 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#21
11-14-2009
| ||||
| ||||
 رد: (( نهاية جنون )) روايه حجازيه >>> الكاتبه قطعة شوكلاته البارت التالت """" جنونـــ شباب >> متجمعين الشباب في الصاله كالعااده ومشغلين فلم هابط جدا جدا جدا ومبسطين قدام السفره الي صارت تشتكي وتبغا احد يرفعهااا من الارض وكلهم مندمجين مع الفلم اخر اندماج ماعاد عبود طبعا بالو مع سعديه الحبشيه .... سعديه طبعاا هادي وحده من الحبووش الحلوين مره وجسمها جنان ودايم لابسه بنطلونات ماسكه والونها فاتحه وعبود عيونوو تطير نواف وشاف لقطه اليمه : ابوك يا شيخ مئيد لا تشوف انت صغير مئيد : اماااا انور : صح وربي ريان : ول ول عبود شوف يا شيخ عبود : ................... ريان لف علي عبود لما مارد علي لقاا يطالع في سعديه الي نازلة من الدرج وفي يدهااا سبت الغسيل .... عبود : الله يعطيك العافيه سعديه سعديه:تسلم ابود الله يعطيك العافيه ورفعت ميداليه شكلهاا غريب وقديمه : حق مين هادااا ريان: هاتي حقتي مشيت وخشت من بينهم وصلت عند نواف واعطتو الميداليه ولفت علي عبوود وهياا تدلع وتتميع وتتمصخ ومدت لوو فلوس وقالت :هداا فلوس كانت في بنطلونك ولمست يدوو بعد ما اعتطو الفلووس وجالسه تسوي حركات مالهاا داعي ,, ريان : سعديه سعديه : نعم ريان : روحي شوفي شغلك نواف مع الفلم مو معاهم : هههههههههههههههههههههاااااي وربي كاي ريان مئيد وعبود : ؟؟؟؟؟؟ سعديه راحت وعبوود عيونوو معهااا الين خرجت من الصااله نواف : عبود امسك فكك لا يطيح مئيد ونواف وريان وانور : ههههههههههههههههههههههههههههههههههههه =============================== اكرام جالسه في المطعم وعيونهاا محمره وباين انهاا زعلانه وطفشانه وزهقاانه ومقهوره ومعصبه واي حاجه وكل شويه تطالع في السااعه دخل فاروق وجالس يتلفت يمين وشمال انتبهت لو اكرام واشرت لو بيدهاا جا وجلس قدمهاا فاروق : ايوه اكرام : مره مره مقهوره كنا متفقين انا وهنووو نتعشي سوااا بس امهاا الخراا ما خلتهااا فاروق: بس عشان ما جات تتعشي مسويه مشكله اكرام : مره وشحتني مره مره وربي مره من زمان ماشفتهاا امهاا نكديه وما تحبني شكلهاا فاروق: ليش ؟؟ اكرام : مدري ايش شايفه علياا فاروق : ما عليكي ومادام كلمتيني انا راح اونسك اليوم اكرام : والله ؟؟ ما اعتقد انا اذا اتنكدت اتنكدت فاروق : ايش تعطيني لو خليتك تنسي اكرام : ماراح اعطيك شي فاروق : بخيله اكرام : ههههههههه فاروق : شوفتي من اولهاا خليتك تضحكي اكرام : فاروق الله يعافيك وبعدين تعال فين ديلك عنك فاروق : عبود فاصلها معا مؤقتا اكرام : افا افا انت فاصلهاا مع عبود عسي ما شر فاروق : اقول لا تذكريني بي الحيوان ... المهم قومي تعالي اكرام : علي فين فاروق : قومي ماراح اكلك اكرام : طيب وقامت مع فرفر وخرجوو من المطعم وهماا في السيااره ومشغلين شريط اغاني راب عربي ومتونسين واخر فله اكرام : فرفر فين راح توديني انطق فاروق : راح اوديكي استرااحه فيهاا شباب وشكشكه وفله تنزلي معاياا وما تهرجي عشان ما ننفضح اكرام : هههههههههههههههه الله يرجك فاروق : من جد اكرام : مو وقتك فاروق : من جد اهرج يا كيمو اكرام : فرفر ار يوو كريزي بوي فاروق : ايوا انا يسموني كريزي بوي اكرام : ههههههههه مني نازله يا مجنون ارتاح رجعني بيتنا خليني اكبر المخده وكده اصرف لي فاروق : بلا هبل تعالي اكرام :اقول شقلب من عندي لو تموت ما جيت معاك فاروق : انا اوريكي كيف دحين ولبق السيااره علي جنب ونزل وفتح شنطه السياره وخرج شنطه كبيره وركب فاروق : شوفي بلايز نقاا رهيبه ومره وسيعه راح تدس البتاع احم احم احم اكرام : هههههههههههههه الله يحرقك فاروق : البسي وحده مع هادا البنطلون الكبير فله شكلك راح يصيرزي الوز اكرام:ههههههههه فرفر لا تضحكني وفين البس انشاالهر فاروق : الشارع فاضي وبعدين البسي علي ملابسك في السياره مو صعبه اكرام : متئثر بي افلام الانمي >>> مدري ايش دخل الانمي فاروق : يلا بلا هبل اكرام قلبت جد : فرفر اقول بعد مو منك مني انا الي راكبه معاك يا مريض بعد خليني ادق علي سواقي ونزلت اتصلت علي سوقهاا وقفت برااااا بعد ما كلمتوو فاروق : اخر كلام اكرام : يب يب فاروق : يلا انا رايح علي كده اكرام : يا نذل استناا سواقي يجي علي الاقل فاروق : طيب اكرام : جالسه تفكر ( ابوياااا مستحيل يجي دحين ولو جاا مو سائل انا فين ومرة ابوياا تولي طيب مين ممكن يكفشني ما احد ولوو احد كفشني واشتكي عند ابويااا ما اعتقد ابوياا راح يقولي شي اكتر شي يسوي يقلل علياا المصرووف اصلا شكلي انا مو بنتوو شكلوو جابني من عند المسجد شكلوو اكرم بس ولدووو ليش يعبروو وما يعبرني ايش المعني طب لو كفشني اكرم هزت راسهاا لا اكرم ما يروح جلسات شكشكه يوووووو يووو يووو يوووو ) اكرام : فرفر هات هات الملابس ابغا اروح معااك فاروق: تعجبيني يا شيخه اكرام : هات بلا تكتير فاروق : طيب خدي خوشي البسي بسرعه فوق ملابسك اكرام : ما يحتاج فسخت عبيتهاا ورمتها جواا السياره ولبست البنطلون والبلوزه علي ملابسهااا وشكلهاا مره يضحك لان البلوزه مره كبيره فاروق: هههههههههههههه فسخ حزاموو :: خودي خودي الحقي البنطلون لا يطيح اخدت الحزام وربطتوو وصلحت نفسهاا ووقفت فاروق : هههههههههههه يجي منك يلا امسحي المكياج بسرعه لا تبقي شي اكرام فتحت شنطتهاا وطلعت قطنه وكريم ومسحت المكياج تمام ما بقت شي اكرام : كده تمام فاروق : يب يب تعالي وخرج بنداله من الشنطه وربطلهاا هياا