صباح الخير ياغالي صبـاح النـور يافتـان=صباح المسك ياعنبـر انـا بالحيـل مشتاقـي صباح الصوت والبسمه صباح الزين والتيجان=صباح الزين ياشعري عليـك يحـن خفاقـي صباح الذوق والروعه صباحً نور فجره بـان=يخصك انت دون الناس ياشمسـي ومشراقـي صباح الخير ياحلـوه كتبنـي للولـه عنـوان=وجريتـه وغنيتـه مـن الاعمـاق لعمـاقـي انا ما اقدر على شوقك ولو حاولت به كتمـان=على جسمي على وجهي يبين الحب واشواقـي زرعتك حب في قلبي وكنتي شجرة الريحـان=وانا العاشق وانا الحارس وانا يازين لك ساقي طلبـت الله ياخلـي بأنـك ترحـم الولـهـان=سهر ليله مع الوحده على نار الهـوى شاقـي الا ياجمرةٍ قلبـي بهـا يحـرق بـلا دخـان=وتسهرني وتشقيني وليل البـرد بـي ضاقـي انا ما اقدر على الفرقا ولا بعدك ولا النسيـان=لانـك قطعـةٍ منـي دواي وكـل تريـاقـي ترى فرقاك لو تحصل يجي من بعدها الطوفان=تروح الروح من جسمي وجسمي هيكله باقـي معاك اعيش بالفرحه وبعدك مجمـع الاحـزان=فـلا تجعـل محبتكـم لنـوم العيـن سراقـي بدعت الشعر من اجلك ومن اجلك تزين الحان=عيون الشعر تجرفها لشـوق الزيـن تواقـي وانا القاسي وانا العابس وانا الثاير وانا البركان=ولكني معـك صايـر بكـل شعـور منساقـي انا لولا حسبة حساب منقـودي مـن العربـان=لصيح بعالي القمـه واقـول اسمـك بالافاقـي سلام الله ياخلي عدد مـا ترقـص الاغصـان=عدد ما تزهر الزهره وتخضر خضر الاوراقي عدد لوح البروق اللي سحابـه ينهمـر هتـان=وتسقي الارض من صبه ويصبح سيل دفاقـي وتحكي به اهل مكه واهل حائل واهل نجـران=ويفرح به مع الفلاح راعـي ضـان ونياقـي
09-15-2009, 05:21 AM
المواضيع المتشابهه 
-
-
العرض العادي
