|
| |||||||
| ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه نكت مضحكة تهبل تجنن دعابة كل ماهو جديد و مميز تموت ضحك منكتين تفطس نكتة تنكيت يضحك اخر نكت 2009 تموت تضحك |
 |
 |  |
 |  |  |
 |  | |
| |
 | |
 |
| | أدوات الموضوع | طريقة عرض الموضوع |
04-05-2006, 03:27 AM
| ||||
| ||||
 فسقان في بحيرة طبرية بسم الله الرحمن الرحيم .. .. السلام عليكم ورحمة الله وبركاتة .. .. اوه اح اوف اييييييييييي لا لا اخ حرام عليك ( لا تفهمون غلط انتظروا السطر القادم ) .. اي اي شوي شوي وشفيك محتمس كذا .. يا سامي يا حبيبي انا قلت لك ابي اجرب انتف شعري ما قلت لك عذبني .. وش اسوي فيك يا فسقان كل شعرك فيك عن نخلة يالله تنتف .. بغيت اجيب ددسن و اربط كل شعره في صدام الددسن و اسحبها يالله تطلع هههههههههههه .. وين البلدية عنك ما تستخدم شعرك في تشجير شوارع الرياض اح اح ايي اخ يوجع يوجع يا سامي شوي شوي ( اعتقد خلاص فاهمين وش قاعد يصير ) .. يا فسقان لا تتحرك علشان ما اشيل الجلد مع الشعره .. اقول يا سامي خلاص وقف التجربه .. و ما اقول الا الله يعين الجنس الناعم على التعب اللي يتعبونه علشان تصير بشرتهم صافيه .. و المفروض على ذي الالم ان حنا اللي نصير جنس ناعم و هم جنس خشن اجل فيه احد يتحمل ذي الالم و ينقال له نعومي انا بروح اغسل ذا الدم اللي يشوف الدماء اللي طلعت مني بعد عملية النتف يقول توني راجع من حرب .. و بينما فسقان واقف امام المغسله وقعت منه الصابونه و تزحلق فسقان .. و وقع في حوض البانيو و للاسف كان السواق توه متروش و معبي البانيو مويه و ما بعد فرغه من المويه .. و غرق فسقان في البانيو و جلس يسبح و يحاول ينقذ نفسه بس كل ما له ينزل تحت اكثر .. و حاول انه يصيح بس صوته ما طلع .. و شوي و دخل السواق الحمام و جاء و سحب السداده حقت البانيو و فسقان يأشر له علشان ينقذه بس لا حياة لمن تنادي و بعد ما سحب السواق السداده علشان يفضى البانيو صارت المويه تخرج من فتحة البانيو بسرعه .. و طلعت دوامه في البانيو و صار فسقان يدور فيها بسرعه .. و سحبت الدوامه مع فسقان سفينه كانت غرقانه في البانيو من مدة طويله .. و دخل فسقان داخل السفينه الغرقانه .. و صار يبحث عن الكنز ( فاااااااااااااااااااضي ) .. و بينما فسقان يدور في السفينه حصل هيكل عظمي مفكك .. جلس فسقان يركب الهيكل يبي يشوف وش يطلع له .. و تتوقع من طلع له الهيكل .. يالله توقعوا و اللي يجاوب صح بعزمه في سطح بيتنا بعد ما ركب فسقان عظام الهيكل العظمي طلع الهيكل لانثى .. و تحرك الهيكل و قام من الارض و سطر فسقان كف .. و صاح عليه بصوت انثوي رائع : بدري من موضوع اسرائيل و انت جالس تركب فيني و توك تخلص ( يالله على الاخراج طلع الهيكل هو هيكل زوجة شارون اللي شاركت في موضوع ابي فسقة الاسرائيلي ) .. صاح فسقان فيها : وش جابك هنا .. قالت له : كاتب الموضوع قال بما ان شارون في حالة صحية سيئه و ما نقدر نكمل الجزء الثاني من ذاك الموضوع خلني اجيبك هنا للاثاره و سأله فسقان : وش قصة ذا السفينه وش اللي غرقها .. قالت له : هذي السفينه كان تبحر بقرب اليمن و بعد ما عرفوا اليمينه اني فيها هاجموها و ذبحوا كل اللي فيها الا انا .. دفعني واحد منها على الجدار حتى انفرطت سبحتي مثل ما شفتي يوم دخلت .. و الغريب يا فسقان انهم اغرقوا السفينه بستخدم السكاكين مدرى كيف .. قال لها فسقان : انتي ما تعرفين الزيود اذا حطوا في راسهم شي يسوونه .. سوي لك زيارة على شارع الغرابي و تعرفين وش اقصد و ذهب فسقان