علي شعرهاااا ولبسهاا فوق البندانه كاب فاروق : وربي شكلك رهيب ولد خكري ميه ميه اكرام : ههههههههههههههه انقلع فاروق : ارفعي طربوش البلوزه علي راسك عشان شعرك لا يبان اكرام : اوكي فاروق : اخر شي فصخيلي العدسات هادي اكرام : اوكي فاروق : وربي لو شوفت ولد كده غصبن عني اقلب قاي اكرام : ههههههههههههههههههههههه منحرف فاروق : لا لا ما تفقناا علي هادي الضحكه تبغي تفضحيناا اكرام : اصلا ماراح اهرج ريح نفسك فاروق: ههههههههههه طيب نزلي البندانه علي حواجبك عشان لا تبان اكرام : لي ما تبان يعني فاروق : بلا عبط منمص ابو اهلهاا وتبغيهاا تبان اكرام : اها صح صح وعدلتهاا : كده تمام فاروق : تمام التمام شكلك مره ولادي يا بنت بس باقي شنب خفيف وتصيري ولد يسدح اكرام : هههههههههههههه يلا متحمسه اخوش عالم الشباب فاروق : ههههههههههههههه متحمسه اكرام : ايواا مره بس تعال ما يقولوو ايش دخل النقاا في الشكشكه فاروق : يوو ايش يدريكي انتي عن الشباب الي في جلسات الشكشكه اكرام : بجد فاروق : وبعدين اذا احد حاول يكلمك بي القوه اتلصقي فياا عشان يحسبونا قاي اكرام : ههههههههههههههه قاي فله فاروق : يلا مشيناا اكرام : قدااام ==================================== عمر موقف السياره في محل منزوي ومضلم ومشغل اغنيه مال اهلهاا داعي وةمتكي وعيونوو مغرغره ومحمره وحابس الدموع بي القوه وافكاروو هناك بعيد عند برووو بيتذكر ايش كان يسوي فيهااا ابرار: عمر طب الله يخليك قولي فين رايح عمر : رايح في ارض الله الواسعه لازم تعرفي يعني ابرار: طيب انا اخاف اجلس لحالي عمر: تخافي ليش انشاالله بلا دلع اقول ابرار: طيب لا تخليني لحالي عمر : الا راح اخليكي مع الاسف الشديد ابرار تجري وتمسك يدووو : عمر خدني معاك طيب عمر: يجر يدوو يا بروو بالله فارق من عندي اتاخرت عمر خنقتوو العبره .. ياربي ايش سويت لهاا ايش سويت في نفسي ياربي ليش عاملتهااكده وربي اني حيوان وربي ما استاهلهاا احسن انهاا راحت وسابتني رن جوالوو وقطع علي الي في بالوووو عمر : هلااا اسامه : هلا عمر فينك ؟ عمر : ما ادري اسامه : بلا زناوه عمر : انت فينك يا شيخ وانا اجيك اسامه :توي طالع من البيت عمر: اجل نتقابل في الكباين اسامه : لا تتاخر طيب عمر: خير انشاالله ************************************** ليلي جالسه علي الاب توب وفاتحه ستين محادثه مع شباااب ومشغل الاسكايبي والبالتوك وفوق كول ده مشغله الكام وفالتهاا مع نفسهااااا ومندمجه مع واحد امارتي مره بي الطول والعرضه وساحبه علي الباقين هزاع : طيب حتي هادا شعرك ليلي : ايوه اجل شعر مين هزاع : هههههههههههه لا لا اقصد مره طويل ليلي : اذكر ربك لا يتنتف شعري هزاع :ههههه لا تخافين عيوني مهي بحاره ليلي : طيب وايش قلت انت هزاع : اممممممم ما قلت شي ليلي : اجل طير وقفلت المحادثه واعطتوو بلوك علي طول وقفلت الاب توب بكبروووو واتمغطت لها شويتين تحس ********** وجعها من الجلسه وقفت ولبست روب فوق قميصهاا الخفيف وخرجت براااا وراحت علي غرفة بنتهااا ودقت البااب بي هدوء ليلي : زوزه زوزتي عزيزه : هلا مامااا خوشي ليلي فتحكت الباب ودخلت : ما نمتي الين دحين عزيزه : لا ليلي : اشبك طفشانه عزيزه : مره ابغا اتفتق من الطفش ليلي : خلاص علي الساعه سبعه ونص نروح نفطر ايش رئيك عزيزه : فكره بس لو تخليني اروح مع صحباتي يكون اصرف ليلي : اوكي اجل اتفتقي تمام من الطفش روحه مع صحباتك مافي ويلا تصبحي علي خير عزيزه :................ (( لا تستغربوو من الناس المعقدين وراهم مصايب )) ************************************************** *************** فاروق : كيموو عن الهبل اتلحلحي اكرام : فرفر لا والله من نازله الاولاد شكلهم يخوف تخيل عرفوو اني بنت فاروق : ايش يدريهم بله اكرام : ما ادري فلنفرض انهم عرفوووو فاروق : يا ليل راح تنزلي ولا لا اكرام : لا فاروق : اجل مني مرجعك انطقي استني في السيااره الين اطفش من الجلسه واجيكي اكرام : نو بربلم انت وقف السياره في مكان استراتيجي عشاان اشوف الرايحن والجاين واتونس كده يكفيني فاروق : احلفي بس اكرام : والله جد واذا انت اتاخرت وانا طفشت راح ادق علي سواقي لا تخاف فاروق : اوكي مالت علي شكلك حقهاااا تنزلي بعد ما زبط شكلك اكرام : اقول خلصنا يلا شقلب فاروق : اوك ولبقلهاا السياره قدام باب الاستراحه ونزل ******************************************** اسامه : افا عليك بس عمر : والله جد اسامه : يا اخي ارجع لي ابوها وكلموو كلام رجال مو تروحلهاا هياا عمر : هياا دلوعة ابوهاااا ولو هياا وافقت وسامحتني واقتنعت راح تقنع ابوهاااا اما طلما هيااا لسه شايله ما راح يتغير شي اذا رحت لي ابوهاا يا اخي افهمني اسامه : اهااا عمر :..................... اسامه : وايش راح تسوي طيب عمر : ارحمني يا اسامه لو ادري ايش راح اسووي ما كان جلست لك اسامه : يا ابني لا تتطلع قهرك علياااا روق وصلي علي الحبيب عمر: علية الصلاة والسلاام اسامه : يحلهاا ربك ما يبلي الا ويدبر عمر: يارب بجد مالي داعي بدونهاا اسامه: يا اخي انت انسان عجيب توك الي حسيت صدق من قال ما تحس بقيمة الشي الا لما يطير من يدك عمر : من جد اسامه : تعال ابغا اسالك انت ايش كان احساسك يعني ماني عارف تفسير لي تصرفاتك الا انو عندك انفصام شديد في الشخصيه كيف تحبهاا ومبهدلهااا كيف كيف عمر : يا اخي من كتر احبهااااااااااااااااااا قمت اخربط اسامه : الله يكون في عونك بلا حب بلا وجع قلب وفيفا العزوبيه