|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
10-16-2009, 05:30 PM
| ||||
| ||||
| ☻حــيــاتـكـ أنـت من ترسـم ملامـحـها ☺ (( تساؤلات مهمة)) *هل تعلم بـأن كل كلمة تنطقهـآ لها اثرها الفعلي على غيرك ؟!.. * هل تعلم بأن نفسيتك " مهما كانت " تنعكس على كل من حولك ؟! *هل تعلم بأن تأثير شكواك حتى ولو كانت أحرفاً خطتها يدك في لحظة عتب او غضب يبقى لكل من يمر ويقرأها حتى ولو بعد حين ؟! *هل تعلم بأن النفسية الفردية قد تترأس وتقود نفسيات كل من حولهـآ ؟!.. * هل تعلم بأن تحكمك في مظهرك الخارجي له أثرهـ على كل عين تراك ؟.. * أيهما أقوى باعتقادك .. التأثير النفسي أو التأثير الخارجي ؟! بعد اذنكم راح نتكلم بالعامية دائماً نسمع : [اضحك للدنيا تضحك لك ] { كم شخص فينا مقتنع بهذه المقولة .؟ والسؤال الأهم .. { كم شخص فينا ممكن تأثر فيه هالكلمتين في لحظة خاب فيها أمله .. وانطفأت أنوار حياته ؟ . قد مرة جاء في بالكم .. إن كل شخص يملك طاقه عظيمة يقدر يغير فيها مسار أي شي ممكن يعرقل خططه ؟! ليش نستسلم لغيمة الفشل ونسمح لها تحجب عننا نور الشمس .؟ ليش نسمح للشيطان يكبل مشاعرنا بقيوده الحارقة ووساوسه السيئة ؟! ليش مانكون أقوى ونهزم كل شي ممكن انه يأثر على نفسياتنا سلبيـاً كثير و كثيرو كثير .. تغيرت نفسيات أشخاص بسبب نفسيات من حولهم [] . . مرة من المرات .. كنت أقرا موضوع عن مجموعة طرق لتحسين الشخصية وقيادتها للمسار الأفضل الذي ترضى به انفسنا ونطمح لـه فيه حاجة اسمها " مغناطيس الشخصية " كل انسان يمتلك هـ المغناطيس .. لكن تتفاوت قوة الجذب وَ التنافر من شخص لآخر ( راح أوضح اكثر ) .. [ قبل تقرأون السطور الجاية .. ياليت كل شخص فيكم يتخيل شخص يعرفه ويطبق عليه هالكلام عشان توصل الفكرة بشكل أفضل ] مثلاً .. شخص تعرفه .. حظه سيء .. دائماً يتشكى ويجعل حظه شماعـة لأخطائه .. مع شكاويه المتكررة .. وشخصيته االلي يغلفها التشاؤم .. ماعنده ذرة طاقة ونيـة لتعديل الوضع .! بالله ما تحسون بـ نفور من هالشخص ؟؟ ماتحسون ان قوة التنافر في مغناطيسه تفوقت على قوة الجذب ؟!.. والعكس صحيح شخص في حياتكم .. عيونه تلمع من التفاؤل .. حتى ولو عاكسه الحظ في يوم .. كله أمل بأن بكرة أحلى وأجمل إيمانه قوي بالله دائماً يقينه بالله فوق كل شي نفسيته مشتعله لا يمل ولا يكل من رسم الخطط والتفكير والتنفيذ ممكن ينجح مرة .. وممكن يفشل مرات ..! لكن بداخله قنـآعة .. إن الفشل هو أول خطوة يخطيها في سلم النجاحات والتميز .. مثل هذا الشخص |ماتحسون ان فيه جاذبية كبيرة تأثر على نفسياتكم ايجابيـاً ؟ ما تحرصون على مجالسته وتسمعون كلامه وتتشوقون لمعرفة مغامراته .؟ ولما تشوفون سيل النجاحات في سجل حياته .. ما تحاولون تقليدهـ ومحاكـاة أفعاله عشان يشملكم هـ النجاح ؟! بدآخلي قنـآعة .. ان أي كلمة من أي شخص .. ممكن تؤثر في اللي حوله كلهم اعطيكم مثال وحاصل معانا هنا في [ المنتدى ] . . كلنا تقريباً نضع تواقيع ونكتب اللي يعجبنا من الكلام والعبارات .. أغلبها تفسر افكارنا وترسم ملامح مشاعرنا .. لو شفنا عبارة حزن في توقيع أحد الاعضاء .. لحظتها نشعر بالألم مثله .! كل مافينا يتأثر فعلياً بكل حرف مكتوب .! ولكن بمستوى سلبي وبكل مرة عيوننا تطيح على توقيعه نتذكر ألمـه ونتضايق لضيقته ممكن بعضكم يقول : بالعكس هالشي حلو انه يذكرنا بتعبه عشان ندعي له .! طيب ليـــش مانتذكر الدعاء في حال الفرح لما نقرأ كلام حلو وكله سعادة وأمل ..؟! . . ولو كان العكس قرأنا كلام فيه لمحة تفاؤل فيه همسة حب فيه تعلق بالأمل نفس الشي راح نتأثر بكل حرف .. ولكن هالمرة بمستوى ايجابي ورائع وممكن لحظتها نبتسم \ ما فكرتوا بلحظة .. ان الـتأثير السلبي علينا ممكن يكونأقوى من الايجابي ؟! سبحان الله احسها فطرة في الانسان .. لحظات الحزن تثبت في الذاكرة أكثر من لحظات الفرح .! ممكن يكون هالشي لا إرادي لأن الحزن غلاّب .! الحزن مثل العاصفة .. اذا هبت نبشت كل شي في طريقها وشالت الغبار عن المستور ووضح للعيان .. وكل ذكرى حزن ممكن تمر في البال ونتذكرها . لكن تذكُر لحظات الفرح .. إراديأكثر .. الفرح دائماً مسالم مثل النسمة الرقيقة يحرك الجو بطريقة مسالمة ولطيفة ويكون مثل البلسم اللي يغطي ويعالج كل جرح يواجهه وباستطاعتنا احنا انو نخلي هالبلسم رطب وماينشفه أي عاصفة حزن \ احنا اللي نصنع الفرح بيدينا احنا اللي نسقيه بأنفسنا الطيبة وبضحكاتنا يتبع/ منتديات مدرسة المشاغبين - تطوير الذات و البرمجة اللغوية العصبية تنمية المهارات الحرية النفسية EFT التنويم الإيحائي Hypnosis
_________________ انثــرَكْ مثل \ أورَآق الخريفْ ! و أتركَكَ عآجِز , عَ أطرَآف الرصيْف لآزْم تحَسّ إنْ الجفَآف اللْي بِـ قلبك . . ظَالم وَ أحياناً مُخيييف " |
|
10-16-2009, 05:34 PM
| ||||
| ||||
| رد: ☻حــيــاتـكـ أنـت من ترسـم ملامـحـها ☺ [ ذكاء الصمود ] كلنا نتألم .. وكلنا نعاني .. والأسباب تتعدد بلا نهاية .! لكن الأقوى هو اللي يصمد وهو اللي يتحدى ويمشي بدون ماتعيقه احجار الفشل التجارب في حياتنا مثل الحجارة اللي تواجهنا لما نقطع طريق وعـر وخطر ..! لكن ممكن نقطع هالطريق بـ طريقتين .. وكل شخص فينا يختار الطريقة اللي تناسبه ..! . . (الطريقة الأولى ) نمشي ونمشي ونمشي .. فجأة نتعثر بطرف حجر حاد وننجرح نتأوه ونتألم .. ونستسلم للألم ونبكي لحد ما يندمل هالجرح ويتعافى .! وعلى بال مايندمل الجرح الاول .. فيه أحجار ثانيه بالطريق .. برضو راح نتعثر فيها وبتجرحنا وتألمنا مرات كثيرة .!! وكذا