 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
10-08-2009
| |||
| |||
 لاتبرر لي خطاك مابي اسمع عذر << لاتفوتكم هع بسم الله الرحمن الرحيم السلاااااام عليكم ورحمة الله وبركاااته اول شيء ابي اقولكم انو اسم الرواايه ( ...لاتبرر لي خطاك مابي اسمع عذر ..) وهي للكاتبه :.. Kale dla3 وبجد ومن كل قلبي اني اشكرها ع هالرواييه لانو الروايه بجد احلى روايه قريتها<<وجهة نضر  ولعيوونكم قلت لها انو بنقل الروايه هوني المهم عندنا شخصيات كثيره اهمهااا لوجين ... فارس .. العائله الاولى .. ( عائلة ابو مشاري ) ابو مشاري .. محمد ... عنده شركات والله من انعم عليهم وماعليهم هع ام مشاري .. دلال .. وتصير بنت عم ابو مشاري هذي انسانه متألقه وتحب عيالها وتقدرهم وما عليهاا مشاري .. هذا الشاب اللي يعتمد عليه في كل شيء يحل مشاكل ربعه ويرتاحون له الناس لانه خلوق وطيب ومع هذا خفيف دم توه متخرج من سنه وهو مهندس واحيانا يشتغل مع ابوه وملامحه مااقدر اقول غيره انه جميييييييييييييييييييييييل جدا سليمان .. يدرس بالجامعه وتخصصه عسكريه وهو في سنه ثالث باقي سنه ويتخرج انسان خلوق يعتمد عليه وياخذ صفات حلوه من مشاري بس مو مثل مشاري يعني هو موسع صدره في كل شيء وخفيف دم لوجين .. في سنه ثاني جامعه قسم طب اختصاص غذاء وتغذيه اهم شيء عندها دراستها جميله ومافيها شيء شين وكل ملامحها تميزها عن غيرها من شدة جمالها وطيبه وخفيفة دم وعقلها يوزن جبل تثمن كل كلمه بتقولها لاحد واحيانا طيبتها تعميهاا ريماا .. هذي اخر العنقود في سنه ثالث ثانوي جميله وماعليها قاصر وتاخذ من ملامح لوجين بس لوجين احلى منهااا داخله علمي ................................................. العائله الثانيه .. (عائلة ابو فارس ) ابو فارس .. عبدالعزيز ... يصير اخو ابو مشاري انسان يحب العمل والجد عنده شركات يشتغل فيها ومشغل فارس معه ودلعه لانه الولد الوحيد ام فارس .. الجوهره .. انسانه جديه وتمشي على كلام ابو فارس مدلعه فاارس دلع لانه وحيدهاا بس ماتدري نهايتها ايش فارس .. متخرج من الجامعه من سنه وهو مره مع مشاري مره طيب والناس تحبه بس الولد مغازلجي تسليه لااقل ولا اكثر بس مايدري وش نهاية التسليه مايحب يشوف احد زعلان منه حتى لو مايحب الششخص ويكرهه مايحبه يشوفه زعلان منه اجتماعي ويحب الاستهبال ومره جميل نوف.. في سنه ثالث جامعه اختصاصها ادارة اعمل تمووت في بنت عمها لوجيين وكل اسراراها معهااا ومالهم غير بعض ومره طيبه جمالها متوسط وتوها متزوجه هيفاء .. هذي تصير في ثالث ثانوي بس قسم ادبي مره مع ريما بنت عمهاا ويحبون بعض مره جمالها متوسط ساره .. اختهم الصغيره في سنه ثاني متوسط وجمالها متوسط عفاف .. اختهم الصغيره عمرها 4 سنين وهي اخر العنقود .................................................. ..................... العائله الثالثه ....... ( عائلة ابو نواف ) ابو نواف .. عبد الرحمن .. عنده شركه وحده وهو انسان ماعليه ام نواف .. عايشه ... انسانه تحب المرح والضحك وماتحب تجلس فاضيه بدون شغل نواف .. متخرج ومره مع مشاري وفارس وهو مغاازلجي درجه اولى طبعا للتسليه بس يشتغل في شركة ابوه سعود :: في ثالث جامعه باقي سنه ويتخرج من الجامعه وهو مره مع صديق عمره ووولد عمه سليمان نوره .. اختهم العاقله الكبيره الفاهمه وهي في سنه رابع جامعه وتجلس مع لوجين ونوف بس مو كل شيء يقولونه لهاا جمالها عادي جدا طبعا متزوجه وعندها ولد اسمه احمد منيره .. في سنه اول جامعه كمان تجلس مع لوجين ونوف بس نفس الشيء مايقووولون لها كل شيء مو على شيء بس هم الثنيتين اللي هم نوف ولوجين تؤام في الروح ومالهم غير بعض مثل ماقلت وجالها عادي ومتزوجه وتوها جايبه ولد العنود . في ثالث ثانوي علمي جمالها عادي سمينه شوي وهي مره مع ريما وهيفاء ........................................... وفيه شخصيات بتتعرفون عليها في الروايه واكيد الحين ماحفظتو الشخصيات مره بس انا بساعدكم وعند كل شخصيه راح احط اسهم واقولكم مين بس انتم خذو فكره عنهم وعن صفاتهم |
|
#2
10-08-2009
| |||
| |||
 رد: لاتبرر لي خطاك مابي اسمع عذر << لاتفوتكم هع بسم الله الرحمن الرحيم... الجزء الاول ... ام مشاري : مشااااري قوووم قوووم ابوك يبغااك مشاري : نعم نعم خلاااص قمت ياامي ياقلبي قمت ام مشاري : عشر دقايق وتنزل تفطر بسرعه خواتك راحو وانت باقي مارحت وطلعت وسكرت الباب وراها مشاري : ياالله صباح خير (وناظر الساعه وشهق ) الساعه 9 واليوم اخر يوم دوام ابوي بيعاقبني وبجلس شهر ماخلصت دوامي في الشركه وقام وتحمم بسرعه ولبس ثوب وغتره بيضاء وتعطر ونزل بسرعه وشغل سيارته طبعا اليوم اخر يوم دوام لمشاري وفارس ونواف واخر يوم اختبارات للبنات كلهم في الاختبارات النهائيه وراح تصير العطله الصيفيه في المدرسه طلعت لوجين من قاعة الاختبار لوجين : اوووووووه واخيرااا خلصنا مابغينااااااا بس اهم شيء مانحمل ماااده رشا : تدرين وشلون لوجين : وشلون رشا : الله يلعن اللي يدخل قسم الطب << صديقتتهاا لوجين : امشي امشي يرحم امك ومشو وراحوو للشله في مدررسة ريماا ريما : امشي يرحم ابوك وامك وكل غالي عندك لاتذكريني بالامتحان الزفت ياربيه مدري وشلووووووون دخلت علمي بس تدرين شلووون اهم شيء النسبه هيفاء : ايه والله اهم شيء << بنت عمها ابو نواف وظلو ساكتين شوي ريما : اليوم لازم نطلع نغير جوو هيفاء : ايه من جد لازم نسااافر وانتي الصادقه ريما : هذي خليها على ربك هيفاء : هههههههههههه من جد .................................................. ............................. ورجع الكل لبيته في بيت ابوفارس فارس كان جالس مع امه فارس: يمه انا ابغى اكمل نص ديني واتزوج ام فارس : صدق فارس : ايه صدق يايمه دوري لي وحده حلوه وطيبه وتثقين فيها << ولدعم مشاري ولوجين وريما وسليمان اللي مغازلجي ام فارس :بس هي وحده وانا حاجزتها لك مافي غيرهاا فارس : ومين هذي؟ ام فارس :لوجين بنت عمك محمد فارس : بنات عمي محمد والنعم فيه والله ام فارس اجل من بكره اكلمهم .................................................. .......................... ولما جاء بكرا ام مشاري وهي تكلم ام فارس بالتليفون : ابشري يام فارس وين بنلقى مثلكم بس بنشاور البنت ام فارس: خذو راحتكم ويلا مااطول عليك مع السلامه ام مشاري : مع السلامه وسكرت راحت لابو مشاري وقالت له وانمبسط ان بنته بتاخذ ولد اخوه وراحت صعدت فوق لغرفة لوجين وكانت عندها ريما اختها ام مشاري : ريما اطلعي بكلم اختك بموضوع ريما : اوف مواضيع وحركتات ابشري يالغاليه وطلعت ريما ام مشاري : وانخطبتي يالوجي لوجين : انا ؟؟ << بصدمه ام مشاري : ايه انتي الحين كبرتي وعمرك 21 سنه وطبعا اللي خاطبك فارس ولد عمي لوجين : .......................... ام مشاري : لاتستعجلين يابنيتي فكري زين قبل أي قرار وصلي الاستخاره ونامي واذا قمتي وانتي مرتاحه ومتطمنه قولي لي واذا العكس قولي لي بعد هاه شقلتي يالوجين لوجين : انا مو قصدي يايمه على سني بالعكس كل اللي كبري يتزوجون في هذا السن بس وش معنى انا ام مشاري: اكيد لانك لوجين ام الزين والحلايا لوجين ابتسمت ابتسامه باهته :: الله يسلمك بكمل كلامي يمه ام مشاري : كملي لوجين : يمه فارس انسان ماغزلجي كيف بعيش معه وكيف برفض ولد عمي ام مشاري :ييايمه يالوجي كل الشباب كذاا قبل لايتزوجون اما اذا تزوجو خلاص حريمهم وبس واذا ماارتحتي مره ترى بأمكانك ترفضينه لاتقولين ولد عمي لا هذا زواج يايمه فكري عدل لك هذا الاسبوع كله لوجين : صدق يمه اذا تزوجو يتعدلون ام مشاري : صدقيني ايه لوجين ابتسمت وطلعت ام مشاري دخلت ريما على طول ريما :لوجين الف مبروك ياقلبي لوجين : شلون عرفتي ريما : سمعتكم من عندالباب لوجين : ريما وش رايك ريما :فارس انسان متعلم واول مايتزوج بيترك هذي الحركات اذا مو مرتاحه له ارفضيه لاتقولين ولد عمي لوجين ضمت اختها الصغيره الحنوونه وضحكت ريما : يلا قومي خوذي لك شاور ساخن وفكري عدل وصلي الاستخاره لوجين : اوكي وقامت لوجين وخذت لها شاور ساخن يروق راسها وصلت الاستخاره وحست نفسها مطمئنه ونزلت تحت وكان الكل ناايم لانها لساعه 4 الفجر سوت لها كوفي وجلست بالصاله اللي فوق تشوف تلفزيون وهي تفكر يعني بالها مو مع التلفزيون جاء مشاري من سهرته وشاف لوجين جالسه بالصاله راح لعندها مشاري : السلام لوجين وهي مرتاعه : يمه خرعتني وعليكم السلام مشاري : ههههههههههههه ليش مانمتي لوجين : مشاري بسألك مشاري : وشو ؟ لوجين : شرايك بفارس ولد عمي ؟ مشاري مصدوم : ...................... لوجين : مشاري جاوب مشاري : ليش تسئلين عنه لوجين : فاارس خطبني مشاري : صدق والله لوجين : والله مشاري : وش اقول عن فارس المهوي لوجين استغربت :وضح اكثر مشاري : فارس الحين مادري شقولك بس يمكن بعد الزواج يتغير لوجين : طيب وشلون انت مصادقه مشاري : هو انسان طيب وخلوق ووش اقول عنه ووش اخلي بس عيبه المغازل لوجين : وش تنصحني به مشاري ابتسم عشان يريح اخته : توكلي على الله لوجين ابتسمت لاخوها : تصبح على خير بنام مشاري :وانتي من اهله لوجين دخلت غرفتها وجلست على السرير وهي ماسكه رجلينها وحاطه راسه على ركبها وتقول في نفسها ( خلاص انا بوافق عليه الكل تزوج نوف ونوره ومنيره وانا خايسه هنا ومو على كذا انا ارتحت لفارس ومشاري وامي وريما ريحوني ) بعدين انسحدت ونامت |
