(

طبعا قلبي وجعني اسبوعين ما اسوي مقالب ( صار لي خفقان وامراض اخرى معديه )
تحذير : تنتقل عبر المنتديات خخخخخخخ
المهم بابا جا يوم الخميس قلي طلعت شريحه جديده
قلت له اند سو ؟.......
قلي والله بصراحة مطلقه انا راسم على رقمك من زمان
قلتله اعذرني ما اقدرش
المهم جلسنا ساعه نتفاوض وانا خشمي في السما رقمي ما اغيرو
يا بابا اش دا فين حقوق الحيوان قصدي الانسان زيي ايه ده
انا ابغى رقمي
المهم اقتنع بس كان زعلان
في الليل طلع في راسي مطب حاد جدا كنت في جدة و انا في السيارة جلست افتش في ادراج بابا
لقيت الشريحه الجديدة في ظرف وكان شكلها مغري ( ليه اسكريم )
المهم مغري وكان الظرف مفتوح والشريحة محطوطة تحت لحالها
المهم ماما واختي راحو السوبر ماركت وانا جالسه في السيارة لحالي
اخدت لشريحه وحطيتها في جوالي المهم اشتغلت
جلست ربع ساعه افكر في مين اسوي المقلب ؟؟؟؟؟؟؟؟؟؟
يويويويويويو
خالي الحبيب وهل احب سواه خخخخخخخخ
والله زمان عنو دا الانسان المهم اتصلت عليه ( صوتي كان تقيل شوية دوبي صاحيه )
طبعا انا عفاريتي ما تهدى صاحيه والا نايمه
اتصلت عليه وخشنت صوتي شوية وكلمتو بدوي
رد قال مرحبا
قلت الاخ (.......) قال من معايا
قلت يوه زمن اول تحول قلت اسال عليك خذيت رقمنا ونسيتنا
قال من معايا
قلت معيضه ( الله الاسم يدووووووووخ)
قال مممممم واش تبغي
قالت ام عبدالله جنبك ( هوا متجوز بس صغير عمرو 22 يا عيني وعندو ولد )
قال ايوة
قالت خلاص اكلمك بعدين
قال لا بعدين ولا قبلين
قلت انتا تحبها
طوط طوط طوط
قفل في وشي المهم ركبت شريحتي وشريحه بابا اخدتها
الا ماما اتصلت وهزائتني تهزيئه يحبها قلبكم
ليه قافله جوالك ها؟
حسبت احد خطفك ولا خطف جوالك والا خطفكم انتو الاتنين وباقي سلسله الخطف المهم عشرة دقايق تهزء
وانا صابرة ومحتسبه
اقفل منها الابابا اعطاني تهزيئه بس اخف من اللي قبلها وشكرت الله انو اعصابي ما فلتت
المهم
رجعنا مكة
يوم الجمعه بعد الصلاة دايركت افتكرت خالي قلت والله ما اسيبك
(طبعا انتو مستغربين كيف ما عرف صوتي؟ اقلكم ليه لانو تمنيه شهور ماندري عن بعض )
المهم اتصلت عليه شكلو كان في السيارة لحالو
قلت كيف يا ابو عبدالله؟
قال الحمدلله بعدين مين انتي
قلت انا اتعرفت عليك في ابها (خالي كل كم شهر لازم يطب على ابها)
قلي والله مدري انو انا حق بنات (ترى خالي مرة محترم بس غريبه اداني وجه)
قلت والله احرجتني يا ابو عبد الله بس انا مرة كبيرة
قال وي طب انا ليه اتعرفت عليكي ؟
قلت ( اسمعو المحشه المحترمة ) مو انا كنت جالسه عند باب الفندق اللي انت ساكن فيه وانتا اديتني خمسه ريال
وبعدين حزنت عليا واعطيتني رقمك
قال طيب اش اسم الفندق (خخخخ وانا ما ادري عن ابها ولاعمري طبيتها )
قلت له انا ياوليدي مرة كبيرة وما اعرف اقرا
قال انتي اش تبغي دحين
قلت حبيت اسلم عليك واخذ اخبارك
قال سالت عليك العافيه
سكت شوية بعدين قال كم عمرك يا معيضه ؟
قلت اربعين (خخخخخ ماما مو عمرها اربعين )
قال العمر كلو
قلت ليه تسال عن عمري ناوي تخطبني ؟؟؟؟؟؟؟ ( قويه شوية )
قال لا والله ام عبد الله حلوة وصغيرة
قلت وي يعني تحـــــــــــــــبها
الادمي انفجع لانو الصوت تغير ميه وتمنية وتمانين درجة
قلي انتي مين ؟ ها؟
قلت انا موووسي
قال مووسي مين؟؟؟
قلت بنت اختك الكبيرة
قال الله يرجك
قلت يرجني والا يخضني خخخخخخخخخ
قال اش دا يا بت والا من جد ما عرفتك
كبرتي واحلويتي
قلت خخ هو انتا شوفتني لاسمح الله
المهم جلس ساعه يعدد فضائلي عشان ما اروح اقول لام عبدالله مو عشان سواد عيوني ( ولو انو عيوني بنيه )
خخخخخخخخ
المهم انا قلت ليه يا خالي ما تبغاني اقول لام عبد الله والله شي تفرح انك تحبها
قلي والله انك بريئه راح تاكل وجهي وتقلي انتا اصلا ليه اديتها وجه
وكلام كتير لما تكبري تعرفيه
سكت شوية وتنهد قلي والله انا نفسي اقولها كل اللي في قلبي بس هيا ما تديني فرصه كل ما اقلها شي تقلي ليه سويت كدا
......... مشي حالك ............ سكت شويه وبعدها بدا يوعظ
قلي يا موووسي اش الاسم دا والله اسمك احلى من القرف دا
قلت خالي لو سمحت لا تتريق على الاقل احسن من اسم الدلع حقك ( اسمو حق الدلع 911 رقم الشرطه اللي في امريكا )
والبــــــــــــــــــــــــــــــــــــاقي كلام ما يخصكم خخخخخخخخ ( ادري اني فشلتكم )
المهم اش رايكم في المقلب خصوصا انو بعد صبر اسبوعين ؟
وترى بابا دري اني اخدت الشريحه وشرشحني
خخخخخ
موووسي
رئيسه محششين الشرق الاوسط ..........

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه