ماشاء الله تبارك الله ماشاء الله لاقوة الا بالله اللهم انا نسالك الهدى والتقى والعفاف والغنى

روابط مهمة و مفيدة : لاستعادة الباسورد الرقم السري || كيف يتم تفعيل الاشتراك || أفضل طريقة لطلب كود تفعيل على البريد

من جنب العارضة · #1 05-27-2006

نظراً .. لطول مشاركتي ... وكثرة التعليقات .. على موضوع الاخ / مهجول المدرسة

ارتأيت اني اخصص له موضوع مستقل

والله الموفق

والله والله والله .... ياهالشباب اللي انتوا تتكلمون عنهم .. بغض النظر عن وظيفتهم وماهيتها ..... انهم يسوون مئات من شبابنا .. اللي يترزز بالملابس الفخمة والسيارة الفخمة والقصات الستايل و و و .. تعجبك مناظرهم ..... وهو عايش على ظهر ابوه ولا امه
الشغل مافيه عيب أبد .... العيب البطالة .. العيب التسدح في الشوارع .. العيب هو من ترى أشكالهم كالرجال وعقولهم واحلامهم وامالهم وتطلعاتهم ... أسخف وأصغر وأحقر من الهباء المنثور
المشكلة ان الميزان عندنا اختل بشكل غير عادي .. وبوتيرة متسارعة توحي بتصاعد المشكلة وتناميها إلى حد قد يدفع ثمنه المجتمع الشئ الكثير ؟؟

غريب !!!!! أن ترى شاب يعمل في مهنة النظافة
(( ركزوا على كلمة يعمل ))

وليس غريب ان ترى شاب .. وصل ليله بنهاره سهرا
وليس غريب ان ترى شباب .. امتلأت بهم الشوارع وضجت بهم اركان المراكز التجارية .. لاهم لهم الا المعاكسة وخدش حرمات الله
وليس غريب ... أن ترى شباب ... أي شباب بس ... رجاااااااال تجاوزوا الثلاثين .. ولا زالوا يعيشون عالات على ابائهم وامهاتهم

مصيبة اذا كان العمل .. عيباً .... .. أو يقال ... أفاااااا ... سعودي يشتغل كذا !!!!! .. ياخوي ماتلاحظون انكم ماخذين مقلب في انفسكم .. وش اللي سعودي !!! ومايصير

سؤال .... هالانسان الخارق الغير عادي سيد باقي البشر والأعراق .. السعودي .... وش سوى !!!!!!! تكفون قولوا لي .. في ميزان الأمم وش قدمنا !!

السعودية - الحرمين الشريفين - البترول =

20 مليون شخص في بر ناقصهم شبك بس

أنا ماراح .. أقول .. إذا وصلنا ماوصلت له الدول المتقدمة من رقي وحضارة و و و و نتكلم ... لا .. لأنه احنا اساس الحضارة والتطور والعلم .... هنا من هذه الارض .. ابتدات الرسالة التي ملئت الدنيا عدلاً ونوراً .. نشرت العلم والثقافة .. والتطور في شتى انواع العلوم .... ومع ذلك كان منا الخباز والبناء والخادم .... لأن الاسلام .. سمعتوا ... الاسلاااااااااااااااااااام .. جاء ومعه كل الحلول .. لكل المشاكل الاجتماعية والاخلاقية والنفسية ... ولكن من يطبق ...... مارضينا به وفضلنا ان نكون ..
قروداً مقلدة لكل ماهو ساقط في الغرب

(( حتى في التقليد ماعندك أحد ))
وصرنا كروشاً منتفخة .. يلقي فيها العالم مافاض من صناعته وملابسه ومأكولاته .. نتلقفها بأيدي ممتدة وأفوااااه مفتوووووحة مشرعة .. وعيون شاخصة .. تنظر لمh وراء الافق .. لا تفكيراً وتطلعاً لمستقبل يزخر بالنهوض والرقي .. وانما تساؤلاً عن موعد الدفعة التالية .. مما فاض عند اسيادنا يلقون به الينا .
(( نعم اسيادنا .. مادمنا .. لانصنع ما نلبس او نشرب او ناكل اونركب او نسكن شيئااااااااااااا .. وانما هو عند أهل العلم فقط!!! نحن لا علم لنا
ولا نستطيع الا صناعة الكباريت وتجميع باصات البنات ياليته حتى تصنيعها))

أنا هنا انهيت .. ماهو واجب المواطن الصالح الحق ، وماهي النظرة الواجب على المجتمع ان ينظر بها للاعمال .. بغض النظر عن نوعيتها وماهيتها ..