و معه الزوجة الى مقدمة السفينه .. و قالت له : انا عندي امنية بس ما بعد تحققت .. قال لها فسقان : مع ان الموقف مهوب موقف تحقيق امنيات بس يالله وش هي امنيتك .. قالت ودي اسوي مثل روز و جاك في التايتنك .. قال فسقان : الفيلم كامل او مقاطع منه وش تبين بالضبط .. قالت لا لا بس ابي مقطع يوم يروحون لمقدمة السفينه و جاك يصير خلف روز و يرفع يدينها و يقول لها حلقي .. قال فسقان : وش تحلق دقن او شعر هه هه هه ( للاسف يا اخوان ان فسقان ما يعرف يتعامل مع المواقف الرومانسيه ) قالت له الزوجة ( اقول انا وش اللي حادني استخدم كلمة الزوجة ليش ما اختار لها اسم و افك نفسي ) .. و قالت له ساره : يا مصلك .. وهنا غضب فسقان منها و دفعها لتسقط من السفينه و تتناثر عظامها في الدوامه ( اجل وشهو له تختار لها اسم هههههههههههههه ) .. و دخل السفينه الدوامه و معها فسقان ( كل اللي صار هذا كله و السفينه في البانيو و ما بعد دخلت مع فتحة البانيو اللي تحت هذا الاكشن و لا بلاش ههههههههههه )  و دخلت السفينه مع فتحة البانيو لتعبر معها .. و دخلت مع مواسير المجاري ( كفوك يا مخيس ) .. و من ثم جرفته الامواج حتى وصلت السفينه الى بحيره طبريا .. و كان دخولها للبحيره عنيف لدرجة ان نص مويه البحيره طلعت برا البحيره و صارت بحيره ثاني مستقله .. و بعد انا دخلت السفينه للبحيره قادمه من بحيرة الحاير لمياه المجاري .. سقط فسقان من السفينه و غرق في البحيره ( يالله كل هذا اللي صار و فسقان في السفينه و ما طاح و بعد ما رست السفينه في البحيره طاح ) و بينما فسقان يغرق في البحيره شاف له سمكه صغيرة متجه بسرعه الى اعلى البحيره و خلفها سمكه عيونها صغار و تصيح عليها بالتوقف .. و صاحت السمكه ام عيون صغار الى فسقان يعني امسك السمكه الصغيرة .. و دبت النخوه في فسقان و نسى انه غرقان و اسرع يحلق بالسمكة الصغيرة بس للاسف ما قدر يمسكها الا بعد ما طلعت على سطح البحيره .. و كانت تتنفس بصعوبه و تطرش هواء ( الحين مهوب الانسان اذا غرق في المويه يطرش مويه و السمكه بعد ما غرقت برا المويه تطرش هواء حقيقه عمليه انا اللي اكتشفتها ) اعاد فسقان السمكه الى داخل البحيره و عمل له اسعافات اوليه و صار يسحب من مويه البحيره و يدخلها داخل فم السمكه .. و شوي شوي بدت تصحى السمكه و تكح و يخرج من فمها فقعات هوائيه و فسقان يمسك الفقعات و يدخلها داخل فمه علشان يتنفس .. وشوي و طلعت فقاعه من السمكه بس من مكان مهوب زين .. و اخذ فسقان الفقاعه و دخلها داخل فمه ( يعععععععععععععععععععععععع ) .. وش يسوي المسكين بيموت وشوي و وصلت السمكه اللي عيونها صغار و صارت تبوس السمكه الصغيرة و تشكر فسقان و تقول له : جزاك الله خير انقذت الاميرة من الموت مولاي راح يكرمك .. اكتشف فسقان ان السمكه ام عيون صغار هي الشغاله الفلبينيه عند الاميرة اللي هي السمكه اللي انقذها قبل شوي ( صارت الاحداث اكثر اثاره و حماسيه ) .. و سألها فسقان ليش الاميرة تبي تنتحر .. و على السؤال استعادت الاميرة وعيها و هي تبكي و تسب فسقان : الله ياخذك ايها البشري ليش انقذتني ليش ما تركتني اموت و ارتاح من الدنيا و سطرها فسقان كف و قال لها : الانتحار حرام يا الخبل .. انتي تبين تدخلين النار .. الحياة نعمة من رب العالمين ليش نفرط فيها .. حتى لو انك غلطتي و جبتي العار لاهلك مهوب عذر للانتحار .. لم تستوعب الاميرة الموقف و انبهرت من موقف فسقان و ذبلت عيونها و فتحت فمها تعبيراً عن الحاله اللي هي فيه و اللي تسمى في الطب حالة حب من اول كف ( نملة و قرده و الحين سمكه الله يستر من الجاي لا احب لي زنوبه ههههه ) قالت له السمكه و هي تبلع ريقه من الانبهار بوسامة فسقان و رجولته ( الكف له دور ههههههههههههه ) .. لا يا فسقان انت فاهم الموضوع غلط ( طبعا فيه ملقوف بيقول وش عرفها بسمه اقول له انا انتبهت لهذه الغلطة بس بعد ما كتبت الاسم و بحكم انه موضوعي ما لك دخل ) .. قال لها فسقان : اولاً معك فسقان من جزيرة العرب ممكن اعرف اسمك .. قالت له بحياء : انا اسمي ساره ( هههههههههههههه الاسم في راسي من بداية الموضوع ) .. قال فسقان : بقول و النعم مع انك سمكه .. قالت له ساره : وشفيهم السمك يا نظر عيني ناقصين يد او رجل اوه اسفه اقصد ناقصين زعانف قال لها فسقان : المهم وشفيك تبين تنتحرين .. قالت له : تصدق يا فسقان ان امي رافضه اطلع مع اصحابي للكباين ( ههههههههههههههههههههههههه ههههههههههههههههههههههههه ههههههههه ) .. قال فسقان : حتى انتم عندكم كباين .. قالت له : لا امزح معك هي رافضه اطلع مع اصحابي للبر ..لا امزح معك هي رافضه اطلع مع اصحابي للاسترحة .. لا امزح معك هي رافضه اني اقول لك هه هه ( هنا عزيزي القارى تخيل شكل انسان و هو خانق له سمكه و السمكه تحاول تبعد يدين الانسان بزعانفها بس ما تقدر علشانها قصيره ) قام فسقان من فوق ساره ( كان يخنقها يا اصحاب التفكير الواطي يخنقها ي خ ن ق هـ ا ) .. و قال لها : تكلمي جد لا اكسر اي شي فيك ينكسر ( جد وش اللي في السمكه ينكسر غير عينها ههههههههههههه ) .. طيب طيب بقول لك هذا يا طويل العمر الفريق اللي اشجع فاز اليوم ببطولة البحيره و ابي بكره شريطه بلون الفريق ما حصلت .. فريت كل المحلات ما حصلت شي و ارسل ابوي لكل سفراء البحيره في خارج البحيره علشان يبحثون لي عن شريطه بلون شعار الفريق ما احد حصل .. و مستحيل بكره ادوام للكليه و انا مالبستها .. انت لو فريقك فاز بتروح لكليتك ما لبست شي لونه بلون شعار فريقك .. قال فسقان : ابشرك فريقي ما عمره فاز و علشان كذا منيب محتاج البس شعاره ههههههههههههههههههه ( يضحك السن يا نصر و القلب مهموم ) قال لها فسقان : طيب عندي اقتراح .. قالت ساره : قل اقتراحك يا بعد كل اسماك القرش و الدلافين .. قال لها : شوري على ابوك يفتح مسابقة اللي يحصل لك شريطه بلون شعار فريقك يعطيه جائزة .. قالت ساره : لا تقول ان الجائزة هي انا هه هه اذا انت بتشترك ما عندي مانع اصير لك جائزة ( هذا الحب و لا بلاش هههههههه ) .. قال فسقان : لا انت اكبر من انك تصيرين جائزة علشان شريطه قالت ساره : تسلم لي يا .. يالله قو لم قصر الحكم علشان نقابل ابوي و نقول له اقتراحك و اعلمه عنك و عن شجاعتك و وسامتك و سحر عيونك .. قالت له الشغاله : اثقلي يا ساره لا يطمع فيك الولد .. قالت ساره : يا ليت يطمع والله ما اقول له بس هو يوافق اه يا زينوه ( وشذا السمكه اللي ما شافت خير ) .. استحى فسقان من الغزل و قال لها : يالله مشينا و اتركي عنك حركات بنات غرناطه مول ( لا احد يقول وش سالفة غرناطة مول علشان ما ينحذف الموضوع ههههههههههههه ) طبعا قد يسأل ملقوف يقول كيف تحمل فسقان كل هذه المدة بدون اكسجين .. اقول له تراه موضوع مهوب صدق يعني بدون تدقيق يا بايخ .. المهم بينما الثلاثه يسبحون داخل البحيره متجهين للقصر هاجمهم قرش ( تأكد يمكن اللي هاجمهم ريال هه هه ) .. و صاحت ساره و الشغاله : تكفى يا فسقان انقذنا من هذا المفترس تكفى يا نسل الاجوادي .. نخيناك ما نخينا غيرك .. فسقان اليوم يومك .. كان القرش يبتسم و هو ينظر لفسقان و ينظر