هذا الموضوع لقيته في وحدة من المنتديات عن مديرتنا المحترمة كاتبتة وحدة من بنات الثانوي الله يسلم يدينها
حبيت أنقلة لكم عشان تعرفوا قديش ظالمتنا وعشان أخذ رأيكم كيف نقدرنتعامل معاها والله أنها مطلعه النخل بروسنا والي يقدريساعدنا لايبخل علينا لانها مجننتنا ذي المديرة



السلام عليكم ورحمة الله وبركاته

إلى من يهمه الأمر

حنا طالبات الصف الأول ثانوي لتحفيظ القران الكريم بجده إحنا نعاني من مدرستنا

أولها الإداره وهي راس المدرسه : ياناس ياعالم المديره والوكيله وكل الإداريات يهينونا وخاصة المديرة عليها ألفاظ مو ألفاظ معلمة أجيال وغير إنها معلمة أجيال هذي مسلمة وهذي مو ألفاظ إنسانه مسلمة تبون تعرفون وش هذي الألفاظ الصراحه مانقدر نقولها لأنها لاتعد ولاتحصى بس من ضمنها وتعتبر هذي الكلمات صارت عادية لأنها يوميا ترددها في الطابور الصباحي "" أنتي قليلة أدب - تعالي عندي وأدبك - ياسخيفة - ياكسلانة << كسلان إسم لحيوان وربي ما نكذب – يا تافه – يا وصخه - أنتي أهلك ماربوك - أنتو شوهتو مدرستنا وهذي الكلمة دايما تقولها وجاء يوم وقالت في الطابور الصباحي يا حبايبي يا حلوين أنتو مبدعين أنتو رفعتو راسي فا اليوم بيجون مشرفين وأبغاكم ترفعون راسي زي كل مره <<< ايش مو إحنا شوهنا سمعت المدرسه ويلا عشان المشرفات جايين قلنا إمكن تتكلم من جد وتحبنا بس إكتشفنا إنها كذابه وإنها قالت هذا الكلام بس عشان المشرفات بعد اليوم إلي جو فيه المشرفات رجعت وتقول أنتو شوهتو المدرسة أنتو نزلتو راسي في الأرض من فعايلكم الوصخه ياوصخين "" مع إن الرئاسه ناقلتها عندنا المدرسة نقل تأديبي طيب أدبي نفسك قبل ما تقولين للبنات تعالو وأنا أعلمكم الادب وربي عيب وحدة تقول زي كذا هذا غير المعلمات يسبونا الي تقول "" كنتي فرعون وصرتي بسه - يلا ممكن تنقلعون - أنكتمي - يارمه - ياوقحه - وإلي تقول إلي يلمسني أوديه ورا الشمس "" طيب ممكن الطالبة غلطت بس هذا مو أسلوب تربوي الوحدة تتعامل مع الطالبة زي كذا وفوق هذا إذا جات طالبة تلفظت بهذي الألفاظ لهم زعلو وقالو أنتي قليلة أدب << الحمد لله مافي وحده قد قالت لمعلمة نفس هذا الكلام للمعلمات لأن الطالبة عقلها أكبر من عقل المعلمة وتعرف إن هذا غلط ... بس المعلمة قالت ونطقت هذا الكلام خلاص تتحمل نتائج ماينقال لها لأن الطالبه جالسة تستقبل كل كلمة تقولها المعلمة ...

وكمان المديرة تكتب صحيفة سلوك هذي صحيفة السلوك ماتنفتح إلا لطابلة خرجت مع شاب وكمان إذا عادتها لا هذولي يكتبون صحيفة عشانها تأخرت على الطابور الصباحي طيب زحمه في الطريق وش تسوي تطير ؟؟ ويلا يكتبون صحيفة عشانها تأخرت عن الطابور بدقيقة وفوق هذا تزود من عندها قانون تكتبه بخط يدها وش ذي المهزله وين إحنا ؟؟

وغير كذا المعلمات يشوهون سمعتنا عند اي معلمة جديدة تجي ويطلعون كلام عن الطالبات المشكلة إنهم معلمات متزوجات عندهم بنات كبار لاحول ولاقوة إلا بالله اللهم لاشماته ..

