|
| |||||||
| القصص و الروايات و الحكايات قصص قصيرة و تعلم القصة story novelette يهتم بالقصة و الرواية الثقافية والتراث القديم قصص حب قصص غرام قصص واقعية قصص غريبة قصص عجيبة قصص الجن قصص مضحكة قصص التائبون قصص ساخرة قصص جرائم قصص اطفال |
 |  |  |
 |  | |
 |  |  |
 |
| | أدوات الموضوع | طريقة عرض الموضوع |
10-17-2009, 03:46 PM
| ||||
| ||||
 حساب في بنك الراجحي عمره 100 عام / قصة حقيقية بسم الله الرحمن الرحيم السلام عليكم ورحمة الله وبركاته هلا والله ومليون غلا تو مانور المنتدى اللهم صل على محمد وعلى آله وصحبه أجمعين هاذي القصه جاتني عن طريق الايميل وصاحبه يبي النشر <<< ياحبها لذي الشغلات الموهيم أقروووا وتمعنواا بالقراائه <<< فلسفـــهـ هذه قصة حقيقية حدثت يوم أمس 14/10/2009 وأنصحك بقرائتها .. راح تستمتع  وتضحك وتستغرب وتتألم وتأتيك كل المشاعر المتناقضة .. وفيه·حساب في بنك الراجحي عمره يزيد على 100 عام !! ·أربع ساعات ونصف لاستخراج شهادة مصرفية !! ·نقاش تحول إلى هواش مع مدير البنك ·بنك الراجحي ما فيه سيولة (كاش) !!والناس تتأفف  ·حراج داخل البنك.! أمس رحت بنك الراجحي أستخرج شهادة مصرفية (للي أول مرة يمر عليه المصطلح: يعني رصيد الحساب في يوم معين يختاره العميل) ، وعادة يُذكر بالشهادة تاريخ تواجد هذا العميل عندهم من ساعة ما فُتح الحساب لأول مرة ،، وتبين إنه حساب والدي عندهم له 101 سنة و3 شهور !! من عام 1908 !!  من قبل ما يكون فيه شي اسمه السعودية .. فضلا عن أن يكون هناك شي اسمه بنك الراجحي .. فضلا عن أن يكون والدي عايش على هذا الوجود في ذاك الوقت (الله يحفظه ويخليه لي) .. ولأجل طباعة هذه الورقة اليتيمة انتظرت ساعة ونصف ،، وكل هذا التأخير عشان يعدلون الاسم للإنجليزي ، لأن نظام الراجحي يطبع لك الاسم عربي (والشهادة المصرفية لازم كامل معلوماتها بالإنجليزي عشان مراسلة الجامعات الأجنبية وألا وش فايدتها) .. وعشان يعدلون لك الاسم واللي ما يستغرق إدخاله بالظروف العادية دقيقة(ولكن لأن كل شي غير عادي في هذا اليوم المنحوس)، استغرقت الشغلة أضعاف هالمدة بمرات كثيرة تستحق أن تدون في موسوعة جينيس للأرقم القياسية ، من أجل تعديل اسم وفق الآلية العبيطة التالية:إرسال إيميل للمقر الرئيسي للبنك عشان يعدل الاسم على (النظام / السستم) من العربي للإنجليزي .. وانتظر عاد لين يجيك الرد .. ويوم جاء الرد بعد ساعة ونص من انتظاري ، طلع فيه خطأ الــ100 سنة السالف ذكره .. (اللي ما انتبه له الموظف رغم الختم والتوقيع بصلاحية الشهادة وأنا اللي نبهته عليه) بعدها أرسلوا ايميل ثاني للمقر الرئيسي برضه بطلب تعديل تاريخ الحساب .. وانطقيت ساعة .. ساعتين .. غير الساعة والنص الأولى وما جاء رد .. وكل ما سألت الموظف يقولي: بس دقايق .. شوي .. والله ما وصلني رد .. ما بيدي شي .. وأنا أقول له تحمل كلامي أنت بوجه المدفع.