|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
10-07-2009, 10:59 PM
| |||
| |||
| خااااااينه قويه.............. هذي قصيده لشاعر حاقد على وحده خانته اعتقد ان الشاعر هو احمد الوحشي والقصيــــــــــده طويلـــــــــــــــــــــه حيـــــــــــل وفيها دعاوي قويه بس من جد رهيبه لا ردك الله لا ولا اطلب ترديــن ......ادعي عليك بعثرة فـي صلاتـــــــي عثره تشلك ما بعدها تقوميـن ......يا قاتلتني يوم صرتي حياتــــــــي خدان لك بالقلب كانت بساتين ......وريضان وغصونا بها يانعاتـــــــي كنتي مناة القلب والروح والعين ....واليوم عينك علها ما تباتـــــــــي كنت أحسبك للعهد والحب توفين .. قلتي الغدر بالحب ماهي بسواتــي وحلفتي يمين الله ما منك اثنتين.......وانك ملاك دون كل البناتـــــــي وانك على عهد المودة تسيرين ....ولا تسمعين أهل الحسد والوشاتـي وصار اليمين ستار خلفه توارين .......ورماح غدرك بالخفا مشرعاتـــي وبان الغدر سم جرى بالشرايين ......الله عسى يسقيك سم الفعاتــــي كلي سقيتك حب واليوم تنسيـن........تقولين حلم ايام واليوم فاتــــــي خذتي الهوى لعبه على ما تحبين ......لين عصفت بالهوى عاصفاتـــي من زينك يا بنت بالشعر تزيين ............ من صورك بابياته الطايلاتـــي انا من غرامي قلت كانك تذكرين ...... قلت الخجل صاب البدر من مناتـي وصرتي بشعري في العذارى تباهين.. تقولين انا شمس العصر في حلاتي زينتك بشعري ولا قربك الزين .......... ما زانتك صبغات حمر الشفاتــــي صورتك بالشعر حزام ورياحين .......واثرك هضاب وشوك ما به هداتـي رسمتك سحابه خير قطر تنفين .........فزت لك الصحراء زهور ونباتـــي رسمتك مهاه للجميله تقودين .............واثرك قطيعه وضيعتها الرعاتـي واثرك غراب يوم سدل الجناحين ......كنت احسب اني شايف لي قطاتي بالشعر غليتك على كل غاليين ...........واثرك دنيه وتعشقين الدناتـــي وبالشعر عاتبتك عتاب المحبين .........انا من يسوم الروح لك يا غناتـي توسلت لك خايف على حب عامين .......عامين لكن في حسابي مئاتــي ناديت لكن لي ابد ما تسمعين ...........عمري وروحي فكري في ثباتي حذراك للشينات عمري تماشين ............عديمات اصل اخلاقهن دانياتي غاب الولي عنهن ولعبن بحبلين ................يا خس واليهن وخس الولاتي ما همهن في الناس زين ولا شين ...........وقلوبهن من حقدهن مظلماتي وقلتي وربك لو يكونا ملايين ..............ما غيرن باطباعهن من سماتي تحسبين انك بالمهافه ترقين .................كيف الصعود يكون للهاوياتي وخنتي وبعتي كل عهد وايامين ............ما عاد يفرق بين ماضي واتي وصرتي مثل غيرك برخص تبيعين .........يا مرخصتني ما بقى لك غلاتي صبري نفذ واليوم ثارت براكين .............مظلوم انا وباكر تحل ادعواتي سمعي عسى من بعدها ما تسمعين ...سمعي دعا من صار قلبه حصاتي ادعي عسى من ناضرك ما تشوفين ......وتطحن بك الايام طحن الرحاتي وعساك عوق منه ما عاد تبرين ..............عوق تشافق له قلوب العداتي ويالله عسى يحتار فيك المداوين ...........تبين الممات ولا يجيك المماتي ويالله عسى كف الندامه تعضين ..............تندمين يوم انه يفوت الفواتي وتبكين دم يسيل من مقلة العين .............