قصيدة أم السجين

وهذه هي القصيدة اللي كتبتها أم السجين


غيري ينام ومهتني في منامـه
وانا لذيذ النوم مـازار عينـي


سهرانةٍ والليل مُوحش ظلامـه
يجمع لي احزاني ويدعي ونيني


ولّيت ياليل الأسـى والندامـه
همّك توَطانـي وبيّـح كنينـي


أبغا السلامه بس وين السلامـه
عيني تشوف وقاصراتٍ يدينـي


غيّب ضناي وغابت الإبتسامـه
حُكم المقدّر حال بينـه وبينـي


سجين ماأشوفه ولا أسمع كلامه
ماغير طيفه كل لحظه يجينـي


والسجن في الغربه يهز الكرامه
ياحرّ كبدي بعد فرقـا ضنينـي


وين انت ياللي تستحق الزعامه
يافزعة المضهود نعم العوينـي


ياخادم البيتيـن فخـر الإمامـه
حبل الرجا ممدود بينك وبينـي


أجبر كسر قلبي وحقق مرامـه
أفزع فديتك تكسب الأجر فيني


تكفا ياابو متعب مقرّ الشهامـه
الحيل واهن والزمـن مبتلينـي


قلبي ورا قضبان سجن المنامه
ردّه عليّ تزين باقـي سنينـي