ليييييييين تضيع علينـآ الأيام والسنين . . . . . نتعثر .. نداري جروحنا .. وننتظر الأيام تعالجها \ ( الطريقة الثـآنية) نكون أذكياء شوي نفتح عيوننا ونركز ع الطريق .. وكل حجر يواجهنا نرفعه من الأرض ونخبيـه وبعد ما نجمع كمية لا بأس بها ممكن نبدأ نبني أحلامنا ونستمتع بأحلى اللحظات والحلم صار حقيقة وتحقق وصار ملموس . وطبعاً طبعاً .. كل طريقة لهـآ تأثيرهـآ الفعلي على الغير ممكن أكون إنسان سلبي و أنفر اللي حولي من شكواي من فشل تجاربي ..! وممكن أكون إنسان إيجابي و أجذب اللي حولي بطموحي وتفاؤلي بحياتي
_________________ انثــرَكْ مثل \ أورَآق الخريفْ ! و أتركَكَ عآجِز , عَ أطرَآف الرصيْف لآزْم تحَسّ إنْ الجفَآف اللْي بِـ قلبك . . ظَالم وَ أحياناً مُخيييف " |
|
10-16-2009, 05:37 PM
| ||||
| ||||
| رد: ☻حــيــاتـكـ أنـت من ترسـم ملامـحـها ☺ كل ما سبق .. تأثيرات نفسيـة . لكن وش رايكم بالتأثير الشكلي على نفسيات اللي حولك ؟؟ . . قناعة عند كثير منا .. ان الشكل الخارجي يعطيك انطباع واضح وجزئي عن الشخص اللي امامك .. شرايكم نسوي مشهد ؟؟ دائماً الفعل يرسخ أكثر من الكلام تعالوا نشوف مع بعض \ ( المشهد الأول ) جالسة بالكلاس على وشك تبدأ المحاضرة .. دخلت وحدة من زميلاتك .. لفتت نظرك وجلستي تتأملينها .! شعرها مرتب ومسوية تسريحة بنوتيه رايقه لبسها أنيق ومرتب ريحتها عطر يفوح ومظهرها كله نظاااااااافة وفوق كل هذا الابتسامة ماليه وجهها إنتِ بكل حماس قلتِ : واااااااو يا " فلانة " ماشاء الله وش هالحلاوة والزين ؟! أكلتي الجو بسم الله عليك " انتهى المشهد " * تعقيب : لما تمدحين زميلتك بطريقتك .. بتلاحظين ان الابتسامة انرسمت على شفاتك لا إرادياً .! تأثير شكلها انعكاس ترتيبها وأناقتها ونظافتها عليك غير مودك وخلاك تبتسمين وحسيتي بإنتعاش على الصبح | ( المشهد الثـآني ) جالسة بالكلاس على وشك تبدأ المحاضرة .. دخلت وحدة من زميلاتك .!!! عاقدة حواجبها مالها خلق شي مكشرة ووجهها كذا شعرها رافعته ولامته بطريقة مو حلوة ومعفوس .! شكلها مطلعه أي قميص أو تي شيرت من الدولاب .! التنورة برضو معفوسة وشكلها مو مكويه .! لون الشوز " الله يكرمكم" بجهه .. والسوكس " الشراب " لونه بجهه ثانية تسلم بدون نفس وتجلس جنبك وتسكت إنتِ : " لا تعليق " .. الصمت غلبك .!!! " انتهى المشهد " * تعقيب : من أول وهلـه حواجبك بتنعقد .. وبيلف في راسك ألف سؤال وسؤال .! هذي شفيها شايله الدنيا على راسها ؟ يالله وش صاير وقالب مزاجها ؟ لا يكون صاير لها شي مو كويس وإلا مضايقها أحد ؟! حتى شكلها مالها خلق شي .. ياعمري مسكينة ودي اسئلها بس خايفة أضايقها أكثر خلاص براحتها بخليها متى مابغت تحكي تحكي .!! وبتسكتين وهالاسئلة تلف تلف تلف في راسك لين تصدعين \ وبالأخير تتكلم وتقول : ( اوف سهرت على فيلم لين الفجر وماحسيت بالوقت وما أمداني أنام .. مااااااالي خلق أجي بس ما اقدر اغيب اخاف يوصلني حرمان ) ..!!!! | المشهد الثـآني .. مو يقهر نفسياً وشكلياً ومن جميع الجوانب ؟؟ يعني هي سهرت على فيلم وما نامت .. بس النفسية التعبانة والشكل اللي موش ولا بد .. أنتِ تأثرت فيهم ..! وش ذنبك تبدين صباحك بعفسه وما تروقين عشان سبب سخيف .! وتضل زميلتك مخاويتك طول ساعات الدوام .. وانتِ ملزومة تراعين جوها .. وجوك بيخرب معاها للأسف \ كلنا بنات وشباب وفي عمر الزهور .. نحب نتجمل ونتزين ونلبس ونتأنق [ ان الله جميل يحب الجمال] والأهم .. النظافة النظافة النظافة .. حاجة فوق الوصف لدرجة انها صارت جزء من الإيمـآن [ النظافة من الإيمان ] . التأثير الشكلي والخارجي يأثر على نفسيتك وعلى نفسية من حولك .. والعكس صحيح 100 % كل ما صارت نفسيتك أوكي ومبسوط كل ما اهتميت وروقت بتنسيق ملابسك أكثر وكل ماكنت معصب ومتضايق من شغله تقدر بـ طريقتك تكسر مزاجك المتعكر خذ لك شاور دافي يروقك وبعدها افتح الدولاب ونقي لك لبس حلو هالشي بيغير نفسيتك حبه حبه لين تتعدل وتصير مثل الوردة المفتحه والكل يبي يجلس جنبك عشان تنعشه وتروقـه بمزاجك الرايق
_________________ انثــرَكْ مثل \ أورَآق الخريفْ ! و أتركَكَ عآجِز , عَ أطرَآف الرصيْف لآزْم تحَسّ إنْ الجفَآف اللْي بِـ قلبك . . ظَالم وَ أحياناً مُخيييف " |
|
10-16-2009, 05:49 PM
| ||||
| ||||
| رد: ☻حــيــاتـكـ أنـت من ترسـم ملامـحـها ☺ خاتمة من كل قلبي لكم [ لنكن جميعنـآ سحرة في ميدان التفاؤل والسعادة ] . اضحكوا وافرحوا وفرفشوا ترى الحياة حلووووة حيل خلوا قناع الابتسامة دايم مرافقكم في كل تنقلاتكم سوو كذا . .  هالقناع بيأثر عليكم بالغصب .. وبيرسم البسمة الحقيقة على شفاهكم .. وصدقوني بعدهـآ بتصيرون كذا .. أنتم واللي حولكم . .  \ / \ الله يديم عليكم السعادة والرآحة والهناء ويفتح لكم أبواب رزقـه ويهنيكم في حياتكم ويكون الطموح والتفاؤل هم توأم أرواحكم الطاهرة \\ أتمنى من كل قلبي إن فكرتي وصلت للجميع نقلت الموضوع بتصرفـ شخصي أعتذر على الإطـآلة
_________________ انثــرَكْ مثل \ أورَآق الخريفْ ! و أتركَكَ عآجِز , عَ أطرَآف الرصيْف لآزْم تحَسّ إنْ الجفَآف اللْي بِـ قلبك . . ظَالم وَ أحياناً مُخيييف " |
|
10-16-2009, 10:52 PM
| |||
| |||
| رد: ☻حــيــاتـكـ أنـت من ترسـم ملامـحـها ☺ موضوع في غايت الجمال ابعتي يا..غنوه حب.. بطرحك الراقي والجهد الواضح تسلمين يالغلااا فــي انتظـارر جديدك الحلو.. لك التحيه ولحرفك الاعجآآآآب لكـم ودي واحـتـرامـي....
_________________  |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