الشق الثاني .. وهو ... حكومتنا العزيزة ...... وتماشياً .. مع ماهو دارج الان من مناصحة وشفافية وتقويم للأمور .. من غير سب او قدح او انتقاص من قدر أي شخص كان ...... اختصر الكلام الى مايلي

لايخفى على أي كان من خارج هذا الوطن أو داخله ... الجهد الصادق الوااااضح والتفاني اللامحدود والبذل في كل مناسبة .. من لدن

خادم الحرمين الشريفين الملك / عبدالله بن عبدالعزيز آل سعود ... حفظه الله ..

ياخادم الحرمين .. والله والله ... اننا نثق في صافي نيتك وطيبة قلبك وحبك الذي غمرتنا به ... ولكن ياسيدي .. .هناك .. غيلان أكلت خيرات هذا الوطن ... هناك منهم من اهل ثقتك .... لا يخافون الله في مواطينكم وابناء شعبكم .... ياسيدي لقد لمسنا بحق سعيكم للتغيير وفي اقرب وقت للأفضل ... ولكن !!!

ما المهم .. أن يثير بعض من المسئولين وأهل الثقة وأهل القرار ... موضوع قيادة المرأة ويطبلون له ......... وهي لم تأخذ أبسط حقوقها في الاسلام .... حتى لم تأخذ أبسط حقوقها كأنسان ........ ماذا تريد السيدة المعلقة لا المطلقة والتي تعيل اطفالها السته او السبعة او الثمانية ... من قيادة السيارة !!!!! .. طيب والسكن !!!!! .. ياخادم الحرمين .. هل قالوا لك ... بأن من أقل نسب التملك للمساكن .. المساكن المساكن . البيوت ... عندنا هنا في السعودية !!!!!!!!!!!! وش تستفيد المرأة من قيادة السيارة وهي اساساً ماعندها بيت ..
الا ان كان بتكد خط بلدة مع مناحي .. ولا تطق لها كامري .. وليموزين !!!!!!!!!!
طيب آمنّا بالله .. صح لازم قيادة المرأة وهذا تطور ورقي ومواكبة للحضارة ... طيب اللي زوجها عامل من اللي فوق في الصورة .. كيف بيشتري لها سيارة .... .ولا انتوا بتسمحون به بس لطبقة معينة !!!!!!!!!!

بديت احس اني ازحف للرصيف .. وان الموضوع بينمسح ... بس تدرون والله ماعاد يرجع هالكلام اللي في راسي وان ينكتب ... و ربك كريم

نرجع لموضوعنا

ياخادم البيتين .. ... هل من المعقول ان يعمل خريج الثانوي .. وحملة بعض الدبلومات .. في وظيفة عمال نظافة أنا هنا لا انتقص من الوظيفة .. فكلامي السابق فيه شرح كافي .. انما اتسأل واستغرب واتعجب ... من تطور وظيفة عامل النظافة بحيث اصبحت تحتاج .. لدراسة 12 سنة في المدارس .. مصاحبة بخسائر بالاف الريالات سواء على الأهل من دفاتر ولوازم ودروس خصوصية .. أو على الحكومة التي تكلفت ببناء المدراس والنفاق على صيانتها و و ... وش عمارتها وش بنائها ...
تصدق ياخادم الحرمين مدراسنا مستأجرة
.. يعني زيادة في الخساير أكثر وأكثر ..... ول ول ول كل هذا علشان عامل نظافة .. أجل الدكتور والمهندس والمحاسب و و و و كم بيكلفونا .. لو قسناهم على مؤهلات عامل النظافة !!!!