أما للتعليم الصراحة أجبرونا على دخول الطالبات في أقسام ما يبونها ليش مو إختياري الإقتصاد والفني والتفصيل طيب قالو عشان كل الطالبات يبغون إقتصاد منزلي ومايصلح كل الطالبات يدخلون إقتصاد طيب هذي هوايات ياناس ياعالم كافي تحطييييييييييييييييييييييييييييييييييييييييييييييي يييييييييييييييييييييييييييييييييييييييييييييييم

وسوو قرعه ودخلو البنات ورفضو البنات يدخلون قالو إدخلو ولاتسوون شئ وصدقوني أنتم ضامنين الدرجه الكامله الخمسين في جيبك <<< طيب هذا حرام يامعلمات التحفيظ ...

وكمان مايقدرون ظروف الطالبات واجبات إلى الليل إذا قلنا خففي ياأبله قامت تقول عندك خميس وجمعه طيب إحنا مو قاعدين ندرس بس مادتك فيه مواد ثانيه جالسين ندرسها وغير كذا الوزارة حطت خميس وجمعه إجازة عشان نرتاح ونخرج من البيت مو عشان احبس نفسي وأحل الواجبات ...



والصراحه الشر يعم والخير يخص ونادر نادر نادر تلقين معلمة محترمة بس الي محترمتنا الله يعطيها العافية بس هذا إلي تعلمناه الخير يخص والشر يعم

وزارة التربية والتعليم ايش وزارة التربية والتعليم <<< يعني أول شئ تربية بعدين تعليم ..



ياوزارة التربية والتعلم إنتم ترضون بإلي يسير والله ثم والله ثم والله ماأظن أحد بيرضا إلا إلي قلبة قاسي

إحنا ماقاعدين نكذب وربي مو جالسين نكذب إحنا مو قادرين نتحمل إلي يسير دبرولنا حل الله يسعدكم ...



أمانه لحد يزود كلام ويلا ينقص كلام << وإلي ينقص ويلا يزود الله لا يسامحه لا دنيا ولا آخره

وأمانه أمانه أمانه ترسلونها لكل إلي عندكم على الأقل ترسلونها على 15 شخص لاتوقف هذي الرسالة عندكم نبغاها توصل للي يقدر يساعدنا .

ونأسف على الإطالة بس هذي نقطة في بحر المدرسة السادسة لتحفيظ القرآن ...


هااه وش رايكم في هيك شكيالات

_________________

ارجوا عدم التشهير ووضع الاسماء

قد يكون رايك من موقف تعرضت لة

مشكووووووووووووووور

سلمت ومن تحب من كل سوء

قد يكون فيه معلمات بهذا الوصف ولكن كان من المفترض عدم ذكر الأسماء وكنتم تستطيعون جعل الأهالي يقدمون شكوى لدى الجهات المختصة ولكن لا أعتقد فيه مديرة ومعلمات كما وصفت ولا أكذبك ولكن لدينا طالبات الله المستعان والله يعينا ويعين كل مسلم

يسلموووو..

_________________


تنشد عن الحـــال حالـــي كيف ماشفته
وانا احسب انك قبل ذا الوقت تدري به
فـي خاطـــري لك كـــلام مــير ماقلته
اجنبــــك مايحسك لــو حياتي به
هـــمٍ جديد علـــى الاول تحملته
عنك اتحــمل كبير الهــــم وامــشي به
رحــت اتمثل بطبـــع لــك تعلمته
لى صــار لــك غــالــي لياك تشقي به

تسلمين حبيبتي ع موضوعك

والله يعينكم ع ناااس مثل كذا


تحياتي لكـ,

جوجو

_________________