رأيت هذه الصوره وتأثرت كثيرا ولم اجد امامي شئ الا كتابة هذه الأحرف المتواضعه للتعبير عن ذاتي

فاقبليها مني يافلسطين واقبليها مني ياهدى واقبلوها انتم ايها الاحباب

يافلسطين اصمدي في وجه جيش الاحتلال = العرب والمسلمين اليوم والله نايمين
مادروْ عن حزنك اللي حرّك سكون الجبال = مادروْ عن حسّ طفل(ن) ينقطع في كل حين
مادروْ عن بنت تلطم خدّها جاها هبال = يوم ماتوا كل اهلْها من فعول الخايبين
صاحت ابصوت(ن) يعلّه يوقض قلوب الرجال = وايتقوى كل عزم(ن) فيه ضعف وفيه لين
والبلا ان الصوت صمت(ن) قابله منّا وطال = حسبي الله ياهوان(ن) تبصره فينا يبين
يا " هدى " ياوردة(ن) توْها صغيره عالذبّال = اصبري والله حسيبك دون كل العالمين
ياسيوف " ابن الوليد " البارقات اللي صقال = يا " صلاح الدين " الأقصى يشتكي ذل(ن) مهين
يا "عمر " ياللي لجمت اهل الكفر واهل الضلال = ودّنا اليوم ابعمر مثلك يعزّ المسلمين
قالها شاعر عقبْها ردّد بصوته محال = يوم لا سنّه نطبقها ولا شرع(ن) ودين!