ماشاء الله تبارك الله ماشاء الله لاقوة الا بالله اللهم انا نسالك الهدى والتقى والعفاف والغنى

روابط مهمة و مفيدة : لاستعادة الباسورد الرقم السري || كيف يتم تفعيل الاشتراك || أفضل طريقة لطلب كود تفعيل على البريد

A7tajk Abeeeeeeek · #1 09-24-2009

( مـــــــــــــدخل )

هذه القصه من الأخبار التي سارت بها الركبان وتنقالتها بين الأودية والشعبان

وشبوا حولها النيران : ورقصوا طربا لها الورعان

خبر من اخبار أحد من سبقونا ممن ذاع صيتهم في اصقاع الأرض

وصلعات الجبال : انهو :شتزة الحوووريه (شقة الحريه ) رضي الله عنه

مما يذكر عن هذا العضو انهو كان حكيما مغوااارا
ومن حكمه
دافورن باليد خير من عصفور على الشجره
....................
ويسرني وويشرفني دعوتكم لقراءة المذكره

بارك الله لهما وعليهما وجمع بينهما بخير

* يمنع دخول الورعان والمغاتير <<< ماهوب تجيني وحده تقول ليش ماعزمتنا أقول مغاتير

مافي : تعالي وانتي سفور :: نو كووفيرد نوو أبايه <<< منحرف

الثلاثاء : الساعه 6 : 54 صباحا

كوووك كوو كووكوو <<< منبه جوالي ينبح ثلاث مرات ثم بعدين يطلع رجل من الجوال ترفسك مع لسانك

المهم بعد ماخذت شور وحركااات وبركات وسوينا حاقات بتاعات ربنا

الا ولمبة بنزين بطني تأشر <<< هذا البطن فارغ الرجاء التوجه لأقرب ستين داهيه يبيع هباب تتسمم بيه

قلت بس يانفسي والله ان عاش راسي انتس لتفطرين ذاك الفطور اللي مافطره اقدع واحــد بالسعوديه هيا بنا لننطلق

ولــــــــييييييه اثاري بوووكي مافيه ولاريال ياليل البعارين اللي لابسه شرابات خضر

وأنا اللي أطمر على حصاني دربق دربق دربق وأصفط عند اقرب صراف

وأناظر الصراف بطرف عين <<< أيتها الصرافتو اللعينه أغدقي علي باموالي تالله ان مالتس منتن علي

أحس انها بينها وبين نفسها قالت هين يالعبد والله أن اوريك شلون تهايط

فضلا أدخل البطاقه <<< من زود الشفاحه بغيت أدخل اصابعي مع البطاقه

فضلا أدخل الرقم السري ****<<< يلعن أم التناحه ...عشان ماحد يسرقني

فضلا أدخل الملبلغ المطلوب 400 <<< قايلكم ابفطر الفطور الذي كويس + بيشتري له كتاب

من الجامعه + واحد بي أم سوبر ماك تشيكن روز رايز هوت شوكليت من د . كيف

فضلا أنتظر
فضلا انتظر

فضلا ضف وجهك بطاقه مافي بطاقه الرجاء المحاوله نوبتن أخرى <<< يابنت اللذين عطيني

قرووشي << قصيمي وعندك أحلى تحيه لأخواننا الغصمان وصلحووووه :: ماهوب بكره اذا جيت بريده يطلع لي ابو رايش

ويقول وش جاييبك بذا اولاوه وش عندوووه جاين يفرفر بالخبيب يامال اللي مانيب قايل ياعيال تبووننا نفرشوووووه <<< فله ياحووووسام

المهم وانا اللي أنزل معصب واقعد أدغدغ الصرافه ابغاها تضحك وتفتح خشتها ثم تطيح بطاقتي

<<< بس والله انها مرتن عاااقله ماعندها هالخرابيط

المهم مالكم بالطويله التهمت الصرفتوا اللينه بطاغتي فقلت مافيها الا اني اروح الجامعه واحضر محاضراتي ويحلها ربك

ومن زين الحظ وأنا أدخل يدي ي في درج السياره الا والقالك ذاك الخمسه ريال قسمن بالله لو يعضها كلب كان انغلث

مخيسه شكلها حقت أبو الشباب الشايب صندليقي يوم ركب معي طاحت منه :الملك فهد داق اللطمه

شكل هالمخرث الشايب حاط له مخباه باباطه <<< قسم بالله انك تنجلط عشر مرات ويصيبك استاكوزا بأذنك من فلوسه

المهم قلت ياولد خمسه ماهيب شينه فطيرة فسحتي وعصير تروبيكانا وبالباقي علك

............................................. ( انتهت المقدمه).............. <<مابغت

المهم : المحاضره راح منها عشر دقايق <<< داخل مامعي لادفتر لا قلم مادري وش هي المحاضره

المهم والقى ذاك الدكتور المطوع يشرح ويتكلم عن الدنمارك وعن الرسوم هذا آخر شئ سمعته

وانا اللي اتكي في آخر القاعه بالزاويه كني بس آكل وجبة ماك فريدان

عاد نظام الشعبه اللي أدرس معها كل قبيله لحال انواع التشويت لو تدخل بينهم

بالصف الأول طبعا الدوافير :: اول ماتدخل بوجهك على طول تلقى واحدن وش ملحه عويناته

صغاااااار انا أول ماشفته قلت هي يامهبول عمتك بالسياره برا تنتظرك << أحسبه سواق

عاد بعدين دريت انه طالب معنا ورحت وتأسفت له وجبت له كرتون أندومــــي << يبغى يكحلها أعماها بس والله وش اسوي فلبيني خالص

وجنبه ذاك الصـــل اللي برطمه ياشيخ تحد عليه السكين برطمه وردي وطايح على بطنه من كبره ومتشقق <<< اقرفتكم صح عادي عادي الجايات أحلى

عاد جنبهم أثنين دوافير ومغثات ونشبه وامراض الهربس والزهري وديتول وكل شئ موجود فيهم

اعرفهم من اساميهم والا ماحاول أحتك بأحد تلقاني متكي بأخر القاعه وعويناتي تبلص كانها عيون بس بالليل

المهم سأل الدكتور الخبل :: مادري وش سؤاله :: الا وينقز ابو سعيد <<< واحد من المغثات الثنين والثاني اسمه أبو خلوفه كذا يسمون انفسهم

يوم جاء بيجاوب ابو سعيد ويقمز ابو خلوفه من الشفاحه يبي يجاوب

قال : يابو سعيد هبها لي فديت خووشمك ان تقول تم

قال أبو سعيد :: حنا عواااال الشايب تم يابو خلوفه تم وهم يقعدون يبووسون بعض بالهواء

<<ياليل الهياط حتى هنا والدكتور يناظرهم

تقريبا طقة ابو خلوفه وابو سعيد دائما يجلسون قدام (أشكالهم تلقاهم لابسين ثوب ابيض نيلي

يعني شوي الا ويجيك عمى الوان من قوة زراقه غتره شتويه صفراء حتى بالصيف مادري وش هالمزاج )

تلقاه حاط بيده ثلاث طعش خاتم ولابس نعال سفنج

الصف اللي وراهم هذولا الحساويه واهل القطيف (( أووونئ ريحت حق العوووويووون واخذت من مزرعة بويا كاااارتون تاااااااااااامر خلاسسسس ( انا رحت العيون وأخذت من مزرعة ابوي )

الثاني يسأله ( حق وا = يعني ليش وش عشانه )
وجنك ماتاااادري عشان اوزعه على الطلاب بالسكن وقت الحسينيه ( وكنك ماتدري )

المهم اللي بعدهم ست صفوف كلها تحزبات قبليه

أبحث بالبلوتوث قسم بالله أن تضحك

عتيبه هيبه
برقا والسماء زرقاء <<< طيب واذا صار فيه غبار وش يصيرون

مطير مشبعين الطير

حمران النواظـر

سهول يامهبول

قحطان من يعاندنا غلطان

حربي والوفاء دربي

اذا مريت من عند صفوفهم تسمع طقطقة فناجيل واقلط ياولد وتسمع صوت فرس وسيوف

واللي مشغل محاوره خخخ <<< أسخف رياضه في التاريخ

هذا كله وأنا منحشر بزويتي بعيدا عن ابناء قبيلتي وعن التخلف اللي اشوفهم يسوونه

الدكتور يشرح ماشوفه قدامي ذاك الدوووب اللي ياشيخ لو تصدم فيه شفطك سره

لا ومن زين الخشه مادري هو توه شاري شماغه والا ان يسمع بشئ اسمه نشاء

شماغه قسما بالله كانه خيمه فوق رأسه ومتكي فيها أثنين من شيوخ القمل \

انتم مادري شعندكم بالنشاء اذكر آخر مره استعملته الظاهر قبل سنيتن

حتى كنت منزنق <<< حطيته على شماغي وقمت ابخبخ منه والله ان ريحته زينه اذا خلص عطرك انصحك فيه

المهم أنا أبغى اشوف الدكتور وش يكتب :: ابغى اسمعه ماقدر الدب هذا (صوت نفسه )ياشيخ كأنه ماطور كهرب

ويساري اثنين قسما بالله واحد منهم لابس زبيريه بس وش أحس ان فيها الحياه الفطريه كامله
رمل : عشب : حاقات بتاعت حيوانات

عاد في رواية اخرى يقولون لو صبرت شوي صار فيها بحر

قلت ياشيخ بلا دكتور بلاهم خلني اقلبها بلوتوس ياهلوه

( نكي بالبلوتوث ::ميــشو حلم يراود كل فتاة ::

الا وأستلم ذيك الرساله من واحد اسمه شبل الهيلا

الا وهي ملاحظه ( أنت تراني اعرفك يالرخمه تدري انك مغرور وشايفن نفيستك على وشو ياحلالاه لو اني اتولاك )

وانا أرسله ( طيب وبعدين :: وش اسوي لك )

شبل الهيلا يرسل ( كـــل ......)