عمر: بلا اسكت اقول انت جرب تحب احد وشووف اسامه : اهو انا احبك مني حاسس بي أي شي جديد عمر : اقول شقلب من عندي ******************************* نواف متمدد في غرفتووو وسماعة الام بي في ادنوو ومندمج مع اغنيه كريس بروان وخاش جووو دخل علي مئيد : بوووو نواف : بسم الله مئيد : اماا يعني انفجعت دحين نواف : طبعا لا مئيد : اهاا ايش بي تسمع نواف : كريس براااون مئيد : ناااايس نواف : أي نووو مئيد : ممكن تشيلي السمعات شويه نواف : ليش مئيد : ابغا اكلمك نواف : اوكي وشال السمعات من ادنو وسحب مئيد من يدوو وجلسوو جنبوووو مئيد : امممممممم نواف : تبغاا حاجه تبغا تشتري شي تبغا تروح مكان قووول يا ابني لا تستحي مئيد : ههههههههه لا تقول ابني تحسسني انك ابويااا نواف : انا ابوك طيب مئيد : امااا نواف : ايواا ابوك واخوك وصاحبك وحبيبيك واي شي مئيد : يا قلبي يا نونز يو توووووو نواف : حللوو ايش تبغااا تقول دحين مئيد : مام انخطبت ويمكن توافق ويمكن انا اجي اعيش معاك هناااا نواف وعيونوو طارت : واااااو من جد يا مئيد مره فله مئيد : هههه فرحان نواف : فرحان ونص وعلي الخبر هاداا لك الي تبغاااا مئيد : اممم ابغااا لكزس 2009 نواف: بس مئيد : اممممم اذا بدات الدراسه ابغاا اروح مدرسة تانيه نواف : وايش كمان مئيد : ابغااا اممممممممممم نواف : ههههههههه شكلك ما تبغا شي بس تبغا تالف مئيد: اكيد ابغاا أألف كم مره القاك رايق نواف : حرام عليك يا مفتري انا دايم رايق مئيد : اهااااا اوكي ابغا اروح البيت انا ممكن نواف : لا مئيد : وامي نواف : انا اكلمهااا مئيد : بلز ابغا اروح البيت نواف : اوك اول ما توصل كلمني مئيد: ولي اول ما اوصل طول الطريق اكلمك نواف : برضو احسن مئيد قرب من نواف وباااسو في خدووو ونواف قام وقف وحضنووووو : انتبه علي نفسك مئيد : من عيوني وخرج من البيت وركب سيارتووو وشيك السمعات وقبل لا يتصل نواف اتصل علي >>>>>>> مو حاله ******************************** سبحانو وقدرو علي وخلو ينسي احبابو ولا بيسأل علينا خلاص وقفل في وجهنا بابووو الصوت يلع لع جوا الاستراحه وانواع واشكال واحجام الشباب بي يترقصوو الي يعرف والي ما يعرف والمطرب منهمك معاهم : وي وي علي قلبي معاذ : فرفر قوم بلا زناوه فاروق : يا ابني من اول بي ارقص سيبني اخد نفسي بعدين علي كل حال انا خارج معاذ: اما خارج فاروق: خارج وراجع لكم بعد شويه معاذ: طيب بس دي الرقصه عشااني فاروق : اوكي وقام هزلوو شويتين و بعض الخكر يتملصقوو في وهواا يسووي تقيل وما يعطي وجه ومن حركات الشباب الخايسه دي وخلصت الاغنيه والكل علي اماكنهم والبعض يستنو الاغنيه الي بعدها --->> خرمة رقص وشال بعضووو ولف علي باب الاستراحه قابل كرم قدامووو كرم : يه يه فوفووو من زمان عنك يا كلب فاروق : هههههههههههههه هلا كرم والله لك وحشه كرم : فين الناس كيف حالك واخبارك ابووك واخوانك ايش مسوين وكده فاروق : كلهم طيبين ويسلموو عليك كرم : علي فين شايفك رايح علي الباب فاروق: ايوه والله خارج شويه وارجع لكم كرم: لا خارج فين بلا فكك فاروق:والله في واحد صاحبي في السياره لازم ارجع لوو كرم : ولي ما نزل معاك انشالله فاروق : مدري عن ملتوو ما يبغاا مع نفسوو كرم سحب مفتاح السيارة من جيب فاروق وقلوو : انت اجلس وشكشك مع الشبااب وانا اروح انادي صاحبك فاروق : كرم تعال يا شيخ مافي داعي كرم : دفوو علي جهة الشباب الي بيرقصووو وراح ومعاذ جرووو : كوكو اقنعك تجلس اجل يلا هووزلي كتوفك يا وااد فرفر في نفسوو : راحت كيموو فيهااا ********************************************* في السياره كيموو مستمتعه بي صوت الدق وقدامهاا فص فص وتتفرج عل الشبااب الرايحن والراجعين ووصلت فيهاا الفله لما يعدي واحد خكري حليوه تطوط لو بوري وتغمز وتهبب كرم فتح باب سيارة فاروق ودخل جلس كيموو نشفت كرم : هاي يا الحبيب اكرام : هلا احم احم اهلا اهلا كرم مد يدوو : الاخبار اكرام : مدت يدهاا : كولوو تماام كرم حس يدهاا ناعمه وابد مو يد ولد ولو كان خكري غير انو حجمها صغير ما سيبهاا جلس يتحسسهاا : واشبك ما نزلت اكرام نشفت خلااااص وجهها صفر : ............... كرم استغرب : اشبك ما نزلت يا الطيب انا صاحب فوفوو وجيتك عشان تنزل الاستراحه وكده اكرام : لا ما ابغا انزل كرم شك في الوضع مره : ايش اسمك يا اخ اكرام : اكرا احم احـــم اقصد اكرم كرم : حلوو وانا اسمي كرم يجي نصير اصحااب اكرام : ام ايش اسموو لوو سمحت يعني روح نادي فاروق كرم ساكت ويطالع فيهاا واتاكد انهاا بنت باين كرم : اجل انا راح اوصلك بيتك اكرام : لا ارتاح ورفعت جوالهاا تتصل علي فاروق وكرم ما فاتو لون الجوال والتعليقات الملونه كرم : اسمعــ فاروق دق قزاز السياره واشر علي الضامن كرم انقهر وفتح الباب : هلا خويك مو راضي ينزل فاروق : خلاص الولد قال ما يبغا ينزل بي القوه كرم بتريقه : الولد فاروق : انزل خليني اوصلوو بيتووو كرم : لا اخاف ما ترجع عشان كده راح اجي معاك فاروق : اوماا كرم : ايواا فاروق : بلا هبل انا راح ارجع فين ابا اطير يعني اكرام فتحت باب السياره : خلاص اجلسوو انتو الاتنين انا راح اروح بنفسي فارووق : كرم بلا هبل انزل خلاص كرم فتح باب السياره ونزل : لا تنسي عبايتك اكرام وعيونهاا طارت من الدهشه وفرفر نزل كمان : كرم !!!!!!! كرم : باين انك موزه ما يحتاج لا واسمك اكرام كمان اكرام: فرفر وديني البيت بسرعه ولا ابغا ادق علي سواقي فاروق : خلاص يلا كرم : خدوني معاكم فاروق : اقول