له من تحت و فوق و يضحك و يقول انت تبي تردني من اكل ذا الفطافيط والله ان تبطي .. رجع فسقان للخلف و استند على الجدار و نزل الكاب لاسفل و اشعار زقاره ( تذكرون شكل بسام يوم يسجل فيه ماجد هدف يوم يرجع عند المرمى و يتكى على القده نفس الموقف بس فسقان لابس كاب و الزقاره في فمه ( قلنا لكم المخدرات تلعب في مخ الواحد ) ) صار القرش يدور عليهم و ينافخ و يقول : هاه يا بطل ورنا شطارتك .. ابي اشوف كيف تبي تنقذهم .. يالله ورا اه قلتني يا مجرم ( اللي حصل يا اخوان ان بينما القرش يدور بسرعه استل فسقان سيفه مهجدهم و غرسه في صدر القرش بسرعه البرق لله درك يا بطل ) .. تطايرت دماء القرش في مياه البحيره و حولتها الى بحيره ورديه اللون .. و كان الوقت مع غروب الشمس يالهو من منظر جميل مع انتشار دماء القرش في البحيره وصلت رائحه الدم الى منزل القرش و عرفت الام ان ابنها قتل .. فخرجت خارج منزلها و صاحت بأعلى صوتها .. يا ولدددددي يا ولدددددي ظهورهن يا النشامى .. ظهورهن يا النشامى .. لا ام لكم اذا ما اخذتوا بثأر ولدي .. و بالفعل ما جلس قرش في الحاره الا و انطلق الى السعى خلف قاتل ابنها بينما فسقان ينظف سيفه من دماء القرش الذي قتله .. كان الاميرة سارة تنظر لها بكل ذوبان ( حليب نيدو مهوب بنت ) .. جت الشغاله عند فسقان و قالت له : انا سمعت عنك الكثير و عن سيفك مهجدهم بس ابي اعرف هل سر قوتك تستمدها من السيف .. يعني لو يسرق السيف منك بتصير ضعيف .. قال لها فسقان : انا و السيف واحد كل واحد منا قوي بالثاني .. بس لو ضاع السيف مهوب ناقص من قوتي شي بالعكس راح تزيد اكثر .. قالت الشغاله : كيف تزيد قوتك .. رد عليها فسقان و هو يؤخر الاميرة سارة بعد نست نفسها و لزقت فيه لو ضاع السيف مني راح اغضب غضباً شديد و انا اذا زعلت انسى كل العادات و التقاليد و الاعراف .. صاحت الاميرة : واااااو احب الرجال اللي كذا .. قالت الشغاله : حتى انا بعد احب الرجال اللي كذا .. و صاحت فيها الاميرة : خير عسى ما شر حتى انتي لك راي .. وش رايك تشاركيني فيه .. تراني اللي شايفته قبلك قال لهم فسقان : لا تتهاوشون علشاني .. تراني ما جيت علشان اخرب بينكم .. بعدين انا انسان ما عندي طبقيه و ناس فوق و ناس تحت .. احب اني اندمج مع عامة الشعب .. يعني الاميرة عندي مثل الشغاله اهم شي تسدد فاتورتي هه هه .. و ضحكوا البنات على دعابة فسقان و قامت الشغاله و جابت المسجل و شغلت اغنيه و صارت تهز و الاميرة ساره تدلك رجول فسقان ( وين انا شايف هذا الفيلم فيه ) و ما هي الا لحظات الا اصوات اسماك القرش تهز اركان البحيره .. و عرف فسقان ان القوم طالبين راسه .. فصاح فسقان في الاميرة ساره و الشغاله : انحاشوا قبل ما يصلون لنا و يقتلونا .. فقالت الاميرة : لا والله لن يسجل لي التاريخ اني تركت تخوض معركتك لوحدك .. و قالت الشغاله : لعمري ان الموت دافع عنك هو اقصى ما يتمنى السمك ( خلونا اضحك ههههههههههههههههههه ) قال فسقان : لا تخافون مهوب قادرين علي و معي مهحدهم .. لو يصيرون الف قرش برجع لكم سليم معافى .. يالله انحاشوا و موعدنا القصر .. و جلست الاميرة ساره تبكي و تمسك في فسقان و تقول مابي مابي بجلس معك .. ابي اشوفك و انت تقاتل علشاني ..و قال فسقان للشغاله : اخذي عمتك و اسبقوني على القصر ..