بعد صداقه دامت حوالي الثمان سنوات تصوروا ثمان سنوات


كنا فيها صديقات على الحلوه والمره
كنا اكثر من صديقات كنا اقرب للخوات

(احس موقادره اكتب وانا ابكي ابغي كلينكس )شكرا الحين بكمل وتكمل معي دموعي


تصورو كانت اكثر معين لي في حياتي وبدونها ما اقدر اسوي ولا شي ولا امشي ولا خطوه
وماكنت اقدر امشي خطوه بدونها
صحيح انها كانت افضل صديقه كانت هي الي تنور لي طريقي عشان امشي ومع ذلك كنت اطيح

كنت اذا بنام تجلس جنب سريري وما تنام تضل طوووووووووووووول الوقت تنتظرني الى ان اصحى وما تتضايق بالعكس كانت ما تقابلني الا بابتسامه

كنت من المستحيل استغني عنها خصوصا ايام الدراسه والاهم ايام الامتحانات

كانت صديقه ثقيله دم نوعا ما خصوصا في المناسبات كنت ما اقدر اخذها معي عن الفشيله وما كانت تزعل اذا استبدلتها بوحده ثانيه

بس لازم تعرفين شي يا صديقتي حتى لو انتهت صداقتنا واعلنا نهايه لها تاكدي انه راح تظل في بالي اجمل ذكرايات جمعتنا في يوم تذكرين اول يوم شفتك في المحل وقررت اخذك معي صحيح كنتي تفشلي بس شسوي محتاجه لك

ولا يوم تختفين عني وادور عليك وان لقيتك اعاقبك وما اقرب منك

سمحي لي اقول لك خلاص لازم تكون نهايه لصداقتنا وانا اسفه واعتذر اشد الاعتذار لاني ما اقدر اكمل المشوار معاك
انتي عارفه وعارفه زين انه ممكن يجي اليوم الي راح اودعك فيه

واظطر اني اعمل عمليه ليزك واودعك يا نضارتي وداع اتمنى يكون نهائي
هههههههههه
شرايكم في احد يقدر يصلح بينا المهم ادعوي الله يوفقني بالعمليه راح تصير يوم الاحد الصباح

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه