عندي لكم هالقصيصة اللي مازال اثرها يتغلغل في صدري منذ الازل <--- جملة مفيده




اشياء كثيرة كاتمتها في قلبي وما اصطي احتسي عنها عند احد وقلت فرصة اسولف عنها هنا

كنت اتمنى ان يكون عندي اخ وسيم يوم اني بالابتدائي اكشخبه عند هالبزارين.. بس ماحولكم احـــد

المشكلةاللي بحتسي عنها اني تخرجت من الجامعه ولا عمر ي شاركت في حفلة الامهات وكان قلبي يفحط
عليها. ..ومتاكده ان عندي مواهب في التمثيل ..
بس الشكوى على الله وحسبي الله على من دقمني !!<<<يعني فرس خشمي في الارض وذلني مع ان مابعد عاش اللي يسويها .. اقول اهجدي وقولي سالفتس..

((اذكر مرتن من المراير في الابتدائي تهورت المدرسة وخلتني اطلع مواهبي في التمثيل .. وبحكم ان قبلنا انا وخواني مرتزين عند افلام الاكشن والتشقلب شاركت في مسرحية عن اسرائيل كان دوري جدددددددددي <<< امحق!! تجيكم السالفة..

كنت قبلي احلم في دوري في المسرحية واني بصيح الجمهور بس خفت ان اميمتي تتقطع من البتسي
بس قاومت وقلت لازم اثبت اني ممثلة صدزيه وبضغط على مشاعري<<اقولكم احس ان عندي مواهب هوليوديه
ودقيت هاللثمة واخذت ارشاش <<<طبعن ماخذته من اخو بنت جيراننا ياحبيلها يوم فزعت لي وجابته من اخوها ..يوم درت ان قايله لاخوي جبه لي ونزرني .. -ran2-
وسمعت امهم صياحي من الحوش ودقت على امي ورحمتني وجابته )))
الموهم اخذت الرشاش وانا ماسكته تذكرت وجه علام اللي مع عدنان ولينا و هذا الشي زاد الحماس وصرت امشي وارشهم بالرشاش والمدرسة الضعيفه اللي تدربنا زابنة ورا الستارة عاد انا وبعقليتي الهوليوديةفكرت انها متوزيه خايفتن مني
رحت لها وكلي حمااااااااس منقطع النظير((مدري وش دخل هالكلمة بس جازت لي))مسكتها بشوشتها وعكرت لها حسبتها مشاركة معنا في المسرحيه((هاللحظه كنت اهوجس في بالي ان الناس بترحم فلسطين وانهم بيروحون يحاربون ... لاني حسيت ان المشهد مؤثر وتنابرت مشاعر العنف عندي وبعدهاالامهات تخنقوهم العبره و يبدون يصيحون و ما قدر اكمل المشهد!

عاااادي وجه نظر وحده سنه سادس !! ومير التفت وانا حاطتن في بالي اني ما اضعف اذا شفت الناس تصيح وللاســــــــف !!!!



التفت..


والا كلن فاطس من الضحك الحين بس عرفت ان هالضعيفة اللي يسمونها ابلى نوال كلت مني علقه مهيب صاحية يمكن تستقيل عقبها وعقبها حرمت اشارك في الحفلات وكتمت رغباتي وكبت طموحي المتأجج ازاء التمثيل!!!

طططـــــــــ طن!![/