لا تحسبين الزواج توفي وكتكاااااات

اهداء لكل البنات


لا تحسبين العرس توفي وكتكات
ولا تحسبينه توكس ولا بونتي

ولا تحسبين العرس كيكه وطرطات
وصله قطعتيها ووصله بلعتي

ولاتحسبين العرس تصفيق وأصوات
وأنت على صوت الغطاريف همتي

ولاتحسبين العرس كوشه ولمبات
وأنت كما الطاووس فيها جلست

ولاتحسبين العرس أحلام في الشات
ياما بنيتيها وياما هدمتي

ولاتحسبين العرس روحه وجيات
هيا اقضبي بيتك عسى ماانهبلتي

ليلة سعيده وأنت أحلى الجميلات
تشخص عيون الناس إذا حضرت

(والاينلر)حطيه بلا زيادات
لايخرب المكياج إذا دمعت

(والمسكرة)تحتاج لطف ومدارات
حتى يبان الزين إذا غمضتي

(والاسبريه)رشيه حتى البصيلات
يمسك شعرك زين ولو كان زدت

وترى(المحدد)فن يحتاج رسمات
يبان رسمه زين إذا ابتسمت

العرس يابنية ماهو شعارات
تفنى مراسيمه وتبقين أنت

ويبقى شريك العمر راعي الطويلات
هذا هو العرس الحقيقي عرفتي؟

أول نصيحة لك حفظ الصلوات
صلي العشا والفجر في كل وقت

وفي ليلة العرس الموفق وبالذات
ادعي الكريم الله إذا سجدت

والتعري لاترضين عند الكوفيرات
ولبسك يملي العين إذا لبست

واللي على زوجك تحرضك مرات
أرجوك شوتيها شوتت بلنتي

والصبر في العشرة حتى على فتات
يامحلا فعلتك يومك صبرت

وإذا حفظت السر مع المدارات
زوجك ترى في عيونه أنت كبرت

والسوق يعني هاه وقت الضرورات
وإلا ترى زوجك يدور لمفتي

زيدي الغطاية وكثري في العبايات
والله يرضى عنك إذا سترت

أوصيك بالكبسة وكثر اليدامات
حتى لو انك من سببها متنتي

وخلي الرجيم اللي فشلت فيه مرات
سويه مرة واحدة لا ولدت

أوراق شاعر يرسل أزكى التحيات
خصيه بالدعوة إذا دعوتي

ومن قالها ســـــــــالم ...