وتحتار امك عن عناك وتحاتي عسى ما تلاقي من له القلب تهدين .....وان حصل ادعي عساك الشتاتي يا بلوة اللي وسط بيته تعيشين ..........ساهي وحوله شب جمر الغضاتي عسى بعمرك ساعه ما تهنين ..............وتمضي حياتك بين هم وشقاتي يا بنت قلبي وين مثله تلاقين .................قلبا عطاك الحب ما قال هاتي جيتك وروحي شلتها لك بكفين ............وفي التاليه رمح الخيانه جزاتي يالله عساك النار يا أم وجهين ................كله انكشف لا ما تفيد العباتي ويالله عسى تلبسك جن وشياطين .....وتكونين مدعاة الحكي والشماتي يا حية رقطا تقود الثعابيــــــن .........باكر تحين ايامك المعتمـــاتي وباكر على فعلك بمثله تجازين ..............ظلم المشاعر ما تحكمه قضاتي بيني وبينك تحكم ايام وسنين ............وانا شاهدي قلبا من الغدر ماتي ويا دمعة التمساح لالا تذرفين .................العيون رغم ادموعها كاذباتي لا ما عرفتي الحب لا ما تحسين .............وغدرك تعدى غدر ذيب الفلاتي الذيب يعوي قبل يغدر بمسكين ........وانتي غدرتي خافقي في سباتي لو كان غدرك في كفوف الموازين ...... كان رجح كل غــــــــــدر البناتي انتي السبب سقتي على القلب جرحين ...... غدر الغرام ومواجع الذكرياتي وانتي السبب واليوم لالا تلومين ....... وان جاك باكر شوفي اشلون يأتي والله لاكتب وافضحك في دواوين .........وارقص واغني يوم خبر الوفاتي وارسم لاهالي العشق قلبا وسهمين ............وقصة خيانه ما روتها الرواتي ويمين لانشر فوق اسمك عناوين ........واشهرك من قاصي اليمن للفراتي ومن غرب هالدنيا الى قاصي الصين .....ديوان غـدر فيه كل اللغـــــــاتي والبادي اظلم سنة العين بالعين .............والا فذي لا عادتي ولا صفاتي ويا شبه انسانه برأس ورجلين .............اعوذ بالرحمن منك بصـــــــلاتي والسموحه اذا القصيده قويه شوي منقول اذا ودكم تردون ردو واذا لا براحنكم
_________________ يارب احسن ختماتنا واغفر لنا وادخلنا جنة عرضة السموات والارض
اقم صلاتك قبل مماتك  |
|
10-08-2009, 01:54 AM
| ||||
| ||||
| رد: خااااااينه قويه.............. يؤ يؤ يؤ يؤ قويه بالحيل لكن والله تستاهل وبعد اكثر ليه تخون مشكوره اختي
_________________  |
|
10-08-2009, 02:22 AM
| ||||
| ||||
| رد: خااااااينه قويه.............. راق لي كلماتك انتظر جديدك عزيزتي بكل تشوق دمتي بخير تقبلي مروري وتحياتي لكـ جوجو
_________________  |
|
10-08-2009, 02:54 AM
| |||
| |||
| رد: خااااااينه قويه.............. مشكورين علي مروكم العسل
_________________ يارب احسن ختماتنا واغفر لنا وادخلنا جنة عرضة السموات والارض
اقم صلاتك قبل مماتك |
|
10-08-2009, 05:07 AM
| ||||
| ||||
| رد: خااااااينه قويه.............. كل شي يمر بحياتنا نقدر نمشيه’’ الا الخيانه’’ مشكووره يالغلا’’ تحياتي وودي إلك,, وللأمام دوماً’’ |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| .نصائح مهمة ونا اشوف جريمه قويه انصحوا غيركم . | (قلب حنون) | منتدى الجريمه حوادث كوارث جرائم احداث عالميه وقضايا ساخنه الاتجاه المعاكس | 10 | 10-09-2009 03:32 AM |
-
-
العرض العادي