|
#3
10-08-2009
| |||
| |||
| رد: لاتبرر لي خطاك مابي اسمع عذر << لاتفوتكم هع ولما جا اليومك الثاني قام الكل في بيت ابو مشاري ونزلت لوجين ولما شافت امها بالصاله لحالها قالت في نفسها (خلاص مابقى الا هذا الوقت بقول لامي اني موافقه ) لوجين : صباح اللخير ام مشاري : أي صباح الساعه 3 العصر لوجين : يمه تراها اجازه وسعي صدرك ام مشاري : هاه يالوجين فكرتي في الموضوع لوجين : وانا جايتك بخصوصه ام مشاري :بشري لوجين :: انا موافقه ام مشاري زغرطت وجت ريما تركض ريما :: وافقتي لوجين ابتسم وهزت راسها بالايجاب جت ريما وسلمت عليها : الف الف مبرووووووووووك لوجين ابتسمت : الله يبارك فيك وجلسو يسولفون وعرف ابو مشاري بموافقة بنته ومشاري فرح بس قلبه ناغزه المهم ام فارس : صدق وافقت ام مشاري : ايه صدق ام فارس : الله يوفقهم ويكتب اللي فيه الخيره لهم واحنا ماراح نلقى احسن من لوجين لفارس الله يوفقهم انشاءالله وبهذا الوقت دخل فارس وابتسم لامه ام فارس :ياهلا .. انشاءالله .. هههههه سلمي على مرت ولدي . ههههههههه ايه من الحين يلا مع السلامه فارس : الوالده مبسوطه ام فارس : الف مبروووك ياوليدي فارس : الله يبارك فيك وبهذا الوقت دخلت نوف اللي توها متزوجه << اخت فارس الللي اصغر منه على طول نوف : السلاام فارس : وعليكم السلام سلمت نوف على اخوها :: االف مبروك فارس وهو يجلس على الكنب : بسم الله وانتي شعرفك نوف : ههههههههههه قالت لي لوجين والله تستاهل لوجين وانت تستاهل بعد فارس : خلاص يايمه متى بنروح لهم ام فارس ابوك يقول الخميس الجاي انشاءالله فارس : انشاءالله هيفاء : اهلين << اختهم اللي مره مع ريما الكل : اهلين هيفا : وانا اخر من يعلم فارس : اكيد ريما قالت لك هيفاء :ايه مبروووووووووك يافااارس فارس : الله يبارك فيك ودخل ابو فارس : ابو فارس كني سمعت كلمة الله يبارك فيك فارس بأبتسامه : ايه يبا لوجين وافقت ابو فارس وهو فرحان ويجلس على الكنبه : صدق مبروك ياوليدي والله يوفقكم اجل مثل مااتفقنا انها اذا وافقت الخميس الجاي ام فارس : وانا قلت لام مشاري وجت اختهم اللي بثاني متوسط اذكركم بأسمها ساره وقالو لها وباركت لفارس وجلست معاهم وبعدين اختهم اللي عمرها اربع سنوات كانت عندهم اللي هي عفاف واجتمعو العائله مبسوطه ومايدرون وش الايام مخبيه لهم .. ........................................... نروح للعائله اللي ماجبنا طاريها عائلة ابو نواف ابو نواف وهو جالس مع ام نواف : انخطبت لوجين لفارس ام نواف : صدق مبروك الله يوفقهم والل كل واحد يستاهل الثاني ولوجين بنت ماراح يلقون مثلها ودخلت منيره