ويمكن يتوارد لذهن البعض منكم: إنه ليه ما رحت للبيت وأجي آخذها بعدين ؟ والسبب اللي خلاني أنتظر إني محتاجها بنفس اليوم الأربعاء ، وما أقدر أنتظر حتى يفتحون يوم السبت .. غير إنه راح أسافر الخميس اليوم ولمدة أسبوع ولا أقدر أطلع الشهادة إلا من الفرع اللي مسجل فيه الحساب أبو 100 سنة. بالنهاية سووا الاقتراح اللي كنت قايله لهم من أول ما جيتهم .. طبعوا الورقة يدوي (وأخذت كتابتها بشكل يدوي حوالي نص ساعة) وكنت قايل لهم يا ناس صلحوا خطأ نظامكم براحتكم .. إطبعوا لي الورقة يدوي وخلوني أمشي .. قالوا ما يصير ما عندنا صلاحيات >> نعبنوا داركم هو مفتاح الكعبة وألا مفاعل إيران النووي.!! وتخلل هذا الإنتظار مناقشات مع مدير الفرع وأحيانا ملاسنات .. أقوله: إرفع للمقر الرئيسي بطلب عشان يعطونكم صلاحية تعديل الأسماء من الفروع (بشكل دائم) والطباعة بشكل يدوي في حال الضرورة .. قال: ما بيدي صلاحية .. قلت له: نظامكم غبي ، لأنه بالنهاية الأنظمة والتقنية نستعين فيها بالحياة لتسهيل أمورنا مو تعقيدها .. وش هالمرونة اللي بنظامكم تلطع الناس 4 ساعات ونص ؟! هنا ثار الأخيظن إني أتهجم عليه وإن الأمر شخصي .. وما يدري (عن جهل أو حماقة) إن كلامي على الكيان الاعتباري المعروف بين الناس بإسم (مصرف الرجحي) .. واللي يمثله هو بقبوله الجلوس على كرسي المدير ،، لكن يبدو لي المدير يبغاني أقعد ساكت طول ساعات الانتظار .. وأقول له: سم .. أطعنا وسمعن  وأحب يدي مقلوبة إنهم عطوني الشهادة .. رغم أنها أبسط حقوقي كعميل عندهم.وقلت له:يا أخي أنتم البنك الوحيد بالسعودية اللي أسماء العملاء فيه بالعربي (وأنا متأكد من هالمعلومة) .. قاطعني وأزبدوأرعد  وقال: إحنا في بلد عربي ولغتنا العربية ومعاملاتنا بالعربي .. وهو قبلها بثواني يوم أكلمه عن خطأ التاريخ يقولي: هذا خطأ بالإدخال في (الداتا بيز) !!طيب يا سعادة المدير: باللغة العربية اللي تتبجح إنك تطبقها وما نحتاج غيرها .. فيها بديل سهل وجميل يدعى بــ(قاعدة البيانات) وألا العربي ما نلقاه إلا بنظامكم .. عجبي.! طبعا هذا غير بعض المهازل اللي شفتها بعيني خلال انتظاري: منها عطل لوحة أرقام الانتظار ، والناس ينظمون أنفسهم ويصوتون وكأنك في حراج ، وكل واحد يقول للثاني هاااه كم رقمك .! يالله يا رقم كذا وصل رقمك .. ومن وراهم الموظف اللي يحرج بأعلى صوته 149 .. مييية وخمسين .. والأطم من هذا وذاك البنك ما فيه كاش.!! قدام عيني جاء واحد يبدو لي تبع مؤسسة ، قال: أبغى أصرف شيك بقيمة 100 ألف .. قالوا: ما عندنا.!! ما فيه >> بنك بطول وعرض واسم ورنة ما عندهم كاش.! جاء واحد ثاني لشباك الصرافين قال: أبغى أسحب كاش .. قاله الموظف ما فيه.! قال الرجال (يا زلمة ما بيصير .. أمس جاي بتقولوا ما فيه .. كمان اليوم).!! تخيل يومين فرع بنك الراجحي ومن أهم 3 شركات في السوق المالي السعودي .. ما فيه كااااش.!! وأثناء وقوفي على شباك الصرافين أنتظر: مر المدير على موظفينه بعد نقاشي معه بفترة .. وناظرني واقف وإلتفت ناحية الموظف((اللي كانت معاملتي عنده من ساعة ما دخلت البنك ، ورضى يكتب الشهادة أخيرا بعد ما شاف إن المقر الرئيسي ما ردوا ولا جابوا خبر))المهم إلتفت المدير ناحيته وقال بكل وقاحة: يا علي الله يعينك إبتلشت بالشهادة.!! وأنا أشوف الموقف وبدون أي إعتبار لساعات إنتظاري الأربع.!! وأخيرا: صحيح ما عندي 100 مليون بحسابي .. تخلي هذا وأشكاله يوقف عند حده وما يقول هالكلام .. صحيح ما عندي 100 مليون تخليه يتحببني عشان ما أسحبها .. لكن بالمقابل لا هذا وأمثاله يقدر يوقف فمي عن الكلام .. الكلام الذي جعل سعادته (الأربعيني وربما الخمسيني) يغتاظ ويحارش شاب لتوه تخرج من الجامعة .. ولتوه أكمل الـثالثة والعشرين من عمره .. ولديه لسان يتمناه أصحاب الملايين .. ولا يمكن أن يسكت عن حقه. كل ما في الموقع من روابط للتحميل مثل صورة لعبة برنامج اغنية مقطع فلم على رسائل مسجات الى يوتيوب سواء للبنات او للشباب لابد من تسجيل اضغط هنا و استمتع مع اجمل و احلى مواضيع كل ما في الموقع من روابط للتحميل مثل صورة لعبة برنامج اغنية مقطع فلم على رسائل مسجات الى يوتيوب سواء للبنات او للشباب لابد من تسجيل اضغط هنا و استمتع مع اجمل و احلى مواضيع عبدالعزيز الغفيلي 15/10/2009 م أتحمل مسؤولية صحة كلامي أمام الله والناس أحبتي: تفاعلكم برد أو تعقيب يهمني اتمنى توقفون مع الرجاال بصرااحه انا معه ولا هذا بنك هذا ....  ودمتم بخيــــــر  اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات  -  التعديل الأخير تم بواسطة عاشقة أحمد الموسوي ; 10-17-2009 الساعة 03:48 PM سبب آخر: تكبير الخط  |
الان اخر العروض التجارية والتخفيضات على السفر والسياحة
والفنادق والهواتف المحمولة والازياء والموضه والسيارات وغيرها الكثير على موقع
لقطه
www.logta.com
لقطه دليلك التجاري
|
10-24-2009, 01:04 AM
| |||
| |||
| رد: حساب في بنك الراجحي عمره 100 عام / قصة حقيقية
اية اللى احنا استفدناة ياجماعة ارجو الموضعات تكون جادة وشكرا
اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| طريقة الربح من موقع Bux.to العالمي شرح بالصور مع الإثبات وطريقة فتح حساب في Alert Pay | morjar | الكمبيوتر و الانترنت الحاسب و الاجهزة computer hardware | 2 | 11-05-2009 10:54 PM |
| تخيل يصبح الصبح وحسابك فيه 452 مليون ) '(طبعا في مصرف الراجحي ) | لونـ الماء | غرائب وعجائب اسرار غريبة عجيبة مخيفة و حقائق علمية | 24 | 10-26-2009 03:18 PM |
| قصة البنت الي طلبت من مطعم كنتاكي( قصة حقيقية) | @(هلالي موت)@ | القصص و الروايات و الحكايات قصص قصيرة و تعلم القصة story novelette | 2 | 10-13-2009 03:59 PM |
العرض العادي
