 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
05-10-2006
| ||||
| ||||
| حلم سندريلا و امي و الاعمال الارهابية في احد الايام الغابرة و كان يوم خميس>>ويعني كان ويك اند للي مايعرف  و بينما كنت اغط في نوم عميق>>>يا فيلسوفة زمانك >>يعني كنت في سابع نومة..و احلم اني انا سندر يلا >>اكشخ المهم الا اسمع صوت الباب ينفتح قلت في نفسي اكيد هذا حرامي خل اسوي نفسي نايمة ادري انه ما راح يلقى شي  وياليت كان حرامي..كان مالقى شي و طلع!! لكنها..كانت الولدة الله يحفظها صرخت: يا بنت قومي>> هذا اول عمل ارهابي و لا العمل اثاني و الارهابي طبعا فتحت الانوار كلها و العمل الثالث طفت المكيف و اخيرا فتحت الستاير >> ما بقى الا تفتح الدرايش و تخلي الهوا العليل يهفهف علينا >> اي هوا عليل تراج في الشرقية ما عندج غير الرطوبة حاولت احبس دموعي على حلمي اللي انقطع >> حلم سندريلا ما غيره وعرفت اني قاعدة ببيت اهلي اللين القى جوتي (الله يكرمكم) على مقاسي .. و قبل ما افكر اقوم و لا لأ .. الا الوالدة ابتدت تسرد تعليماتها قمت قلت لها يمه تكفين خمس دقايق فقط لا غير تفاجأت بصرخة لطيفة تقول : لا يعني لا >> تراني متعودة على الرقة قلت طيب بنسوي تخفيضات 3 دقايق بس .. و بعد شد وجذب وجدال طويل.. طار خلاله النوم من عيني انسمح لي بدقيقة و نص  المهم طرت اسكر الستاير و افتح المكيف و اطفي النور الا طارت نص دقيقة ووصلت السرير خلال ثانيتين و غمضت عيوني خلال نص ثانية ما بقى الا 57 ونص ثانية >> بتوقيت غرينتش انام,, فيه و احلم بعد و القى جوتي (الله يكرمكم )على مقاسي>> الحد الحين فاهمة اني سندريلا بعدين جت امي.. ونفس الاعمال الارهابية السالفة الذكرسوتها و لكن بعنف اكثر >>و اضافت اليها انها شالت الغطا و سحبت المخدة من تحت راسي>> تحسون معسكر مو بيت المهم.... قمت>> لا ن طاعة الوالدة واجبة.. الله الله ببر الوالدين نرجع لقصتنا طبعا نزلت من السرير وفتحت عيوني زين و طالعت يمين الا شنطتي حقت المدرسة مفتوحة و طالع منها كتابي الفيزياء يقول: تذكري ان عندك امتحان السبت قلت: ادري و جنب الشنطة شوية كتب على شوية دفاتر>> و كم قلم احمر.. واخضر.. و رصاص معاهم حاسبة >> صار فصل موغرفة بالاضافة الى جوتي المدرسة و العباية و الشيلة...الخ >> مابقى شي ما قليته وعلى اليسار التنورة اللي طلعت فيها الخميس اللي فات و كم بلوزة و ناظرت الكوميدي اللي جنب السرير الا مابقى كتاب و لا شريط و لا رواية و لا كاسة موية الا هي عليه>> زحمة مرررررررررة و على التسريحة حفلة ثانية كل اكسسواراتي منثرة و الشباصات في كل مكان>> تقول كليز و لا اكسسواريز >> يا شيخة كلها بو ريالين ومع كم كريم .. و فازلين>> حق جدتي و طبعاالتسريحة تبي تفيض و رجعت اطالع الا الجزم و الشرابات تغطي ارض الغرفة>> عارفة ان الموضوع فيه كنس غسل و ترتيب و رفعت راسي الا الوالدة يحفظها ربي في وجهي و ترمقني بنظرات حادة و قبل ما تتكلم قلت : يمه انا ما نمت امس تعبانة مرررة >>اصرف الوضع الا دخلت اختي قالت : ليش ما نمتي شتسوتين ؟؟؟ قالت امي : اكيد قاعدة عالنت و لا تطالع فيلم السهرة قلت : يمه لا تظنين فيني السوء؟!انا ماجاني النوم الله يهداه و ركبني الارق وعشان كذا سهرت و لا انا منثبرة على السرير من الساعة 8 >> تقول دجاجة قالت اختي : في مين تفكرين ؟؟  قلت بصوت واطي: بحبيب القلب  اثر الوالدة مشغلة الرادار و سمعتني و قالت : مين حبيب القلب ؟؟ قلت : ابد ما فيه غيره.. مازولا قالت: امي ايه هين و حاولت انسحب من ساحة المعركة.. اقصد غرفتي بهدوء >> صحيح حرب  قالت امي: وين رايحة؟؟ قلت : بروح افطر و اسهل فطور كورن فليكس مع حليب و قعدت اكل الكورن فليكس حبة حبة >> عشان افكر في خطة للهرب في الحلقة القادمة>> اعلمكم و شلون هربت؟؟ اتمنى ما اكون طولت عليكم <<< يا شيخة طولت و خلص و ان شاء الله يعجبكم الوضوع حمسوني لانه اول موضوع لي
_________________ اتفقنا على أن الاسلام هو الدين الصحيح فلنتفق على تطبيقه |
|
#2
05-10-2006
| ||||
| ||||
 هههههههههههههه والله مافيه احلى من الويك اند مع ALwlh بس ساحة الحرب أقصد غرفتك مرة تحفة صوريها لنا وراوينا موقع الحرب يمكن اكتشف اني انظف انسانة في هالوجود يلا ننتظر الحلقة الثانية بس تكفين ما تطولين
_________________ لا اله الا انت سبحانك اني كنت من الظالمين  |
|
#3
05-10-2006
| ||||
| ||||
| يسلموووووووووو يا قلبو على مرورك و ان شاء الله ما اطول عليك
_________________ اتفقنا على أن الاسلام هو الدين الصحيح فلنتفق على تطبيقه |
|
#4
05-10-2006
| ||||
| ||||
| هههههههههههههههههه من السقاف الى الوله هل تسمعني...حول هههههههههههههههههههه اقول يا وله تسلميلي والله كل هذي الحرب اتحملتيها عشاني هههههههههههههههههه المهم... عاد ما ادري غرفتك احسها تشبه غرفتي بس الفرق ان السرير عندي مالو مكان في الارض فحاطو في السقف هههههههههههههههه >>>عشان كذا سموه سقاف هههههههههههههههههههه يالله يا بنتي نستنا الجزء الثاني بارغ الصبر واذا اول موضوع لكي كذا اجل الله يستر علينا راح نموت من الضحك
_________________  |
|
#5
05-10-2006
| ||||
| ||||
| هههههههههههههههههههههههههههههههه الله يرجك ياالوله الله يرجك زي ما قال خالي الزعيم السقاف ننتظر الجزءالثاني من مغامرات سنديرلا وبدايه جدا قويه تسلمين على الموضوع الجميل |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| رسالة من ارهابي الى حبيبته الارهابية | ((( مدرعم ))) | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 16 | 04-17-2006 06:36 PM |
-الدورات
التدريبية بجامعة نجران-
العرض العادي
