السلام عليكم ورحمة الله وبركاته
كيف تعرف شباب الإمارات من أي إمارة....... وبليز محد يزعل
أول شي من العاصمة :ـ
شباب بو ظبي
تحصله مسوي تقشير للوجه والنعال لازم انطونيو والكندورة طربال ويسوي المستحيل علشان يشتري سيارة حلوة وضارب مخفي شامل ويحوط فالحارة بس وطبعا عمره 40 ولا يشتغل ( الله يخلي الوالدة طبعا ) أما اذا كان عنده ستيشن وما فيها مدعمية وضروسه بنيات ( من كثر ما ينظفهن ) وفيه كشه مثل كشة الراعي تراه الله يسلمكم من المنطقة الغربية .................
شباب العين :ـ
طبعا كلمة ( لو سمحت ) هي ممحاية من قاموسهم اذا كنت فالسينما تسمع صوته من آخر الصالة واذا راغ بنت ( مع اني شاكه بيغازلها ) عادي يروغها من العين لراس الخيمة وتحصله يحوط فالشارع الضيافة وطبعا معلق الكندوره ورا وطبعا السيارة غبرا وكاتب رقمه ورا واللي يشوفه يقول هذا حاجز في برج العرب مب جنه بينسدح في شي من هذيلا السيوح .....................
شباب دبي :ـ
طبعا الناس في شهر سبعة يكون كاشخ بكندوره سودا ولحيته حمرا قفل طبعا ومعلق دباديب ورا في سيارته ويقعد في ستار بوكس من الساعة اربع العصر يلين الساعة 12 فليل......وكشتهم مثل كشة الخرفان ........
شباب الشارجة :ـ
لا مفر من كلمة (لا) ولابس كندوره شفافه بدون فانيله ولابد من العقال الضعييييف والساعة الرولكس مال بانكوك ويوم ترمسه كلمتين عربي والباقي الله يعلم( اردو).........
شباب عجمان :ـ
وكاتب احدى العبارات ورا على سيارته ( المتيم , عيمان بوي , باد بوي , المهاجر ) GT طبعا لازم يكون عنده
وما يتعدى طوله عن 150 سم وما يفرق شتا ولا صيف على طول منزل الجامه طبعا لانه المكيف خربان ومعاش الجيش كله رايح على السيارة ...........
شباب ام القيوين :ـ
السيارة المفضلة الكابرس واقصر واحد فيهم طوله مترين واحلى واحد فيهم يشبه خالد الملا ....
شباب راس الخيمة :ـ
مربي كشه وطاوي الغتره وراصنها على راسه يلين يتناطرن ذنيه وعنده سوزاكي حاطله ستين اريل وعليه (حكومة راس الخيمة ) ولا كشف بعد وطبعا ما يوزون عن كلمة (شحالش) .......
شباب الفجيرة والمناطق المجاورة :ـ
هم حبوبين وطيبين .......بس لو يودرون الفانيله الكت وطبعا لازم في بو ظبي والسكن شقة تتكون من غرفة واحدة + حمام ومجموع اللي ساكنين فيها 15 واحد ..........
المناطق المجاورة ,كلباء .خور فكان , الذيد , دبا :ـ
مستحيل تحصل واحد منهم وزنه عن 40 كيلو وهديته المفضلة كرتون همبا اخضر وطبعا اذا حصلتهم يوم الاربعا على نهاية الدوام فالخط ولابد من الكرسيدا وعدد الركاب اللي فيها من 7 الى 9 فالسيارة هذا اذا كان بعد محد فالدبة ورا جرب عطهم فول ليت اذا لف مرة وحدة يمين بسرعة وكل اللي فالسيارة التفتو ورا يطالعونك ..
تأكد مية بالمية انهم من المناطق المجاورة للفجيرة ....................