ياكرم بلاشـــ هبــــ ما كمل كلمتوو جو مجموعه شبااب يسلموو علي كرم الاول : هلا يا مخـ**** فنك ما تنشاف كرم : هههههههههههه موجود يا مخـــ** التاني : كرم فاتتك ليله ولا احلي شبااب خقق كولهم لبنانين كرم: افا بس لي ما كلمتوني يا مخـــ*** الاول : يووو بس يا شيخ نسيناك لما شفنا الي شفنا كرم : فيفا النذاله الي بعد كده اكرام تقرص فاروق فيدو : امشي قبل لا يرجع فاروق : يلا واتسحبو هما الاتنين الين وصلو السياره وركبو ودعس يا معلم اكرام تتنفس : والله كونت راح اتورط فاروق: تتورطي مين ايش راح يسووي يعني اكرام : أي شي ايش يدريني فاروق : ترا كرم ده علي قد حيونتوو ووساختو وترا طيووب وما يجي منو شر اكرام : اقول بلا هم وديني بيتنا سخنت تراني ************************************** في الكويت .... نادر في بيت خالتووو واقف عند غرفة ساره ويدق الباب بي نفاذ صبر ويحاول يبين انو هادي ومو معصب نادر : سارونه تكفين فشي الباب ابي احاكيك شووي ؟ ساره : .................... نادر : سارونه لا تصيرين مليقه سمعي شنو عندي وبعد ازعلين ساره: .............................. نادر : ساره وبعدين معاك وايش السوات الحين ساره :................................ نادر : ما اقدر اروح وانتي موب راضيه تحاكيني ساره :...................... نادر: ياليل ساره يلا عاااد تراني بديت اتنرفز منك ساره بعد فتره سكوت طويله ردت بي صوت عالي وهيا تصرخ : يوووو نادر والي يعافيك انا تعبانه وزهقانه حدي لا تعور راسي رووح من عندي زين وماني فاشه لك الباب ولا تحتريني لاشني بجد وايد زعلانه عليك والحين تكفي رووح من هني نادر : انزين اخر حكي الله وياك يا سارونه بس بجد يوم تحسين انك رضيت تعالي وحاكيني لشان تعرفين شنو عذري ........ انا رايح الحين ساره ..... تيبن شي اوك شكلك ما تبين شي يلا فمان الله ونزل لي تحت وهوا ما علي من ساره اساسا ما جا الا عشان امو طفشتو وقالت لو يروح لهااا ويعتذر لها لانها مره زعلت قابل خالتو تحت نادر ويمثل انو مضايق : خالتي ساره عيت تسمعني وتعذرني هذا وانا قايل لها بالصبح ان رفيجي اخوه توفي بس مدري شنو فيها الله يهدهاا نوره : ما عليك انزين يا ولدي هي بكره تهدي وتي تكلمك بنفسهااا نادر : الله يعين يلا خالتي انا بروح توصين شي نوره : ربي يحفظك يا ولدي وسلم لي علي اختي وحبها مع راسهاا نادر : هههههههه تامرين امر خالتي تبين شي بعد نوره : فمان الله نادر: مع السلامه نادرخرج وهوا معصب ومقهور من امو الي اصرت علي يروح لي ساره وفي الاخير ساره ما كلفت نفسها حتي انها تقابلوو ركب سيارتوو وقفل الباب بقوه يطلع قهروو في الباب فتح الدرج يقلب في السيدهات الي موجوده وخرج سيدي استغرب ما علي اسم شغلوو وطلع سي دي لي هو واصحابو مسجلينوو ايم الثانووي مره انبسط عليهم رفع جوالوو وارسل لي امو مسج وجالس يلفلف ناويها صباحي من الملل الي هوا في رن جوالوو علي طول اعتقد انها امو وتتصل تقلو لي مو جاي بعد المسج الي ارسلو لهاا رد بي طفش : هلاا : هلا نادر شخبارك نادر يبعد السماعه عن اذنوو عشان يستوعب الصووت : هلا بيك هلا ************************************ نرجع لي السعوديه ،، ولغرفة نواف بي التحديد يحس الدونيا طفش اذا مافي مئيد معااا مو عارف ايش يسوووي ،، ما بقا شي ما عملوووو ،، جلس يقيس ملابسو الي اشترهاا ،، جلس يتصور ،، شغل اغاني ورقص ،، قص شعرو بنفسوو وبهدلو وقرر يطلع للحلاق بكراا ،، اتفرج علي فلم ،، وغير كده مو عارف ايش يسووي قام من سريروو واتمغط شويتين وفتح الشباك ولقا الجو مرطب ومره خايس قفل الشباك ونفسو مسدوده يحس انو لازم يسووي شي في حياتوو ،، أي شي ،، فكر انو يقوم يطلع لي الشغل بكره ،، لا الشغل طفش وملل واخاف الوالد يستلمني وما يصدق خبر اني جيت ،، فكر يروح يزور مرة ابو من زمان عنهاا ،، لا ما في حيلي تتبكبك وتشكيلو عن ابوو الي مدري ايش مسويلهاا طفش وهوا يففكر ،، قرر يا خد الرقم الي اخدو من مئيد في المول ويتصل علي البنت مع انو ما يحووب البنات وتخصصو اولاد بس قال اتسلي عليهاا ،، لا لا اخاف تلبشني معهااا اعرف نفسي انحب >> الا تقيل دم وبس اخر شي من الطفش استسلم وراح علي مكتبه صغيره عندو وفتح الدولاب الي فيها وخرج البطاقه وهيا معفسه طلع جوالووو واتصل علي الرقم  |
|
#22
11-14-2009
| ||||
| ||||
| رد: (( نهاية جنون )) روايه حجازيه >>> الكاتبه قطعة شوكلاته عزيزه في غرفتها بجد تحس انها تبغا تبكي من امها الي تسووي كول شي وما ترضالها تسووي أي شي طول الوقت طالعه مع فلان وعلانه وغيرهاا ولا تجلس في البيت الي اخر اليل وهيا محرومه من كل شي جالسه وفاتحه قدامها روايه اجنبيه بي تقرها وتحاول تنسجم معها وتنسي امهاا وعقدها الي ما تنتهي رن جوالهاا قويني بيك قوي قلبي عشان يعيش حياتي بعدك ما تسويش من زمان وانا بستناك عزيزه ما صدقت احد افتكرها في الاجازه دي الي من جات وصحبتها كلهم طارووو استغربت ؟؟ لما شافت الرقم غريب عزيزه : الوو ؟؟ نواف : هااااي عزيزه : نعم نواف : ابغا اتونس لاني واحد طفشان تبغي ولا اذا ما تبغي انا انسان ديمقراطي راح اسيبك (*_*) عزيزه : تصدق عاد ما اعتقد انك طفشان اكتر مني نواف : صدقيني اكتر منك عزيزه : طيب ما اختلفنا نواف : .................. عزيزه :..................... نواف : ايوه : شو عندك ما عندك مو تقول طفشان يلا اتونس علي قولتك : هاتي هرجه طيب : ابغا اكلم اكبر عدد ممكن من الشباب : وي ليش ؟؟ : بس عشان اكون في محل شك ماما : وليش تبغي تكوني في محل شكهاا : بس كده ما ادري بس ابغها تشك فيا علي شي يستاهل الشك مو تشك فيا وانا ما سويت شي : اهااا : اديك الارقام الي في جوالي كولهاا ؟؟ : لا لا ارتاح : .................. :.................. : ايوه : من فين انته : من جده وانتي كمان صح : لا من الرياض نواف في قلبوو هههههههه ابوك يا بكش بدينا : ايوا حيا الله اهل الرياض : الله يحيك : طيب انتي دحين تكلمي كم ولد يعني : مدري بس كتير :كتيرن وكمان لسه تبغي زياده : ايوه ابغاهم كتيرن مره لي درجة انو ماما تنتبهلي : حالتك صعبه : فوق ما تتصور يا اخي : طيب يلا انا كده تكفيني الونسه ابغا اروح انام : طيب باي : باي قفل نواف ورمي الجوال بنات هبل يا شيخ فيفا الشباب الحلووين وفيفا مئيد وبس دخل ريان علي جملة نواف الاخيره ريان : احلف فيفا مئيد وبس : ايوا فيفا مئيد بعد قلبي وبس : اها حالتك صعبه : فوق ما تتصور نواف قالها واتذكر البنت الغريبه الي كلمها واستغرب ليش تبغا امها تشك فيهاا انها تكلم شباب والله شي غريب : هيييييي انا هنا اكلمك : نعم : في مين مسرح يا خول : في مئيد في مين يعني : اذا مره مشتاقلو ومو قادر تنام روحلو يا اخي ما يردك الا الباب : لا خلاص ايش كنت تبغااا : بقلك نبغا نروح استراحه بعد بكره نشكشك تجي معناا : احلف قايم من غرفتك ومتعني عشان تقلي علي دي الطلعه : هههههههههه ريان يحكحك راسووو لا يعني الصراحه بس يعني بكلمك في موضووع وشفت مزاجك مش ولا بد قلت اصرف نفسي : لا قول قول : اممممم يعني ايش كونت بقول الهم صلي عليك يا نبي : علية الصلاة والسلام خلصني يا هووو : ابغاك تشوف لعبود معاك في شركة ابووك أي شغله يمشي حالو بيهاا : ليش ؟؟ : يعني هوا قاعد كده لا شغل ولا ولا مشغله وانت عارف وضعوو يعني ؟؟ : ام لا احسو مره لعاب غير كده انا ما اطيقو ويلا قفل الباب والنور معاك : اذا ما تطيقو علي قولك لي مخلي عايش معاناا طيب ؟؟ : تبغاني اطردو يعني ؟؟ : ايوا اذا منت طايقو اطردوو : اقول ريانو لا تكترلي الشغل شغل يعني عبود عايش بس هنا وما بي اطلب منو ايش شي وجبلي القرف تبغاني اخلي يشتغل معاياا مع نفسك يلا بجد قفل الباب وراك : طيب انت فكر يا خوول : انشالله تشقلب علي خير : وانت من اهلووو خرج ريان وهوا مضايق علي وضع عبوود ما يحس انو يستاهل الي يصير فيلووو راح علي الصاله و شاف عبود شبه نايم وفاتح علي قناة ام تي في عربي ريان : عبووود عبود نص نايم : هممممممممم ريان : عبود ادري انك مو نايم : الا نايم : ههههههههه قوم بقلك هرجه : هات : اممممم منك ناوي تروح لي ابوك يعني وتتسامح منو وكده : يوووووووووووو : لا تدف يا خوول بكلمك بجد : مالك دخل ومني مكلم ابويا مع نفسووو : امممم هادا ابوك مافي شي اسمو مع نفسوو : الا مع نفسو ونص لو كان اب من جد ما يطرد ولدو من البيت : احلف عاد الي سويتوو شي عادي لازم تنطرد اقل شي يسويلك هواا : انا انطرد ايواا ومرتوو ما يسويلها أي شي : يا عبود ما علينا المهم دحين صارلك شهر وانت ما تدري عن ابوك ما يصير كده : لي هوا ما يجي يسال عني يعني : عبود بلا بزرنه انت الي غلطان : لا هوا الي طردني هوا االي غلطان : انت الي غلط اول عشان كده هوا طردك بلا فكك عشان كده انت الي تروح وبعدين لو هوا الغلطان هوا ابووك وانت تحتاجلوو : ما احتاجلوو ولا شي بعد الفجر بقووم ادور علي شغل : اقول عبود لا تصير اهبل لو لقيت شغل ايش ماراح تعيش زي لما تعيش مع اهلك عبود وقف وشال مفاتيحو ومحفظتوو : ريان بجد طفشتني وانت كل يوم تهرجني في الهرجه دي خلاص انا بكيفي سيبني يا اخي وانا طالع تبغا شي : هيا كلوو فين تبغا تروح في ده اليل : احلف بس شايفني بزر تقلي فين رايح : لا حوووول مو بزر ولا شي بس فين رايح : ما ادري مخنوق ابغا اروح أي مكان : اقول اهجد يا عبود واجلس : لا ماني جالس : اقول عبود خلاص راح اسكت لا تصير دلووع خلاص راح اسكت ماراح اهرجك عبود رجع جلس مكانووو : ريان بجد لا عاد تهرجني في دي الهرجه بجد بي اضايق : تضايق ليش ؟؟ : مدري بس احس انو عبادي ابويا ما يحب يزعلو ويراضي علي طول وانا كني مو ولدو طردني من شهر ولا سال : يا عبود انت عارف انو اخوك ما بي يساوي زي حركاتك الي مال امها داعي : طيب خلاص قفل علي الموووضع : الي يريحك عبوودتشي : اقول ريانووو ايش اخبار البنت حبيبتك : لا تذكرني بيهااا : ههههههههههههههه طوويب هات الريمووووت من جنبك ريان سحب الريموت ورما لي عبود عبود مسكووو وحط علي فلم في قناة اجنبيه وشويتين وانسجمو في الفلم هما الاتنين ******************************************* ابرار منسدحه في غرفة الجلوووس وجالس تكلم عبد المجيد وحالتها مره صعبه فاطسه من الضحك لي درجة انها بدت تنشرق وتكح بي قوه عبد المجيد : ههههههههههه صحه صحه لا تموتي يا بنت ابرار : وربي انك مهوووووووووي بمعني الكلمه : ما شفتي شي يا برو والله لو احكيك عن هبالتي مارح اخلص : ادري فيك يا قلبي : تدري فياا ؟؟ : هههههههه ايوا يعني ادري عن حركاتك : اها برووو تخيلي لو الموقف صاير لك انت : وه وه والله لا تلقاني الين بكره وانا ابكي : تبكي يا حياتي علي الحساسه : والله يا مجود انا مره بكايه وانت عارفني ما امسك دموعي : هههههههههههه شوفي حلو انك تبكي وما تكتمي في قلبك بس مو حلو انك تبكي علي أي شي : ادري انو مو حلو بس خلاص انا ما اقدر أي شي يزعلني ابكي يضايقني ابكي يحرجني ابكي : الله حتي الاحراج : عاد المواقف المحرجه اكتر شي تبكيني : هاتي مثلا موقف محرج صارلك طيب : اممممممممممم ايوه اتذكر مره كونت في الجامعه وخارجه عشان صحباتي راحو يفطروو وانا رايحه الحقهم لان كانت عندي محاضره ما خرجت معاهم : ايواا : الموهم وسواقي كان بره واتزكرت اني حشرانه مره قمت روحت الحمام بسرعه لي درجة اني خشيت بي عبايتي المهم وخرجت مستعجله وتخيل انو العبايه والتنوره خاشين في التنوره من ورااا من العجله : لا لا لاااااااا لا تقولي : هههههههههههههههههه اصبر اصبر : ايوا كملي : الموهم خرجت من الحمام وفي بنات في السيب لما شافوني ما ضحكو صارو بس يطالعو فيااا ونا مريت وانا اطالع فيهم من فوق لي تحت بس لما بعدت انفلتوو ضحك حسيت انو في شي غلط مره : ههههههههه يا اومي كيف ما حسيتي انو في هوااا ما حسيت بي التنوره من قدام شامره : ههههههههههه ما حسيت بي شي من العجله : ههههههههههههههههه يالطيف علي العجله الموهم كملي : وبس يا قلبي حسيت انو في شي غلط ولفيت عليهم ابغا اضارب وقلت من فوق خشمي خير انتي وهياا لي الضحك وحده فيهم قالت لي : كمان رافعه خشمك وانتي دنيتك من ورا كلها بره انا وقتها حسيت بي الهوا الي تقول عنو توك : ههههههههههههه وربي انك تحفه : هههههههههههههه ما شوفت شي روحت قلت لها احلفي بس قالت لي والله شوفي عابيتك وتنورتك صلحيهم وروحي بسرعه لا يروحوو عنك انا استوعبت انو التنوره مرفوعه بس ما قدرت انزلها وفي نفس الوقت خرجو بنات من قاعه من القاعات الي توها محاضرتهم مخلصه وكانو كتيرن لما شافوني ماتو من الضحك بس وحده فيهم عندها ذووق قربت وشدت لي التنوره والعبايه تحسبني ما ادري عنهم وباقي البنات كولهم ميتين عليا من الضحك وقتها ما حسيت الي بي دموعي اربعه اربعه مع اني ما كونت ابغا ابكي والله : هههههههههههههههههه بروو والله انك كاي : هههههههههههههه يا ميجوو والله والله ما تتخيل الحاله الي كونت فيهااا تخيل اني وقفت ابكي وما اتحركت : وي الين متي وقفتي : وقفت مدري قد ايش بس رن جوالي السواق كان بيقولي اني اتاخرت علي وكده ووقتها البنات كان عددهم قل من وقتها اتحركت وخرجت : ههههههههههههههههههههه بطني صارت توجعني من الضحك : يا شيخ مشي حالك بس مره مو موقف الي طحت في : ههههههههههههههه عادي يا شيخه : اوما عادي ما شوفتهم كيف كانو يطالعو فيااا وكول وحده نفسها تخرج جوال الكمرا وتصوور وتنشر بلوتوث علي طول : هههههههههههههههه خلاص يا بروو : هههههههههـ طويب خلاص : الموهم يا دوبتي تبغي شي لازم ارووح برو بزعل : فين : خلاص لازم انام يا اومي ورايا دوام من الساعه تسعه مو زيك راح تشخري الين بعد كول عصر : ووووي قول ما شالله لا تحسد نومي : افا انا احسد بروو حبيبي : هههههههههههه دحين اصير برو حبيبي ايش يفديني اذا حسدتني وصرت ما انام : افا بس يا برووو : لا تقلي افا وتسووي انو عيونك مو حاره : انا عيوني حاره اجل اهيب علي نومك انشالله تصير ما تنمي الا ساعتين في اليوم كولووووو : وهــ اهجد يا ميجووو : هههههههههههههه يالا حبيبي تبغي حاجه تبغي شي : ههههههههههههه ايوا : قولي عيوني ليكي يا قلبي : وووي لا تحرجني ميجوو : وه يا بروو في بيننا احراج احنا : ايوا في : هههههههههه ايوا في علي بلاطه طيب جيبيها بلفه : اقول ميجوو يلا تصبح علي الف خير وانتبه علي نفسك واتغطا كويس ولا ترخي المكيف عليك وقول اذاكر النووم ونام علي جنبك اليمين : حاضر ماما شي تاني : هههههههههه يا ناسو علي كلمة ماما تزنن من فمك : اوما تجنن والله احس انك تقولي يا طولوو ويا عرضو ويقول ماما : هههههههههههههههههه من جد : ههههههههههههههه اقول برو ما قلت لي ايش تبغي : ابغاك تنتبه علي نفسك يا قلبووو : اوكي يا قمر وانتي كمان : يلا باي : بايوو قفلت برووو ورمت بوسه في الجوووو تصبح علي خير يا ميجوو احوبك يا قلبوووو انهار : بوسه وتحوبي ولي ما قلتي الا لما الرجال قفل بروووو انفجعت : بسم الله انتي من متي عندي : من يوم خرجتي من الحمام >>> تقصد الحكايه : هههههههههههههههههه يا توره لي تجلسي تسمعيني تخيلي بقول كلام مونحرف : والله عاد لو قلتي كلام مونحرف انا اشلي : اقول ايش عندك جالسه كده : ايش الي أيش عندي : يعني غريبه منك طالعه ولا انك بي تهرجي ولا انك بي تتفرجي ولا انك جالسه علي النت ؟؟ : ما عليكي ما غريب الي الشيطان مقاطعه الحجات دي كولهاا : وهــ ليش طيب : ما ادري مالي خلق احد : حتي ريان الهم : انت الهم لا تغلطي علي ريانووو : اقول بله طيري انتي وهوا : احم اقول بروو ابغا اشتري لي ريان سياره في عيد ميلادو : ؟؟؟؟؟!!!!!!!!!! ايش ايش ايش وليش انشالله ده الي بقي : اقول انتي اشبك ما قلت انتي اشتريلو انا ابغا اشتريلوو : والله مع نفسك يا اومي مع انو ما يستاهل : والله ريان يستاهل ونص انتي ما شفتي ولا جلستي معا ترا مره طيووب وحبووب مدري اشبك علي ايش شايفه منوو : اقول لو كان خطيبك المفروض ما توديلو سياره تقومي تودي لي ريانو ده الي مدري ايش علاقتيك فيلو وتوك مالك كم شهر عرفتي : وهــ لي ما اوديلو سياره والله يستاهل : اقول بي التوفيق يا شيخه سووي الي تبغي : اكيد بسووي الي ابغااا : انا ابغا اروح انام : طويب تصبحي علي خير : وانتي من اهلوو ************************* الصباح الساعه 10 ابو انور بيفطر وهوا مروق علي الاخر وفاتح علي قناة العربيه يشووف اخر الاخبار ناديه : صباح الخير يا البي ابو انور : هلا صباح النور : عامل أزي يا البي : كولوو تمام يا ناديه فين ايمن ؟ : ايمن ده فات ينام ابل شويه عايزني اندهلك علي : لا خلي نايم : ايوه واخبار الشغل أي : ليش بي تسالي غريبه : مش انت قلتلي انو عندك حتة مشكله صوغيره : اهاا ايوا ايوا لا كول شي مزبووط : اها كويس يا حبيبي : ناديه ابغا جوالي روحي جيبيلي هواا : اوكي حازر من عنيه وصرخت تنادي علي الشغاله : يا كوووشي كوشي كوشي : يس مدام ناديه : روحي جيبي جوال بابا من فووق كوشي : حاذر مدام ناديه : بؤولك أي ابو انور : أي يا ناديه : انا قلتلك انو طايرتي علي مصر بكره زي الوقت ده : ايوه قلتيلي يا ناديه : اها كويس يعني انت مش زعلان او حاجه : لا مو زعلان بس قلتلك يا بنت الحلال انتظريني اخلص شغل ونروح كولنا مع بعض بس انتي مستعجله روحي خلاص : يعني انت مش زعلان : لا مو زعلان ازعل ليش بس ايمن راح يجي معايا : اذي كده برضو ده هو متحمس موت عايز يشوف اولاد خلتو وكمان انا حقزتلوو معايا : مادري يصير خير دخلت كوشي وهيا شايله الجوال وقربت من الطاوله : اتفزل مدام ناديه : يلا روحي يا كوشي كوشي : حازر مدام ناديه مدت الجوال لي ابو انور : اتفضل يا حبيبي ابو انور سحب الجوال وفتحو علي طول يدور في المكلامات الفايته ولقا مكلمتين من ابو خالد علي طول اتصل علي ابو خالد : هلاا ابو انور : هلابيك كيف الحال : نحمدوو ونشكروو : فينك : في الشركه استناك يا ابن الحلال اتاخرت :اتاخرت ايش توها الساعة عشره : لا مو عشرة الساعه 11 ويلا لا تتاخر انا عندي شغل في امان الله : هههههههههه طيب في امان الله وقف ابو انور وشال شنظتو والاب توب ومشي علي بره وناديه ماشيه جنبوو : يلا باي يا حبيبي خود بالك من نفسك : انشالله يلا مع السلامه : مع السلامه يا حبيبي خرج ابو انور وركب سيارتووو وجلس ينغبر في الدرج وطلع شريط عبادي الجوهر وشغلووو وتكرم مداين لجل عينك فا اكرمنااا وياسيدي بدري وتو اليل مابه اول : بسم الله وحرك سيارتوو علي الدوااام ************************************** انور في غرفتو ناايم وراخي المكيف علي ويحس عضامو توجعووو والحاف مرمي تحت في الارض انور يحاول يسحب الحاف من تحت بس مو لاحقو وما فحيلو يقوم يجيبوو وما فحيلو يقووم يطفي المكيف خش علي عبوود وعيوونو محمره لانو مره طفشان من وضعوو جالس طول اليل يفكر انو يدور علي شغل وحاس انو مو وش واحد يشتغل وجالس يديعي علي ابووو عبود : نووووري انور :همممممممممممممممم عبود بصوت عالي : نوووووووووووووووووووووري انور فزز وفتح عينو : هااا وجع لا تصرخ فجعتني : عبود قوم تعال معيااا : اجي معاك فين : قوووووم انت دحين : اقول عبود يرحم اومك اطفي المكيف وربي راح اشخ من البرد عبود طفا المكيف ورجع لي انور : يا اخي قووم يا نوري ابغاك تجي معياا : طيب قولي اجي فين : ابغا ادور علي شغل : احلف بس اجي الفلف معاك في دي الشمس عشان شغل : نوووري قووم يلا بلا زناوه : مره معليش مني قايم ولا مكان في الشمس دي : نوري والله انك خوول : اقول فين ابو ريه ما تاخدو معاك : ما ابغا ابغاك انت تجي معياااا : اقول افتح المكيف وصك الباب وراك مني قايم أي مكان دحين عبود يأس ولف يبغا يخرج وهوا طفشان من الحاله الي هوا فيهااا انور : هييييييييي افتح المكيف وصك الباب وراااك عبود فتح المكيف وقفل الباب وراا ويحس بي نفسو مضايق وطفشان رفع جوالوو يبغا يتصل علي ابوو بس رجع بطل شال مفاتيحوو وخرج ركب سيارتو لفلف مو عارف كيف يدور علي شغل اصلاااا ياربي ايش اسووي في نفسي انا دحين فجاءه اتزكر عمو لما كان بي يهرج عن شغل في بنك الراجحي طالع في البنك الي قداموو وقال يبغالي انزل اشوف يمكن القا شي فتح باب سيارتو ونزل وقف قدام البنك يبغا يسال السكيورتي اذ في شغل او اذ في احد جوا او يسالو عن أي شي طل لقا الحارس منزل الطاقيه علي وجهو ونايم عبود بشويش : هي يا سكيورتي السكيرورتي : خخخخخخخخ عبود خليني اخوووش جوااا دف الباب وما ركز في الوحه الصغيره الي مكتوب عليها قسم النساء (*_*) دخل وقفل الباب ورااا ومشي السيب كلوو وفتح الباب التاني بس انتبه انو في صوت ضحك حريم وونسه وقام انتبه لي التضليلة البيضه الي علي القزاز وعلي طول عرف انو قسم نساء لف بسرعه وجا خارج بس اندف الباب وصقع فيلوو وهو طاح علي وراا بقووه الحرمه الي خشت من الباب : ؟؟؟!! وبعدين قربت منو : بسم الله عليك اتعورت عبوود وقف بسرعه وهوا يحكحك ضهروو : لا لا الحرمه : ايش بي تسووي هنااا عبود شافها كبيره ومحترمه باين عليها في اواخر العشرينات : انا احـــمــ ... احم بدور علي شغل : في قسم النساء : انا لخبطت بس : ايوا طيب ليش بي تدور علي شغل : ليش بتسالي الحرمه حست انها تبغا تساعدوو: يمكن القالك شغل عبود ويحس انو فرحان : ياريت والله من اول بي ادور الحرمه طلعت جوالهاا وابتسمت : هات رقم جوالك عبود استغرب خير اشبها : ليش الحرمه وحست بي استغراب عبوود : عشان لما القا أي شغل اكلمك :$ عبود برضو مستغرب بس اعطها الرقم : 055…………. الحرمه : اوكي انتظر مني اتصال عبود : اكيد ولا نص ونص يعني اوقف تدوير ولا ادور الحرمه : هههههههه لا خلاص وقف انتظر مني اتصال بكره عبود ساكت : ................ الحرمه : دحين اخرج من هناا عشان لا احد يشوفك ويسويلك مشكله : اوكي شكرا الحرمه : ما قلت لي ايش اســـ ...... قطعت كلمها لما انفتح الباب ودخلت بنت صغيره في السن وطالعت فيهم بستغراب واتعدت من قدامهم وخشت علي جوااا عبود زيو زي كول الشباب لما يشوف بنت جالس يطالع فيها الين دخلت واتقفل ورها الباب الحرمه : هههههههههه خلاص راحت عبود حس علي نفسووو وجلس يحكحك راسوو وهوا منحرج مره الحرمه : ما قلت لي اسمك ؟؟ عبود : عبد الاله الحرمه : اوكي عن اذنك وخشت علي جوا وعبود واقف مستغرب مره منهااا شال بعضوو وخرج ولقا الحارس نايم ضحك علي في قلبووو وركب سيارتووو والفرحه مو سايعتو وحاس انو من بكره راح يشتغل :$ وماراح يحتاج لي ابو ولا راح يكلموو $$ يخس عليك يا عبود يعني ما تكلم ابوك ولا تعرفو الا عشان الفلووس وبس $$ ********************************* مئيد نايم وقدامو التلفزيوون شغال والصوت عالي وكراتين كتيره لي وجبات كودو وعصيرات وبطاطس مشعتر في الارض واكياس كتشب ومانيز مدري كيف نايم وسط المعمعه دي دخلت علي اموو واستغربت من القربعه الي في الغرفه قربت منوو : مئيد ياولد : همممممممم : مئيد حبيبي : هممممممممممم مام سيبني نايم : مئيد ؟؟ ايش ده القربعه الي انت فيهااا مئيد فتح عيونو وطالع يمين ويساار وانتبه لي امو ابتسم لها : مام ايش مصحيكي دحين : انت ايش منومك في الوساخه دي : توهم خرجو اصاحبي انا نومت وهما كانو جالسين قلت لهم رفعو المكان بس ما يفهمو : اهاا قوم روح نام هناك في غرفتي خليني ارتب الغرفه دي : لا يا مام روحي انتي انا دحين ارتبهاا : روح روح نام مئيد قام وهوا يتمغط وراح علي غرفة اموو واتمدد فوق السرير حقهااا وغمض عيونوو يبغا ينام دق جوال اموو مئيد مره انزعج لان الجوال تحت المخده خرج الجوال ورد : هاااا : ................ : مين اهرج يا عساك العمي : ................... : طيب حريقه $$ هدي اعصابك يا مئيد $$ رجع ينام بس الفار قام يلعب في عبوو مين ده وايش يبغا يمكن غلطان يمكن صاحب مام لا مستحيل مام تسووي كده قام من السرير وشال الجوال وارسلو رساله علي جوالوو وقفل جوال اموو وردو محلو تحت المخده وحاول ينام بس ضميرو انبو معقوله يشك في اموو شال الموضوع من راسوو ورجع حاول ينام بس خلاص النوم باي باي قام من مكانوو وخرج راح لغرفتو لقا امو مرتبتها ومزبطتها وكل شي اوكي خرج بره يناديها : مام سمر في المطبخ تكلم تلفوون : وهـــ احلفي عاد : ايوه من جد اجل لي اكزب : ما قلت كزابه يا بنت الحلال اشبك : ايوا علي بالي : طيب تبغي شي ابغا اروح اكمل نومي : طيب يلا روحي : باي : باي قفلت والتفت علي باب المطبخ تبغا تخرج لقت مئيد واقف : اشبك حبيبي : لا بس النوم طار مام لي صحيتيني : ههههههههه يا قلبي تعال معياا راح يجيك النووم : مام كونتي بتكلمي مين : خالتك سوسو : اهااا خالتي سووسوو : اشبك تقولها كده : لا ابد : اسمع يا ميموو يا قلبي اذا النوم طار طار مره ابغا ارسلك عند خالت سوسوو : صح النوم طار بس ما فحيلي اخرج في الشمس دي : عشاني يا ولدي ابغا حجات ضروريه منهااا : وفين سواقهاااا : توي قلت لها قالت لي سواقها سافر مكه مدري ايش عندو : اهاااا : يلا يا قلبي تروح ولا اذا ما فحيلك مره خلاص بلاشي : ايش اروح اجيب امري لله : يا ربي يخليك ليا يا ميمموو انت روحلهااا وهيا راح تعرف ايش تبغا تديك :$ : اوكي مام يلا باي : باي انتبه علي نفسك ولا تسرع : انشالله خرج مئيد وقفل الباب وراا وراح لجهة المصعد وضغطووو يستنا يطلع وصل المصعد وانفتح وخرج رجال مره حلووو وطوويل مئيد ايتسم لو ودخل واتقفل المصعد وجا نازل مئيد افتكر انو مافي الا شقتين وجيرانهم الي جنبهم مسافرين ومافي الي اموو وكانت تكلم تلفوون والفار بداء يلعب مره تانيه في عبوو جا يبغا يطلع مره تانيه بعد ما المصعد وصل تحت وانفتح بس رجع قال تشك في امك برضو يا مئيد قام قال اعوذو بالله من الشيطان وخرج مع انو قلبوو مو مطمن بس يحاول ما يشك في امو ابد راح علي بيت خالتو سوسوو الي مره يكرهاا وصار يشك في امو بي سببهااا طلع شريط اجنبي وشغلووو وجلس يسمع وهوا متنرفز قال مافي حل الا اني اتصل علي حبيب قلبي حط يدو في جيب سروالوو الهواووي الازرق الي كان نايم بيلو وافتكر انو ما اخد الجوال انقهر طنش الموضووع الين وصل بيت خالتو سوسوو يووووو دحين كيف اتصل علي مام ولا اتصل علي خاله سووسو دي من يوم قرب من باب الفله الحارس يعرفو طبعا فتحلو الباب دخل بسيارتو جوااا ونزل دق باب الفله جوا فتحتلو الخدامه الجديده ما تعرفو لانها مالها اسبوع جايه المدبره : يس مئيد : فين مدام الخدامه : ون منت الخدامه طلعت علي فوق ومئيد دخل الصالون جوا وجلس عادي متعود علي خالتو سووسوو الخدامه فوق تدق باب غرفة الخاله سوسو سهي : نعم الخدامه : مدام في واحد تحت : خلي يطلع لي : اوكي مدام نزلت الخدامه وقالت لو يطلع استغرب بس قال يمكن شي كبير ما فحيلها تنزلووو طلع دق باب غرفتهاا سهي بصووت ناعم ومايع : اتفضل مئيد فتح الباب وفرصع عيونوو من الي شافو ؟؟!!! *************************** نهاية البارت التالت ابغا توقعاتكم :$:$ الكاتبه :$:$ قطعة شوكلاته :$:$ |
|
#23
11-14-2009
| ||||
| ||||
| رد: (( نهاية جنون )) روايه حجازيه >>> الكاتبه قطعة شوكلاته الله الله الله البارت خنفشااااااااااااااااااااري مرة روعه ننتظر الجاي على أحر من الجمر تقبلي مروري
_________________ طربانه كيفي |
|
#24
11-15-2009
| ||||
| ||||
| رد: (( نهاية جنون )) روايه حجازيه >>> الكاتبه قطعة شوكلاته يسلموووووووووووو علي مرورك نموله ما حد متابعني الا انتي  |
|
#25
11-15-2009
| ||||
| ||||
| رد: (( نهاية جنون )) روايه حجازيه >>> الكاتبه قطعة شوكلاته يثثثثثثثثثثثثثثثثثثثثلمو بس انا ما احب اقرا قصه مو مكمله اذا كملتيها اقراها كامله مثكككككككككككووووووووره |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
