في الكليه استطيع ان اعرف ماتقوله الاخرى على بعد ثلاث امتار عن طريق هذه اللغه ! اذن مافهمته صحيح !!!! طيب لماذا ؟ ولمن ؟ وكيف فعل بي ذلك؟ هل هو غبي لـ يطلب مني الحظور ؟ وهو واعد فتاة اخرى؟ هل اقترب واواجهه ؟ ام اذهب واكتم حزني بين اضلعي ؟ نعم اظن هذا الخيار الاخير هو الانسب فـانا "شيفه" ولا استحق شيء < المشكله من زينه هو و نظاراته > نعم نعم من زينه !! انا احلى وانا املح وانا اكثر وحده اعرف اسوي محشي خضار بالحاره تراجعت ادراجي وانا اتمتم بهذه الكلمات كي ازيد من قوتي واحتمالي ورجعت وانا اشوت الحصاة اللي تعترض قدماي وافكر افكر افكر كيف سأنتقم منك يامسفر؟ كيف سـ أرد كبريائي اللذي استبحته مع هذه الكريهه اللتي حلت محلي مازودها عني؟ ألأنها تشبه المصير بجسمها المتلوي كالداب ؟ أم لأن وجهها اجمل وانعم ملامح مني؟ أم لأنها تعرف كيف تختار الملابس وتنسق بين المكياج ولبسها بل وحتى شراباتها !! <ولاتبينه يخونتس بالله ؟ > وصلت للمنزل ووقفت عند الباب اعبث بحقيبتي .. بل حقيبته اللعينه !! ابحث عن المفتاح واذا بصوت خطوات بجانبي صباح الخير مزنه رفعت رأسي .. هلا صباح النور وبعد ان استجابت خلايا المخ لتعليمات الاعصاب القادمه من البصر .. اوه هلا هلا رجب صباحك فستقي < مابي احد ينط بحلقي اللحين خلوا القصه تمشي > رجب: اخبارك يانور الحاره انا : بخير انت اخبارك ؟ اخبار عملك رجب: كل شي تمام .. وهذ انا طالع للعمل <مهسترين هالحاره على كيفهم اوقات الدوام > وبصراحه يوم شفت وجهتس اللي يفتح النفس .. جزمت مليون بالميه ان المدير غايب هعخهعخهعخ انا : ايه ايه الله يسلمك والله وانا امسح بيدي بقايا رذاذ من ندى لعابه لدرجة اني استطيع القول بأن فطوره يتكون من بيض مسلوق وكراث وشاهي مع حليب وادي فاطمه رجب: يالله اجل خلينا نشوفتس يامزنه ترا يوم بلا شوفتس مثل سما من دون طير أنا : ـهههههـ شكرآ على ذوقك ( دخلت بعد ان وجدت المفتاح وانا ادفع نفسي للداخل هربآ من مآسي الشارع مسفر ورجب ) وين كنتي يامال الضيقه؟ ( هذا صوت من الحوش صوت ابوي .. يخرف تمر وامي تناظرن من فوق لتحت وهي تقهوى ) أنا : ( وانا عيوني مغرورقه بالدمع وشكلي مثل الممثلاث المصريات اذا تهاوشت مع حبيبه بس الفرق بيننا ان اهلنا اخف دم من اهلهم بهالمواقف ) : كنت مع مسفر ابوي: روحي بس اغسلي خشتس انتي وهاللي بخشتس غاديتن تقل جدار سجن وتعالي عاونين قهقهقهققهقه < امي تضحك <ياشين الشيبان لا استخفوا دمهم > انا (بيني وبين نفسي) آه كم أكرهكم يااوالدي مع احترامي للعلاقه اللتي بيننا ,, طيب يبه سم شوي واجيك وكالعاده عطيتهم ركبه ورحت لغرفتي .. وبدأت ابكي ابكي بمراره وبحراره لدرجة ان صوت شهاقي ونشقي وصل للجيران وسمعت صوت دريشه تنفتح و طاح علي كرتون مناديل ثمن صوت الدريشه تنصك ومن كثر الصياح والبوكاا فجأه نمت < سوبحان الله > يوم صحيت الا واسمع امي تنادي نننننننننننننه (هذا اول شي لحقت عليه ) مززززززززززززنه انا : هه هه اعووووذ بالله منك يابلييسسس اخذت الجوال دقيت جاري الاتصال بمس مس مسفر : الووووه انا : هلا حبيبي مسفر: هلاحوبي امي: مززززززززنه ولعنتين انا : خلاص حبيبي بس حبيت اتأكد أنه حلم مسفر : وشهوو ؟ الوو ؟ انا : توت توت توت آآآه أخيرآ طلع حلم مــــــــــنقـــــــــــــــــــــول
_________________ سحقاً وتباً لشركة الاتصالات السعودية  سبحانك لا اله الا أنت اني كنت من الضالمين |
|
#2
04-04-2006
| |||
| |||
| الحمد لله انه حلم لكن حلمك بالمره حلو |
|
#3
04-04-2006
| ||||
| ||||
| هلا فيك شرارة وشكرا على مرورك الجميل
_________________ سحقاً وتباً لشركة الاتصالات السعودية سبحانك لا اله الا أنت اني كنت من الضالمين |
|
#4
04-04-2006
| ||||
| ||||
| ألحين كل اللي فوق طلع حلم..................... ههههههههههههههههههههههههههههههههههههههههههه امحق من مزنة..ياااااااااااااااااااااااااجكرها يبيلها تدخل دورة للتعليم....طبعا((( في كل المجالات ))) شكرا يزن على هالتعليقة... |
|
#5
04-04-2006
| ||||
| ||||
| شكرا دلع بزيادة على ورورك الحلو
_________________ سحقاً وتباً لشركة الاتصالات السعودية سبحانك لا اله الا أنت اني كنت من الضالمين |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
