بسم الله الرحمن الرحيم
هذي القصيدة من بنات افكاري ...اعبر فيها عن شعوري المئساوي ...لاني بعطلت نص السنه رحت السعوديه عند عيال خالي وعيال عمي .وهناك شاء الله تنكسر رجلي لله على كل حال..ونكسرت رجلي>خلع<<وما ينفع الا العمليه والحمد لله سويت العمليه ..وراحت علي السنه الدراسيه لاني ماقدرت اداوم وقعد ثلاث اشهر تقريبا بالسعوديه للاكمال العلاج وكنت مشتاق حق الاهل..والربع..ولجماعه بشكل خاص ..والكويت بشكل عام والمهم كتبت قصيده وانا في اتعس ايام حياتي والله لا يوريكم الي شفته...طبعا لو اكتب دواويين ولا ملحمة كامله ماتكفي حق شعوري بهذاك الوقت...وانشاء الله قدرت اكتب شعوري الكافي ....

والقصيده اقول فيها:

العافيه لو يكون جلب العافيه مقدور
جان جلبتلي العافيه وروحت لحبابي
لاكن..كثف علاجي ارجوك يادكتور
في قلبي طفل يصرخ مشتاق للعابي
ومشتاق لدور البيت واصحاب كل الدور
وياني بعد مشتاق لاهلي واصحابي
وصحيح مرضي مضيق بعض الصدور
لاكن ماتفيد الضيقه يا احبابي
لان رجلي مو مكسورة خاطري مكسور
من الي بالامس حبيب واليوم ارهابي
فجر عيوني بالدموع دامك مسرور
وانسف قلبي دام انزعاجك باسبابي
واذا ما ارتحت اهدم بيتنا المعمور
الي تلاقينه فيه ونلت اعجابي
سلام..وصار الحين وقتي معك مهدور
لن هدرته بحبك وبكثرت اعتابي
واذا جربت الانتقام علي..مشكور
علمتني شلون ما اصكر اهدابي
احترس من عدو..اخو..باين..مستور
يعني بختصار الكل بذااااااات اصحابي


وسلامتكم
ولا تبخلوون بردودكم وما ابي احد يجااااامل
ابي الصراحة
والصراحة ماتزعل

ابيكم تقيمونها واي شي خطأ او اي شي اي شي اي شي
قولولي والانسان مو معصوم عن الخطأ
ومو عيب اذا الواحد تعلم...

تحياتي اخوكم:علي البقشي

ألف شكــر لكـ أخوووي علي ..

وطهور إن شاء الله ..

وما تشوف شر وأنا اختكـ ..

[ينقل إلى قسم شاعر المنتدى ]

مبدع .. بكل حق ..

تشكراتي لك القلبيه ..


طابت أوقاتك

تقبل مروري , وتحياتي لكــ,

جوجو

_________________

الف سلامه عليك وما تشوف شر يا رب اخي علي
بس والله وبدون مجامله حلوة كتير
وانشالله ربي لا يحرمك لا من اهلك ولا من اصحابك واحبابك
تحياتي