مسكت الشغاله الاميرة و انحاشوا بعد ما طبعوا القبلات على خدود فسقان وقف فسقان في اعلى الهضبه و عيناه تتبع الاميرة و الخادمه و هم منحاشات .. و هو ممسك بيمناه سيفه مهجدهم في منظر بطولي لا نراه الا في الافلام .. و بعد ما اطمئن فسقان لهروب الاميرة و الخادمه نزل من الهضبه و رائ افواج عظيمه من اسماك القرش تنتظره في الاسفل و كلها شوق للقائه و العراك معه ( يا حمار انحاش الاميره و عرفت انك قوي وشهو له المهايطه الزايده ترى يمديني اكتب ان فيه طياره نزلت الهضبه و انحشت فيها عادي تراه موضوع انحاش يا حمار انحاااااااااااااش ) .. كعادة الابطال لايوجد في قاموسهم الهروب .. نزل فسقان و الابتسامه الساحره تزين فمه الوردي كان المنظر هائل .. يشيب منه الغلمان .. فتى واحد مقابل جيش كامل من اسماك القرش .. و رائحه الدم تفوح من المكان .. كل سمكه قرش سنت انيابها استعداداً لالتهام بطلنا و الثأر .. مع هذا كله كان فسقان مبتسم .. و في لحظة غرور غمد فسقان سيفه في غمده .. و قال لاسماك القرش : اسمعوا يا حثاله البحر .. والذي نفسي بيده لن اخرج من هذه المعركة الا منتصراً او مقتولاً في سبيل هدف نبيل ( يا هوووووه يا قوي هين بعد شوي بيلعن خيرك بس اصبر اذا ما خليت تندم على المهايطه منيب انا ههههههههههه ) الحقيقه ان كلمة فسقان دبت الرعب في نفوس اسماك القرش .. لكن الثأر اعمى ابصارهم .. خرج سمكه قرش من بين الصفوف .. و من شكله واضح انه القائد .. و رد على فسقان و قال : اسمع يا فسقان مهما بلغت من القوه و الشجاعه .. راح تخسر هذه المعركه .. كم بتقتل منا .. عشره عشرين ميه الف .. في الاخير راح نقلتك .. حنا اسماك قرش و عملية التكاثر الجنسي عندنا سهله .. الانثى عندنا تضع في اليوم مليون بيضه .. صاح فيه فسقان صيحه اشابت شعر القراء : هيييييييييييييييييييييييي يييييييييييه احد قايل لك حنا في حصه علوم .. الشجاع منكم يخرج للمبارزه واحد ضد واحد قال له القائد : ما حزرت يا فسقان .. واحد ضد واحد من مصلحتك بكل تأكيد .. فأنت صاحب مهجدهم افضل من مسك السيف .. حنا اسماك القرش خونه ما نعرف علوم رجال .. راح نقاتلك كلنا مع بعض .. اعتبرنا رجل واحد انيهااااههههي ( ضحكة شرير ) .. تحسبون ان فسقان خاف او ارتعدت فرائصه .. لا يا اخوان .. لم يجزع بطلنا بل تقدم للجيش بقلب جسور و اشتبك الجيشان في معركة دمويه .. اقتحم فسقان الصفوف الاماميه لجيش اسماك القرش .. و قتل من قتل و اصاب من اصاب .. وطبعا مهما كانت قوة فسقان و جسارته و شجاعته و روعة شفايفه ( وش دخلها ) .. لازم يسقط في معركة خساره مثل هذه ( اه كم هو مؤلم سقوط فارس شجاع كم هو مؤلم تكون نهاية فسقان على يد سمكه لقد نصحتك بس ما طعت النصيحه مثل قال طلال سلامة قلبي اللي نصحته ) .. نعم يا اخوان سقط فسقان مقتولاً في هذه المعركه بعد ما قدم كل انواع الفروسيه .. سقط فسقان بسبب شهامته و دفاعه عن سمكه .. سقط فسقان بسبب تمسكه ببداوته اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات -   |
|
04-05-2006, 03:31 AM
| ||||
| ||||
|
الموضوع ملطوش يعني منقول يعني نسخ ولصق اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
04-05-2006, 11:31 AM
| ||||
| ||||
|
لا تعليق خخخخخخخخخخخخخخخخخخخخخخخخخخخخخخخخ ...................................... ينقل الموضوع للقسم المناسب اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
04-05-2006, 02:03 PM
| ||||
| ||||
|
مشكور اخوي
اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
04-05-2006, 09:53 PM
| ||||
| ||||
|
شكرا مقربع على المرور الجميل
اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
| أدوات الموضوع | |
| طريقة عرض الموضوع | |
| |
العرض العادي
