 |
| |||||||
 | |  |
 | |  |
 |  |  |
 |
| | LinkBack | أدوات الموضوع | طريقة عرض الموضوع |
|
#1
06-25-2006
| ||||
| ||||
 قصة زوجي الله لا يعيده كيفكم حبايبي مشتاق لكم كثير انقطعت عنكم فتره وهذاي رجعت لكم قسم محد يقوم من مكانه كل واحد يرسل المطخه من مكانه والسحالي يا ليت كل وحده تحتفظ بمطختها انا مو ناقص مشاكل مع الهيئه اللي بالسوق  ودي اقولكم سالفة زواجي (زواج دراكولا) وياويل الي يضحك تراني راح اتمردغ ببطنه ذاك اليوم كنت اتمشى بها الشوارع وما دريت إلا وأنا شايف ذاك القمر وهو قاعد يشفط دم تمساح  بصراحة ما قد شفت وحده من ربعنا تشفط بهالطريقه لدرجة إن التمساح غارق في بحر الأحلام ولا هو داري باللي يصير له .. والله لو انه أنا اللي اشفط دمه ما تسمع غير جعيره في هالسهله المهم مريت عليها وقلت هلا بك يا حلو نظرت لي ذيك النظرة الناعسة .. ما دريت الا وانا منسدح بجنب هالتمساح أهب يا عيونها صدق يوم قال جرير يو قال ان العيون التي في طرفها حور ... قتلننا ثم لم يحيين قتلانا يصرعن ذا اللب حتى لا حراك به ... وهن اضعف خلق الله إنسانا المهم جتني وقالت سلامتك يا الغالي قلت يسلمك ربي من كل شر يا قلبي عصبت وقالت وجع يوجع قلبك !! من قال إني قلبك ؟!! ومن متى ؟!! أقول يا دب لا تفكر إني من البنات اللي يمشي معهن هالكلام ؟؟ لا لا لا تراك غلطان تراني اوديك للبحر وأرجعك عطشان . بققت عيوني وقلت : العيون بسم الله الرحمن الرحيم أما اللسان اعوذ بالله من الشيطان الرجيم لكن اموووت بالعنيده .. خلاااااااص لقيت شريكة حياتي قلت لها يا الغالية أنا آسف لكن ذي الكلمة دارجة على لساني يا جعله القطع قالت اسم الله عليك .. يقطع عدوينك ان شاء الله بس يا بعد قلبي لا تتعودها تراني ما احب هالاسلوب قلت تامرين امر قالت ما يامر عليك ظالم .. حياك معي قلت تسلمين انا ما احب اشفط دمان تماسيح قالت عسى ما شر والله ان دمانهم تهبل قلت عندي حساسيه منهم يجيني مغص مع دلاخه مزمنة قالت اسم الله عليك من المغص وإلا الدلاخه ما جبت شي جديد من يوم عرفتك وأنت دلخ يا داكو قلت أف شكلك تعرفيني قالت شكلك أنت اللي ما عرفتني قلت علميني باسمك قالت إلاويه ( يعني لماذا ) قلت لحظه كأني عرفتك .. بس مدري وين؟ اهاااااااا عرفتك .. انت بنت مصاص بن خفيفيش قالت إيه أنا هي .. واسمي دراكوله ويدلعوني اهلي بدكدوكه قلت عاشت الاسامي يا بنت الجيران وعلى فكره ترى الليلة بنزوركم في البيت قالت هلا بك وباللي معاك .. البيت بيتك وبعد ما طلعت منها رحت للبيت وانا طاير من الفرحه قالت الوالده وراك ما تركد وش شفيك تطامر تقل مقروص قلت لها : لقيتها يا ميمتي يالله اخطبيها لي قالت من هي؟ قلت دكدودة حياتي قالت يا ويلي انخبل الولد! قلت يالله اخطبوها قالت طيب من هي؟ بنت من ؟ ووين ساكنه؟ قلت دراكوله بنت مصاص بنت جيراننا قالت والله زين ما اخترت ابشر يا جنيني راح اخطبها لك الحين المهم زرناهم في البيت واتمينا الخطبه وقال ابوها قولو للبنت تجي خلاص الحين صار زوجها وجت دكدوكة قلبي على استحياء معاها عصير دم نانسي عجرم اخذت منها العصير وانا اناظر عيونها اللي تطير العقل وقلت لها مشكوره يا .. اقدر اقول يا قلبي الحين ؟ اعطتني ابتسامه على استحياء وقالت ايه قلت مشكوره يا بعد قلبي حينها تبققن عيون امي .. وصار يطلع منهن شرار بدأ شغل الحموات وعطتني كوع على جنبي صرت اتلوى منه وقالت اركد يا دب مو بذا وقته ذا الكلام بعدين قوله طبعا البنوته لما شافت الوضع عملت نفسها تبي تطيح وطيحت العصير الثاني على امي هههههههههههه هنا عرفت ان الحرب اشتغلت بينهم وتأسفت وقالت كله من دراكولا هو اللي طيحني اهب من اولها حطت السالفه براسي ما عليه حسابك معي بعدين المهم قلت لهم وش تبون من مهر قالو إحنا نشتري مصاص دمان والفلوس ما تهمنا حددنا ليلة الدخله .. مساء السبت ليلة الثلاثاء بعد صلاة الجمعه ابوك يا التوقيت هههههههههه جت ليلة الدخله وانا كاشخ بالبشت وما غير استقبل التهاني من هالعالم وتخبرون فيه ملاقيف ما عندهم شغله الا نقل خبراتهم السابقه في الزواج للمعرس يمكن يستفيد يعني كلٍن يجي ويسدح افكاره وانا مثل الدافور ما غير مركز على كل كلمه يقولونها . . . جاني واحد وهو يقول يا بعدي مالك غير الرومانسيه وصار يعطيني بعض الكلمات حياتي ونبض روحي .. ومن هالسوالف اللي تجيب الحموضه عندي فقلت له اسكت واللي يرحم والديك تعقدت من كثر ما اسمعها من دب فيذا ما ناقص الا ارقمها بعد يا دب انا داخل حرب ماني داخل المارينا مول والا الثاني اللي يقول اول ما تدخل عليها عطها ذاك الكف وقل لها يالله طسي وجيبي لي بنت ابي اشفط دمها والا ترى اشفط من دمك قلت شرايك تعطيني العجره حقتك !! يا بعدي انا صحيح داخل حرب لكن مع نواعم ماهي مع جلوف مثل حلاتك يا جلف وانا جالس اسولف معه ما دريت الا وذاك المشوت ومتجه لي وقال يا ولد ابيك بكلمة راس قلت وراك مدرعم علينا حسبي الله عليك كسرت الكاسات وحست العالم .. ابشر بس ما يكون فيها مشوار ترى اليوم مشغول وعندي مباراة قال يا بعدي ابي اعطيك نصيحه ليلة الدخله قلت هاتها ما بقا الا انت بس اللي اخبره ان زوجتك طلقتك ليلة الدخله؟؟!! وشكلك تبي تجيب فيني العيد قال ما عليك يا بعدي انا ثقلت عليها شوي فعصبت المهم ابي اقول لك النصيحه تخبر ان البنات يخافن من القطاوه جيب معك قطو اسود واذبحه قدامها واشفط من دمه قلت وجع ما بقى الا القطاوه اشفط من دمانها قال عشان تخاف منك وبعدها بتكون خاتم باصبعك قلت يعني لازم اشرب من دمه قال لا مثّل عليها انك تشرب من دمه قلت والله انك راعيها .. انا اشهد انك جبتها ..خشمك يا بعدي ولما دخلت عليها جبت معاي قطو اسود وقطعت رقبته بانيابي وهي تناظر وما دريت الا وهي ناقزه من مكانها واخطفت القطو من يديني وصارت تقطع لحمه وقالت لي ضمنا العشا ولما شفت الموقف خقيت منها وبديت اخاف حتى من شوفتها دبروني يا الربع ابي ارجع هيبتي من هالنسره |
|
#2
06-26-2006
| ||||
| ||||
| خخخخخخخخخخخخخخخخخخخخخخخخخخخخخخخخخخخخخخخخ عشان هالمره ماتستهين بقدرات السحالي
_________________   |
|
#3
06-26-2006
| ||||
| ||||
| هههههههههههههههههههههههههههههههههههههههههاي خطيره القصه خخخخ يعطيك الف عافيه |
|
#4
06-26-2006
| ||||
| ||||
| مرررررررررررررررررررررررررررررررررررررررررررررررهه ههه حلوههههههههههههههههههههههههههههههههههههههههههههههه هههههههههههههههه القصة 
_________________  : عائلة العقارب SMILS55:
|
|
#5
06-26-2006
| ||||
| ||||
| يا شين اللي يتشمتون وين التماسيح والا بس فالحين بالسوالف والمحارش ولما جا وقت الجد هجيتو اللي ولا واحد فكر يعطيني فكره اتخلص من النسره اللي طاحت بتسبدي |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| صفات الرسول صلى الله عليه وسلم | عاشق ميلانو | المنتدى الاسلامى | 5 | 09-25-2007 08:12 PM |
| فتاة سعودية عفيفة تمسح بخالد الغنامي البلاط | ابو عمر | منتديات عالم الجريمة حوادث كوارث جرائم | 43 | 08-10-2006 02:44 AM |
| شرح أسماء الله كاملة...مهم جداً... | مشاغب متقاعد | المنتدى الاسلامى | 13 | 04-15-2006 05:17 PM |
| قرا | منيار | المنتدى الاسلامى | 1 | 02-19-2006 07:36 PM |
| أساليب النبي صلى الله عليه وسلم التربويه | بنت الـرمـال | المنتدى الاسلامى | 2 | 09-10-2005 05:03 AM |
-الدورات
التدريبية بجامعة نجران-
العرض العادي