رفقاً بنا ياخادم البيتين .. والله ان هذا الوطن وابناؤه يحبونك ويدعون لك بالخير وطول العمر ... فلا يضيعهم من هو متملق مستنزف لك .. وحاقد وكاره للبلد وابناؤه ........ ياخادم البيتين .. والله ان هناك من ابناء هذا البلد من لا يجد الوجبة الواحدة ..... هناك من لايدري ماذا سيحصل له بعد قليل وليس في الغد .. من قل ذات الحيلة .

ياخادم البيتين .... الا يعني انتشار الدعارة والبغاء وبيع الهوى شيئاً .... الا يعني انتشار بيع المخدرات ولجميع فئات وطبقات وشرائح المجتمع من نساء ورجال واطفال ومراهقين ... الا يعني كثرة السرقات .. والرشاوى ... وقضايا الاختلاس شيئاً ......... والله ان كلها تعني .. ضيق ذات البين وقلة الحيلة ... وهو ليس عذراً لمن مارس ماسبق ولايعفيه من الذنب والجرم الذي ارتكبه ... ولكن الا يمر بخاطرنا التساؤل لماذا فعلوا مافعلوا ؟؟ هناك خلل

ياخادم البيتين ... في بلادنا .. لاوجود .. للكفؤ وانما للأبن ...................... فابن الضابط ضابط .. وابن التاجر تاجر .. وابن الوزير .. يفتح شركة ويستلم كل مشاريع الوزارة ................ خلاص لماذا اذن المدارس والامتحانات والخسائر ..... توزع الوظائف على العوايل المسيطرة عليها .. وهي تتصدق على باقي الشعب بما تجود به انفسها .... على المساكين من ذوي التقدير الممتاز ومرتبة الشرف .. بس ماينفعون .. ماعندهم واسطة

ياخادم البيتين ....... اتدري ان الزيادة التي اقرت .. للمواطنين ... خدعوك بها من هم حولك ....... أتدرى ياخادم البيتين .. أن أشد الناس حاجةً واستحقاقاً لهذه الزيادة كانت زياداتهم .. مابين 180 - 500 ريال !!!!! وأن من هم أقل الناس حاجة اليها كانت زياداتهم تترواح مابين 2000-3500 ريال !!!!!!!! .. هههه كأنك جيت للدب وعطيته سطل سمن .. وجيت للنحيف اللي داقه السل وتقول خذ هذي حبوب مسهلة ...... لا والتجار .. وما ادراك مالتجار عندنا ... على طول طقوا البضايع زيادة بنفس زيادة الرواتب !!!!!!! ياخي حرام عليكم والله العظيم حرام عليكم

تدري وش يقول لنا وزيرك حق التجارة ...
يقول هاااه شوفوا خذوا هالرقم المجاني وماعليكم لاتشيلون هم .. اي احد يتلاعب ويلف ويدور في الاسعار .. دقوا علمونا عليه ...

أنا صدقت .. واتصل .. بقول لهم عن واحد من هالشاكلة من تجار مصاصي الدماء

رد على الموظف وقال : طيب ياخي لاتشتري منه .. رح للعثيم ولا بنده

لا ياشيخ .. داق اتوصف منك الاسواق ياوجه البريق انت .. ياخوي انا اتصل ابغى ابلغ على واحد نصاب مااقول وش رايك منين اشتري ..

قال : والله هذا اللي عندي !!!!

ياخي وش اللي عندي وشو اللي مكلمك لمبة اسطب يابوالشباب .. ولا مفتاح عجل ... ياخي انا مواطن
... طوووط طوووووط طووووووط ....
هذا صوت الخط ياخادم البيتين يوم رزعه موظفكم النجيب الرقيب اللي بيرجع حقوق العباد في وجهي !!!!!!!!

