_________________

ــــــــــ سيكون ردي هنا وشاكرلكـ، على الطرح ياعزيزي فله ـــــــــــــ

يعطيك العفيه اخوي فله على الموضوع الرائع


ومشكلة شبابنا الرئيسيه انهم يعتمدون على الغير

وفيه بعضهم الدلع الزائد

تلقى ابوه او امه متى ما قال ابي كذا قالوا تم ويحضر له على طول

واظن ان هذا اللي يسبب لهم هالحاله

ومره ثانيه اشكرك على الموضوع

ونعم المواضيع يا فله


عن نفسي والله لدفنت الثمايل وحشيت العُرّق وحوقت وحصبت البلاد ....وياما قطعت أيدي المكاتل وانا أجيب بطحاء وأودي بلك

وذاك اليوم ما أنساه يوم أني نويت أتمرجل وألقط لي كرتون حق برتكااااااان خخخخخخخ وأنكفت في البرشومي وهات يا فله يد فيها كف ويد فيها ملقاط ولا خرج عمك إلا وهو زي القنفذ من الشيكان (الله يكفيك شرها) خخخخخخخ

عاد التحطيم جاء يوم قالوا لي :ما لقيت إلا هذا الصم اللي يسدد حلوق العرب احم احم هههههه


بعد هذي الحادثة زاد إصراري وقلت ما عني وعن الحماط (حاول تترجم يا فله لزوار موضوعك)خخخخخ

المهم أخذت لي هواري وشنة ..... وهات تجميع من الزبيب اللي على الخرزة إلى أن تعبت الهواري وما بقي إلا أرص الزين فوق لكن من غشامتي كانت الرصة العليا كلها حلاليق خخخخخخخخ

عاد ما ودي أطول يا فله لو شفت لي ديانة ماشية بلغني ولك عمولة ههههههههههه

تحياتي لكاتب الموضوع المهني

اشكر مشرفي القسم لتثبيتهم وتميزهم الموضوع ان شاء الله يكون بالفعل مميز

جوهر احساسي يسعدني انك اول واحد ترد وانتظر ردك


ملتح الله يعطيك العافيه (اترجم لزوار موضوعي وش اترجم وش اخلي كله يبيله ترجمه)

بس ابحاول (يازوار موضوعي ملتح يقول انه تعب واشتغل وواجه صعوبات كثيره)

منورين الموضوع الله يعطيكم العافيه

_________________