ميشو يرسل ( والله ودي بس ماني مشتهيك خخخخخخخخخخخخ )

وهو يخمد لابو بيئه طلعت منها ياجربوع

الا وه م يدهرون هذي نكاتهم بالبلوتوث ( شبل الهيلا : أسد وماحولي أحد : الدرعيه : قف أمامك شمري : قلب من بنقلان << وش عنده الروايه

مادريت الا والدكتور ينادني ( هي انت يابو جوال :: وانا معطيه ركبه مانيب لمه ... يابو

cuotecuotecuoteوكه انت ياللي بالأخير

أنا : أوووه آسف دكتور مانتبهت كنت أكتب المحاضره بملاحظات الجوال لأن مامعي دفتر

طيب يابو ملاحظات تعال لمي ( عاد والجدار يناظر فيني : يقول خلك بجنبي لاتخليني خلك بجنبي يانظر عيني )

وانا اللي اسحب رجولي واخوننا بالله يقولون ( خله حشره الدكتور هالخكري )

قال : ممكن تعيد صياغة المحاضرة بطريقتك <<< ووووليـــــــــه ياخي مشكله أحس أنه يسبني يوم قال صياغه مادري وش معناها

<<< وانا اللي استبثر عليه مسوي غبي : ياطكتور حنا عيال قبايل وعيب عنطنا الصياغه هذي مايشتغلها الا واحدن ماهوب أخو شما )

الدكتور قام يضحك :: قال أقول أخو شما والا أخو مزنه أخلص

:: أنا أذكر أنه يهرج عن الدنمارك

قلت : بسم الله والصلاة والسلام على رسول الله

ياشباب : سنتوووب اوووب زين : وانا التفت على الدكتور واضحك يعني خلاص هذا اللي

عندي

قال: بس قلت ايه أهم شئ بالحياه عندي سنتوب

قال :: وش اسمك

والله اني بغيت اقوله شقت الحريه بس خفت انه وربعه الهيئه يداهمونا ثم يظبطوني بالجرم

المشهود

قال خلاص تراجعني بمكتبي بكلية الأداب أنت يبغالك فرمتت مخ

الا ووواحد قدام أسوووووود ياشيخ احس أن خشمه كانه فيش كهرب 220 لو تحط اصابعك

بخشمه قسما بالله ان تروح غلطه

قامت تدهك الهيلوووووه

قلت ياحلالاه أن معي طار يافيروز عتيقه قسما بالله لأطلع سابع جني في خشمك يالتكروني

هذا ملخص الحدث <<< بالله كل هالبثاره وتقول ملخص

ملطووووش لعيونكم وارجو منكم الرررد

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه

بدون اسم وبص · #2 09-25-2009

يسلموااااااااااااااااااااااااا

fafee · #3 09-25-2009

هههههههههههههههههههههههههههه
ههههههههههههههههههههههههههههههه
صراحة المذكرة حقت يوم واحد تفطص ضحك.....
هذا ومافي احداث وأكشن خخخخخخخخخخ
هههههههههههههههههه
مشكووووووووره عاللطش تسلمييييييين

A7tajk Abeeeeeeek · #4 09-25-2009

الله يسلمكم ياكل الذوق مشكورين نورتوا الموضوع

هااوي جرووح · #5 06-14-2010

ههههههههههههه حلوه القصه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر رد
(اهبطوا مِصرا) .... مذكرات طالب سعودي بالقاهرة؟!!	صالح منيف القحطاني	القصص و الروايات و الحكايات قصص قصيرة و تعلم القصة story novelette	5	08-28-2010 04:49 PM
هذه القصة حقيقية من مذكرات ديفيد وويلز ، طالب جامعي أمريكي	بلسم وطن	منتديات عالم الجريمة حوادث كوارث جرائم	7	04-27-2009 06:08 PM
مذكرات طالب حاول يذاكر	الساحر اليبي	ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه	2	01-12-2009 05:00 AM
[[[[[[[[علي بن أبي طالب ليس شجاعا !! من يعارضني أتحداه؟؟]]]]]]]]	saeedemk	منتديات عالم الجريمة حوادث كوارث جرائم	44	12-25-2008 04:49 PM
كيف تطلب العلم؟ للشيخ عائض القرني	عبد الله 77	المنتدى الاسلامى	0	12-04-2007 10:51 AM