تدري ليش .. لأنه من أمن العقوبة أساء الأدب ......... الوزير يصرح وابن امه يقول هاااه وين كلامك .. مدير الادارة تجي تقول تدوام في مؤسسته الخاصة ................. ظلم ظلم ظلم ظلم .. لأبعد حد .... ولكن نرجع ونقول من أمن العقوبة اساء الأدب

وختاما

اذا جــار الأمـيـر وحاجـبـاه
وقاضي الأرض أسرف في القضاء
فويـل ثـم ويـل ثــم ويــل
لقاضي الأرض من قاضي السماء

اتقوالله فينا .. اتقوا الله فينا

اعتذر عن الاطالة ............ واتقدم بخالص شكري وامتناني وعرفاني ... لخادم البيتين .. على سعة باله .. وحلمه الذي هو لنا رجاء بعد الله سبحانه

والعذر موصول للجميع ... سواء من ناحية الاطالة ... أو من ناحية الالفاظ .. أو تشتت الافكار

كتبت ماسبق فان أصبت .. فمن الله .. وان اخطأت فمن نفسي والشيطان

مع محبتي

منتديات مدرسة المشاغبين - منتديات عالم الجريمة حوادث كوارث جرائم

الحب الأبدي · #2 05-27-2006

تحياتي أخوي من جنب العارضة،،،

والله أنك تستاهل كل خير
والله أنا معاك في اشي هذا
كثير ما شفنا أولاد هاي هاي <<<<يعني كاش مني
يدورون في التحليه ويدورون علي الشمال طيب وين موقع الشباب من الأمة
وين موقع صاحب السيارات المرفه من الأمة
وين وين وين

طيب عامل نظافة والله شرف (( أيش تبغاه يسوي لو غازي ما عطاه فرصة في الشركات ؟؟))
حرام عليكم
متخرج من الثانوية ومالقاله وظيفة
كيف تبغون يتزوج؟؟
كيف تبغون يهيئ نفسه على الزواج وعلى المستقبل؟؟
كيف ما تبغاه ما يروح للحرام؟؟
كيف وكيف وكيف...

أتمنى أن كل شخص فينا يسأل سؤال على نفسه...
وين موقعي أنا من المجتمع؟؟

قلت إلي عندي

وتحياتي لكم شباب
الحب الأبدي،،،

اسيرالوهم · #3 05-27-2006

يعطيك العافيه وانا اويدك الشغل مرة مو عيب
العيب البطاله لازم الواحد يعتمد على نفسه مااحد راح يدووم لا حد في الدنيا هذه

موضوعك رائع

وتقبل خالص احترامي لك
ابوفارس

طقم كبكات · #4 05-28-2006

كلبــــــــــــــــــــــــــشوه وهاتـــــــــــــــــــــــوه (مدير المباحث)
الرجال ماقال شئ غلط (الضمير الحي)
ينصر دينك (المواطن )
أنت رائع (أنا)

المصقار · #5 05-28-2006

والله اخوي جنب العارضه انك اعطيت الموضوع حقه وفصلته وهندسته وجبت السبب الحقيقي لتجاه الغلابة لمثل هالمهن لا واوجدت الحلول ناصح والله الله يستر عليك ومشكور على الطرح القيم00

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر رد
حنا السعوديين احسن ناس في العالم	مناحي	منتديات الفسحة العامة	19	06-24-2008 07:52 PM
بلاوي السعوديين بالبحرين .. الله يفشلكم	susy	منتديات عالم الجريمة حوادث كوارث جرائم	43	05-25-2008 11:03 AM
موضوع يخص السعوديين والسعوديات ادخلوا ارجوكم	مشاعر فتاة نجد	منتديات عالم الجريمة حوادث كوارث جرائم	8	03-25-2006 08:16 AM
اشهر 100 حديث ضعيف وموضوع	ارشيـف	المنتدى الاسلامى	11	05-08-2003 05:49 AM
قصتي يوم أدخل على موضوع نهاية عذاب اللي يخوف ( أشوف واحد يضحك )	مصرقعة الرياض	ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه	10	04-13-2003 11:47 PM