لاتحسبني خاسرًا لجل فرقاك=علك فدى ناسٍ عزاز نخسرها
سبق وعلمتك وعلمك ونصاك=اشلون احب اثنين ماحدٍ خبرها
تبي صداقة طيب شرف وحياك=ولا المودة في اسر من اسرها
ون بقت بالصدقان رح مافقدناك=لو الصداقة عندنا نعتبرها
عظيمةٍ ماهي لمثلك وشرواك=للي ليا منك نصيته شبرها
طعنتني ونا صديقك بشلفاك=مير الله اللي ياصديقي سترها
راح الذي يسوى ميه من حلياك=مودته بالقلب مازال اثرها
خذه النصيب اللي نزحبه ودناك=ناسٍ نواصلها وناس نهجرها
ياروح روحي لو تغيبت مانساك=بذرة غلا نبتت ونور زهرها
يازهرة البستان من عاد يرعاك=لاغاب منهو في ضميري بذرها
عيت تذوق الما بعد رحت نفداك=وشلون ماماتت ظما من عبرها
لاشك تسقيها على البعدذكراك=يوم اثمرت من عاديقطف ثمرها
مافز لطروا ياوليفي بطرياك=ماغاب طاريها عشان افتكرها
اواه ياوقت العنا منك لولاك=فرقا الولايف عادةٍمعتبرها