{ بســم اللــه الرحمـــن الرحيــم




~


{ مدخـل ~

الغلـا .. لامن طرى - بـ مكانه ومحله - يرفع صاحبه فوق !
والمشاعر مناها قرب حضرتڪ ! وإن بغيت الروح (ما تردڪ) !






يابحر .. فيني من الحزن .. كثر مافيك ..
من حزن .. وأوجاع .. وغياب .. وغرايب !!

لاتلومني إليا شفتني .. دايم أجيك ..
ولاشفتني دايم .. على الشط .. ذايب !!

حزني كبير .. أكبر من حدود .. شاطيك ..
وأقسى من .. جروح الزمان .. العطايب !!

وإن كان تنشدني فأنا .. مقدر أخفيك ..
دايم اظن .. ويطلع .. الظن .. خايب !!

في هالزمن .. أقرب حبايبك .. يشقيك ..
إلين تدفع في غلاه .. الضرايب !!

من بعد هذا .. يبتعد .. عنك .. ويجفيك ..
ماكنه .. بجنبك .. قضى الوقت .. طايب !!

وإلا .. الخوي اللي توقعت .. يفديك ..
يفديك عمره .. لاغدت بك .. نشايب !!

صد .. وتصدد .. مايبي .. سمع .. طاريك ..
وياما .. أنت .. دونه .. أتعبتك .. الطلايب !!

لاتقول لي .. بدري .. وتوك .. ويمديك ..
وتعال .. وأسمع باقي الهرج .. صايب !!

خلك بحالك .. وأطلب الرب .. يهديك ..
ولاتنشد اللي غاب .. وين أنت .. غايب ؟؟

وإن شفتني غايب .. عن حدود .. شاطيك ..
أعرف تراني .. تحت .. ذيك .. النصايب !!

وأعرف تراني .. دايم إن ضقت .. بآجيك ..
لأني .. أنا .. والموج .. صرنا .. حبايب !!





~ مخرج }

والمصيبة .. لا طاح الغلا .. طيحةٍ ما يشِلها الخفوق !
أصبح كل المنى وقتها .. بعادڪ ثم بعادڪ ثمً بعادڪ !

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

المشاركة الأصلية كتبت بواسطة اللورد خالد سيدتي حوار الود والحب في قلمك يثري الحروف بكلمات لها معان أكبر من معانيها ،، !! معطرة كلماتك ،، ويفوح عبق الفل الأبيض البرئ من بين حروفها العذبة ،، لا تحرمينا من صدق مشاعرك التي تخطيها بأوتار احاسيسك الصادقة تقبلي مروري المتواضع