|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
09-16-2009, 11:48 PM
| ||||
| ||||
 غصب اصير مسيحيه برمضااااااااااااان هههههههههههه<<حلوه سلام .. كيفكم ياحلوين ؟؟ اليوووووم جايبتلكم موقف يموت ضحك بس اللله الله بلردود. اخليكم مع القصهـ  احد ايام رمضان المبارك كنت ماخذة اجازة من الصيام,و خلصت صلاة الفجر ..وذهبوا افراد العائلة كلٌ إلى مرقده كما أعتقدت  هم راحوا لغرفهم من هينا ..وانا انطلقت للمطبخ من هيناك  أخذت لي فيمتو و شبس و طلعت لغرفة التلفزيون مبتهجة وبينما أنا في خضم البلع والقحن والكركرة على مسلسل كوميدي كنت اتابعه وداخلة جووو الا وينفتح الباب واشوف وجه كذا >>>>>>>>>>>  ويطلع أخوي " يونس " -طالب في المرحلة المتوسطة يميل الى الامتلاء يملك عيون عسلية و حواجب كحلية - كان يونس في أشد الدهشة والانبهار والتعجب حتى ظننت انه قد يموت بسكتتن قلبية يونس : ماصمتييييييييييييي !!!!!!!  أنا وفي يدي كأس مليء بالثلج وكيس شبس كبر وجه أخوي يونس : ليه أنت صايم ؟؟ يونس : وجع ..من جدك تسألين هالسؤال ؟  أنا بكل ثقة وبجاحة: والله انت بعد سألني نفس السؤال يونس: والله انتي اللي جالسة تبلعين وتشربين موب انا  ممممممم شفت الولد ماعنده نية يفهم ,استوعبت انه يااما انه كان غايب في درس الفقه منهج سادس ابتدائي ..يااما ان مدرسهم طمر الدرس , ولا وش ذا الدلاخة ومافيه مجال أصير ناسيه وأنا مجهزة العدة,كاس ثلج وسترو ومنقيه الشبس اللي أبيه  المهم قلت في نفسي والله لو يموت مااعلمه انا عن ذا العلوم..مو لهالدرجة انا وسيعة صدر  فما كان مني الا اني فجأة قلت له : اسمع بقولك سر بس بذمتك لايدرون امي وابوي ولا احد ,أوعدني ماتعلم احد وانك تحفظ سري هذا لين أموت.. ان مت علم اهلي ,عاد خلاص مايقدرون يسوون لي شي  واللللللللللللللللللللللللللله ماأقول لأحد ..اقسم بايات الله وبالقران والكعبة وجعلي اموت اني مااقول لااحد اذا علمتيني < خرجت هذه الكلمات من أخي يونس بحماس مشبع بالسعابيل المتناثرة التي لامست وجهي :أجل شف بصراحة أنا مسيحيــــــــة :لا والله !! قولي قسم بالله :انا مسيحية ولا أقدر أحلف لان ديني غيركم < عشت الدور على طول بس بقولك القصة يمكن تخف روعتك شوي وتقدر تتفهمني و تحتويني وتحتضني (حسيتني بخرب الولد) القصة ومافيها .. أني انا يوم كنت صغيرة ,ترى أهلي ماكانوا مهتمين فيني زيك, كانوا بس يخلوني عند التلفزيون ويروحون يتمشون..تعرف انا اول طفل لهم وامي وابوي كانوا توهم صغار وطايشين و طفرانين ببعض وانا حسوني دخيلة بينهم ماادري ليه جابوني بسرعة اذا هم مايبغوني  فجأة شفت عبرة خنقت يونس ذو القلب الكبير وهو يتابع بصمت وفضول وغباء طيب ليش أجل تلبسين عبااااااية !! وانتي منتيب زينا < قاطعني أخي يونس بكل دلاخة رديت بنفس النبرة الكسيرة : حتى الفلبينيات يلبسون عباية..انا كنت البسها زيهم احسبها يونيفورم لسعوديات ورجع من جديد بسؤال أذكى قليلا من السابق : طيب ماعلموك المدرسة الاسلام ؟!!! :لا كنت أنام في الحصص وفي الاختبارات أغش واستطرد في القصة..فلما كبرت وجيت أنت ..حبوك أمي وابوي من كل قلبهم وخافوا من أني انتبه لهالحب أو احسدك عليه فقام أبوي يبي يلهيني بشكل أكبر ..حط لي نت وقال لي هذا لك اما هذا لنا "مشيرا بأصبعه المشعر إليك " وخذوك معاهم ورحتوا تتمشون يونس >  المهم صرت أحس فيه سر لازم أعرفه وصرت أدور في هالنت و انتشر هنا وهناك واتبعثر واتبخر واتكور الى ان أخذتني رياح الأقدار الى امراءة تدعى الأم تيريزا وقلت لها قصتي واحتوتني واعطتني الحنان اللي حرموني منه اهلي اللي يكرهوني ويحبونك انت بعدها صرت أحبها واسميها ماما ..ومع الوقت علمتني المسيحية وقالت اعتنقيها ياابنتي واعتنقتها وأهلي مايدرون وللحين مايدرون يونس بلم وهو في حيرة وده يرد ولا هوب عارف خاصة انه حس نفسه السبب وتعاطف معاي صمت لبرهة وبرهات وفجأة قال : طيب ماتفكرين تسلمين ؟ لا أخفيكم سرا ..جتني ضحكة كبيرررررررررررة الا أني بلعتها لدرجه صبت دموعي وسويت نفسي أبكي,قلت له بصوت مخنوق : بس ماأعرفه ..أنا ماأعرف في هالحياة الا أمي تيريزا داخ راسي من كثر الخرط عليه وجاني النوم ..قمت وعطيته كاسي بعد ماشربته كله وقلت خذ رجعه للمطبخ أنا تعبت من الصياح بروح أنام @#$%#@#$%@#$%@#$%@ جاء يوم غد ..وفجأة أسمع شي يخربش تحت باب غرفتي ..حامت كبدي حسبته صارور ..قمت ابشوف مادريت الا كتيب ديني يندعس تحت الباب  واشوف ..الا عنوانه Islam ???!! وافتح الباب بسرعة بشوف من اللي حاطه , الا واسمع صوت باب غرفة يونس يتسكر بقوة هههههههههههههههههههههههههههههههههه ياانا ضحكت ضحكة بغت تنكسر شبابيك غرفتي خلاص معد استحمل ,هالولد تحفة لازم تنحط في متحف اللوفر ,لعنبوا بليسه وش ذا المخ طيب يوم انك بتدعوني ليه جايب لي كتاب دعوة بالانجليزي ,شايفني شغالة ,على باله يوم صرت مسيحية معد افهم عربي ,ماادري ذا الولد مخه وين المهم انا عقب هالضحكة نسيت الكذبة ,ولهيت بمشاغل الحياة  < مشكلة البزي ومنومر كم يوم , وصدفت ان يونس مر جنب غرفتي وانا لابسة جلالي وأصلي,وأنا أسجد مادريت الا بصوت رجول تراكض متجه نحوي ,واجلس من السجود الا ويونس يصيح ويحب راسي  أنا خلااااااص بفطس من الضحك ,يالله كملت التشهد وسلمت ,الا وياخذني بالاحضان يونس صاحب القلب الكبير  الحمداللللللللله أسلمتي ,الحمداللللللللله أسلمتي  ودموعه تتقاطر على كتفي ( ياكثر مايوصخني ذا الولد يابتفال يابدموع ..الله يصبرني ) بس والله رحمته جاني الصياح صدق ,ماأدري هو أن عشت الدور ولا صياحه صيحني ويمر أبوي قدام هالمشهد التراجيدي وينهبل وجععععععع خير انهبلتوا ..وش صاير ويونس من هول سعادته كب العفش والعشا والقش كله بنتك أسللللللللللمت أسلللللللمت  وللأسف انجلدت بعدها بس عادي التعب عادي مايجي شي عند هالخرطة اللي كبر حمار ومشت على يونس الفتى صاحب القلب الكبير هو و كتيبه الدعوي ببروزه عندي و اهدده فيه اذا استبثر علي في المستقبل هههههههههههههههههه والله ضحكتني  وكل رمضان وأنتو صايمين 
_________________  |
|
09-17-2009, 12:26 AM
| ||||
| ||||
| رد: غصب اصير مسيحيه برمضااااااااااااان هههههههههههه<<حلوه ههههههههههههه الف شكر يعطيك العافية
_________________ |
|
09-17-2009, 12:31 AM
| ||||
| ||||
| رد: غصب اصير مسيحيه برمضااااااااااااان هههههههههههه<<حلوه ههههههههههههههههههههههههه تسلمين ع الموضوع الحلو وانا اتشرف اني اول من يرد ع موضوعك |
|
09-17-2009, 12:32 AM
| ||||
| ||||
| رد: غصب اصير مسيحيه برمضااااااااااااان هههههههههههه<<حلوه اوه قصدي ثاني من يرد |
|
09-18-2009, 01:20 AM
| ||||
| ||||
| رد: غصب اصير مسيحيه برمضااااااااااااان هههههههههههه<<حلوه مشكور عبدالله علمرور الرائع مشكوره غنج نجد على مرورك
_________________ |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| احصل على كراك او سريال CrackDown22.zip وعزرا من الاعضاء ومن الاخ اسير...... | frend | الهكرز و الاختراق حماية فيروسات اختراق كراك hacker crack virus | 2 | 04-14-2010 05:36 AM |
| نـــــكــــتــ×نـــكــــتـــــ | عاشقةh | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 2 | 09-10-2009 01:25 AM |
| اسير | الجهـوري | الشعر و الشعراء منتدى للقصيد و القصائد النبطي و الفصيح البوح بالخافي | 0 | 02-20-2009 08:45 PM |
| صرت انا اسير للشوق .........(بقلمى ) | الماسه مره حساسه | الشعر و الشعراء منتدى للقصيد و القصائد النبطي و الفصيح البوح بالخافي | 18 | 11-06-2008 08:58 PM |
| اسير ممكن شويه الله يخليكي ضروري | مشاعرإنسانه | فلاش سويش FLASH SWiSH الابداع بالفلاش و السويتش | 4 | 03-02-2008 11:47 PM |
-
-
العرض العادي
