(( ليتني ماتغليت ))

جيت آتغلا ليتني ما تغليت
العيد جبته يوم جيت آتغلا

كنت أحسب أني لو تغليت ما اخطيت
أثره صحيح أن من تغلا تخلا

كان الهدف من صدتي يوم صديت
أشوف في قلبك إذا لي محلا

لا تحسبني صامل يوم قفيت
القلب رافض عن هواك يتخلا

ما تدري انك من على دنيتي جيت
شفت البدر في دنيتي لا تجلا

وما تدري انك كل ما جيت لبيت
كنك تناديني ولك القلب هلا

وما تدري اني لا لمحتك تفديت
أشوف حبك في فؤادي استحلا

لا جيت أوصف فيك يا بنت أزريت
لأن الخلايق من حلاك اتحلا

إن شفت عينك تهت فيها وتعنيت
ورموش عينك ذي سيوف تسلا

لا سلهمت عينك توهقت وعانيت
تنشب رموشك في بعضها واتبلا

والحاجب المقرون في حله بليت
لغز صعيب وما لقا من يحلا

والخشم رسمه لا نظرته تباهيت
والقلب لا شافه من الهم يسلا

وعليك مبسم من حلاه استجنيت
جمر حمر ماخوذ من نار تصلا

وعليك شعر لا نثرته وفليت
كن الظلام يحل والصبح يجلا

وعليك خصر في وصوفه تغنيت
خصر نحيل وفي جمالك تعلا

وعليك مشيه تذبح اليا تمشيت
كنك تعد اخطاك والقلب ولا

يعني من الآخر أنا منك وليت
يا حظ منهو داله ويتسلا

هذا اللذي في دنيتي بس حبيت
اللي يبيني خل وابيه خلا

لاجيت أوصف فيك يا بنت ذليت
أخاف أوصف شي والناس تبلا

يا أم الحلا يا ليتني ما تغليت
العيد جبته يوم جيت آتغلا

وسلامتكم


منقول

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي