 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
10-20-2009
| ||||
| ||||
 بودع واكتم جروحي ولاني سائلك وش صـار !!!!!!!!!!!!!!! ابليس ارسلته ليتك تحس بلوعة الشـوق فينـي حتى تعرف القلب وش كثر يغليك ياللي سكنت العين واتعبت عينـي اسهرتها واتعبتها لاجل ترضيـك تعال لاتقطـع رجـاي وحنينـي والا تذكر كيف انا اهواك واجيك جيتك بطيب وحـب والله يعينـي وكل القصايد صغتها لاجل عينيك ابا الرضا واطلب عسى تهتويني وترد صوت من ضميري يناجيك ومن كان له حيله بهـا يستعينـي وكل الحيل ضاعت وبين تجافيك ابليـس ارسلتـه يحببـك فينـي رجع لي الملعون متولـع فيـك تذكار تساومني على الذكرى وانا قلبـي غـدا تذكـار وشال من الهموم اكثر من اللي شالت اوراقـي سقيته من زلال العشق ليـن استظهـر النـوار وذبل الورد ياكافـي بعـد مـا وقـف الساقـي وسكنتـك معاليقـي وغنـا لـك حمـام الـدار سجع لك واطرب اسماعك ولج الصوت باعماقي بنيت آمال فـي قربـك وخابـت والفلـك دوار اجي لك طالبك قربك واثـرك تـدور فراقـي شعلت النار في جوفي ولا به نار تطفـي نـار ولا يطفي لهيب الجوف دمـعٍ غـرق احداقـي بدون اسباب تهرجني وتتركنـي بـدون اعـذار ولا حسبت لجروحـي ولا حسبـت لأشواقـي بودع واكتم جروحي ولاني سائلك وش صـار بعد ماحلت الفرقـا دخيلـك بـس وش باقـي بودع والنوايا بيض ومن ذنبـي تـراك مجـار حفظتك في زمان العشق وببقـى عنـد ميثاقـي اصونك وانتشي بسمك واخط من الغرام اشعار وطيفك لو يطول البعد احفظـه وسـط خفاقـي وسر العشق في قلبي مصان ومن وراه اسـوار ولا تهتـم للباقـي ترانـي بحـرق اوراقــي عزي لحالي تعبت اسج الرجل مدري على وين تعتب اوجها جنوب وشمالي تعبت اقول الوضع يومين ويزين واشيل هم الوقت فوق احتمالي وان قلت ابشكي يردف الهم همين ما احدٍ تعزز لي ياعزي لحالي سمعت قول الدين مايغسل الدين والصبر مر وتالي الصبر حالي حتى نفذ صبري وذقت الامرين وطرحت من فوق الشدايد حبالي كم كنت ابي جنه وروض وبساتين تسقى على نبعٍ قراحٍ زلالي الخوخ والرمان والورد والتين والدوح كاسيها وريف الظلالي الجهد ضاع وضاع من عمري سنين وقنعت بالمقسوم وارتاح بالي الا انت ما اقنع منك ياكامل الزين ياللي غرامك ثابتٍ مايزالي ابقى على رجواك مادام حيين خذها عهد طار الجفا ما طرالي تقسى وترجع بالعذر والبراهين واسامحك واقول اسمع ياغالي ياللي سكنت العين لاتسهر العين ولا تجافي يصبح الجفن خالي ضاع الهناء الضيقه اللي تجتـول بيـن الاضـلاع عيـت محابيـس الضلـوع تخنقهـا كنيتهـا والنـاس غافـيـن هـجـاع وابديتهـا والدمـع فـاض و سبقهـا مغـرم وغـارق فالمحبـه وملـتـاع والعيـن زاد مـع التوجـد رهقـهـا اقول طاع الوقـت والوقـت ماطـاع خطـرٍ معاليقـي تفـيـض علقـهـا اصفق بكفٍ كـف واطـق الاصبـاع واضرب على حـدب تزايـد وهقهـا اونست حر البعد واونست الاوجـاع و انـا وهمـي بيـن خذهـا وذقهـا على الذي قفى ولا انـوى بمرجـاع كلمـة توادعنـا عـجـز مانطقـهـا اقفى وقفـى بالفـرح والهنـا ضـاع حتى المشاعـر فـي غيابـه سرقهـا كم كنت اقول الصاع اجازيه بالصـاع ماهمنـي فرقـا ولا مـن طرقـهـا ما اشوف غير اللي حوى حلو الاطباع حتـى العـواذل ماشحنـي حمقـهـا حتى برك قلبي على حدب الاضـلاع ذاق الفـراق ولوعـة اللـي عشقهـا قطر الندأ لاضاق صدري من عنا وقتي تنصيـت الطـوال اختص لي قمة جبـل كنـه مـن جبـال الهـدا اهذب واعجل خطوتي تشوقنـي روس الجبـال مرات اهوبل بالغنـا واحيانـا اطـرب واحـدا لين اعتلي واجر صوتٍ لـج مـن بيـن النحـال من عقبها اسكت شوي ايرد لي صـوت الصـدا مجنون قل عني كذا مانـي بحسـب لمـا يقـال اسوق شوفي فالخـلا الـى الـى مالـه مـدى اداير افكـاري وارتبهـا علـى نسـج الخيـال لو كان مالي من همومـي لامنـاص ولا جـدا هم لجا في ضامري وسط الحشا جالـه مجـال غدا معه فكري وانـا غـادي مـدام انـه غـدا الحب دمر مهجتي واصبحت في جـرفٍ هيـال لو كان قلبي مـن حديـد أ يذوبـه قطـر النـدا اتعبت رجلي للذي حبـه كمـا الشهـد الـزلال حب النقا حـب الوفـا بعيـد عـن درب الـردا هي كلمتيني يـا خليـل القلـب مافيهـا جـدال لعـل مـن يعـذل هوانـا ياوليفـي لـك فـدا ترا السعـد محـدود والدنيـا تواليهـا الـزوال جاذبني حروف الغـلا ونعيـش بالحـب سعـدا خذني غلا خذني وفا خذني و خذني راس مـال وانا بحسبك مكسبـي والفكـر والقلـب اشهـدا واهديك كاس من الوفا وانت اسقني كاس الوصال ارجوك ياعـذب اللمـا الجهـد لايصبـح سـدا الشاعر عبدالله العصيمي
_________________ |
|
#2
10-21-2009
| ||||
| ||||
| رد: بودع واكتم جروحي ولاني سائلك وش صـار !!!!!!!!!!!!!!! مقطوفات رائعه بروعة احاسيس صاحبها ياليت ماتردني دمت بود
_________________  |
|
#3
10-21-2009
| ||||
| ||||
| رد: بودع واكتم جروحي ولاني سائلك وش صـار !!!!!!!!!!!!!!! يعطيك العافيه طولت غيبتك واشتقنا لك ارجوانه تسلم على مرورك الجميل
_________________ |
|
#4
10-22-2009
| ||||
| ||||
| رد: بودع واكتم جروحي ولاني سائلك وش صـار !!!!!!!!!!!!!!! ثلج,,لك مني أجمل وأرق تحيه,, ع الطرح المميز’’ تحياتي وودي إلك,, |
|
#5
10-22-2009
| ||||
| ||||
| رد: بودع واكتم جروحي ولاني سائلك وش صـار !!!!!!!!!!!!!!! لون الماء تسلم على مرورك الدائم تحياتي لك
_________________ |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