اللي في اول جامعه هي وولدها : لاتقولون لوجين انخطبت ابو نواف : سلمي بالاول سلمت عليهم منيره :يازينها والله تستاهل لوجين ام نواف ايه والله تستاهل وجت نوره وعيالها اختهم الكبيره وسعود ونواف وكمان عنود اخر العنقود جلست وسمعت بخبر خطبة لوجين .................................................. .................................................. ......... ام فارس واوبو فارس ومشاري ولوجين وسليمان وريماا جالسين مجتمعين ويتقهوون ام فارس : الله يكتب اللي فيه الخيره ونسيت اقول انو الخميس بيجون وفارس بيشوفك يالوجين لوجين : اوه الخميس عاد ام فارس قدامك اسبوع وبعدين تراها شوفه بس مشاري : عن الدلع روحي انتي وريما بكرا واشتري لك لبس اذا هذا قصدك سليمان : اذا قصدك تستعدين نفسيا مو مشكله قولو لهم الخميس اللي بعد الجاي ابو فارس : لا خلاص قدامك اسبوع استعدي فيها لوجين :وهذا اللي بيصير ريما :ياي مااصدق بجلس بالبيت بدون خوات ولا شيء وناااسه لوجين : ههه نشوف وش بتسوين اذا رحت ريما سكتت شوي : من جد حسيت بالموووقف الكل : هههههههههههههههههههههههههههههههههههههههههههههههههه ههه .................................................. .................................................. ....... وجاء اليوم اللي بعده وراحو ريما ولوجين للسوق مر اسبوع على هذي الاحداث وحان وقت شوفة فارس للوجين بقولكم لبس لوجين كانت لابسه بنطلون اسود غامق سكيني اللي يصير ضيق من تحت << للي مايعرفه ولا بسه بلوزه شيفون تركواز ونهايتها ممسوكه بقماش ستان ونهاية كل كم ممسوكه بقماش ستان ولابسه بروش على جنب لونه فضي طبعا لون البلوزه ازرق يعني على نيلي ومسويه في شعرها استريت وبوف خفيف وكعب وانتم بكرامه لونه فضي على لون البروش دخل مشاري وسلم على فارس وجلسو يسولفون وبعدين فارس طلب يشوف لوجين دخلوه للمجلس الداخلي وطلع مشاري على غرفة لوجين وشافها ترش العطر عليها وريما جالسه على السرير حق لوجين وتتفرج على لوجين مشاري : يلا لوجين فارس طلب يشوفك لوجين : اوكي يلا التفتت لوجين على ريما وقالت ريما : سمي بسم الله وتوكلي على الله وادخلي ونزلت تحت ووكلما تقرب من المجلس يدق قلبها اكثر مشاري دخل : تعالي يالوجين دخلت لوجين : السلام فاري رفع راسه وهوووو مصدوووووووم ماتوقع عنده بنت عم بهالجمال : وعليكم السلام جلست قدام فارس وجلس مشاري جنبها عشان يحسسها بالامان مشاري : كليت البنت بعيوووونك فارس : ههههه كيفك لوجين لوجين : الحمداالله بخير انت كيفك ؟ فارس اعجبته جراءة لوجين مو مثل البنات الماسخين اللي يستحون وينزلون راسهم ومدري كيف لاااا بنات ابو فارس غير لوجين كانت رافعه راسهاا وبكل فخر تسئله عن احواله فارس : تمام وكان يحاول يقول أي شيء فارس : مشاري والله لو تخلووون الزواج بعد شهر يكون احسن ولا وش رايك يالوجين لوجين حست انه موافق عليها ضحكت ضحكه خفيفه : اوه لا مستحيل كذاا مشاري : فارس ترى انا موجود احترمني على الاقل وبعدين ترى ماصرت زوجها توك لوجين حست انو كفايه كذا : انا طالعه بالاذن فارس : اذنك معك تشرفنا لوجين ابتسمت لوجين وطلعت وراحت لريما وقالت : بصراحه انا ارتحت له وبعدين هو جمييييل يجنن يخقق ريما : صدق ارتحتي له لوجين : مررررره < < مسكينه يالوجين ماتدرين وش اللي بيصير لك بعدين .................................................. .................................................. ............. واخيرا اتفقو ان الملكه بعدين شهرين مرت الايام يوم ورا يوم واسبوع ورا اسبوع وشهر ورا شهر واخيرا بعد تعب من لوجين من سوق لسوووق وففصلت فستان لهااا اخيرا خلصت واخيرا وفي يوم الملكه لوجين : هاه بنات حلوه تسريحتي الكل قال رايه اللي تقول تجنن واللي تقول تخقق والللي تقول تهبلين واللي واللي واللي طبعا بقولكم مين كان مع لوجين في غرفتها الكوفيرا و نوف اخت فارس الكبيره << اللي توها متزوجه وهيفاء اخت فارس ونوره بنت عمهم ابو نواف<< عندها ولد وبنت .. ومنيره اختها << عندها ولد ويدرسون بالجامعه طبعاا<< متزوجات والعنود بنت عمهم ابو نواف .................................................. ............................................. انتهت لوجين ووقعت على الكتاب بموافقتهاا ووقع فيصل وحان وقت نزولها للضيوف كانت لابسه فستان فوووشي ناااعم شيفووون ومدخله عليه قطه من الشك والحرير وطبعا كان توب نزلت للضيوف وبدو يزغروطوون << مايحتاج اقولكم تعرفون انتم الحريم وش يسووون ههههه وجلست مع الحريم شوي دق سليمان على ريما وقالها قولي للوجين تجي للمجلس عشان فارس فيه لوجين بدا الخوف فيها بس مابينت وكانت تبين انها قويه راحت بعيد عن الحريم وجلست عند المرايات تعدل شكلهاا وكانت عندها نوف بنت عمها ابو فارس وصديقة عمرهاا و ريما اختها لوجين : يلا بنات دعواتكم وجت ام مشاري ومسكت يد لوجين وراحت هي وياها نوف : الله يوفقها ويوفقه ريما :امين يلا امشي ندخل نرقص ونتونس لحد ماتطلع وجلسو البنات يستهبلووون ويضحكووون ويرقصووون بس خلووونا من هذا كله وخلونا نشوف فارس ولوجيييييين عند الباب خذت نفس لوجين ودخلت مع امها سلم فارس على ام مشاري وكان جنبه مشاري وسليماان ولما جاء الدور على لوجين تسلم سلمت وبكل ثقه لوجين : كيفك ؟ فارس : تمام بشوفتك وانتي ؟ لوجين : الحمدالله جلست جنب فارس بالكنب وامها من على االكنبه اللي باليسار ومشاري وسليمان من على اليمين ام مشاري جلست شوي تسولف مع فارس : يلا اجل اخليكم .. وغمزت لمشاري وسليمان يطلعون معهم مشاري : وانا بعد اخلييييييكم ههههههههههههه فارس ضحك : هههههههههههههه تسوي خير |
|
#4
10-08-2009
| |||
| |||
| رد: لاتبرر لي خطاك مابي اسمع عذر << لاتفوتكم هع وانتهى الباارت الاول واذا في حمااس كملت انشاء الله |
|
#5
10-08-2009
| |||
| |||
| رد: لاتبرر لي خطاك مابي اسمع عذر << لاتفوتكم هع ويين الردود ماتوقعتها منكم |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
