لا تشتكي من جور الايام للناس
وادفن همومك في ثرى الصمت كله

اسرار عمرك خلها تحت الانفاس
لا صار هرّاج القفا فاطنن له

هذاك يفرح لا لمس جرح الاحساس
و هذا مناه لا لقى فيك عله

داعب هموم الليل لا هب نسناس
وعطها الخبر من قلب خل(ن) لخلّه

قلّه حبيبك ما وطى قلبه الياس
حتى عذابك بالهوا جايز(ن) له

تعيش بالوجدان ما عاش هالراس
لولاك قلي وش انا عايش(ن) له

إن زانت الايام يا شوق لاباس
ولاّ صبرنا لين ربك يحلّه


عمر الصمت ماكان وسيله للتعبير عن الهموم ابدا بس احيانا يكون هو الطريقه الوحيده وخصوصا اذا كان الشخص عنده عزة نفس بزياده او ماعنده حبيب او صديق يشكي له همومه ... بس مهما كان يبقى الحبيب هو مرتع الهموم .... لحبيبه !!