ايام الدراسه واخص فيها ايام الثانويه كانت ايام منيله بستين نيله وخاصه انها اخر المراحل الدراسيه والي يكرم المرءفيها او ينشات حصل اني في سنة 1402اي مايعادل 1982 كنا في اخر مراحل الدراسه وكان لي رفيق الله لايذكره بالخير دكتور الحين كنت انا اغششه وينجح واسقط انا ولا ادري ليش نفس الاجوبه بس الاخ الظاهر كان مافيه ثقه كان ياخذ مني ومن غيري طبعا رفيقي ذا متعود يشوفني اخر الصف المره ذي شافني قدام قال بس رفيع الحين صار من الشطار مايدري اني غاش كل الحلول من الي جنبي والي جنبي قصيمي واسمه صالح وحاصله معه سالفه اقتصاديه معقده لنه كان يطلبني 15 ريال عشان كان يمولني بالخبز والجبن والبيبسي واانا قايله لا خلصنا الجامعه وتوضفنا عطيتك خمس اضعاف (( واحد امه قصيميه وبيتشيطر)) المهم الظاهر ان اخونا صالح مارضى بالحل قطع اول شي مني سندويشات الجبن وسوى لي حصار غذائي رهيب حسبي الله عليه ولاني عارف كيف امرر الدرس مقابل الغذاء المهم الاخ ماجاز له الوضع بدا بالانتقام الشرس (( مقطع من فيلم بنات حارتنا )) المهم قدمنا الامتحانات وكانت اخر السنه وانا صراحه مهدد من ابوي اذا سقطت بالمدرسه بيعاقبني ويخليني اروح سويسرا عند البعارين اعلف فيها واجلس مع الصبي كومار ولا انزل الرياض ابد ومن هددني وانا ضايق صدري وخاصه ان سويسرا تحدها من الشمال رماح ومن الجنوب خرج المهم حصل لي بعض الامراض النفسيه ومنها قمت اغرض اظافري واذا اشتدت الحاله اجيب اظافر كومار واغرضها ..(( بمغراض طبعا ) وكنت من كثر ماتجيني حالات عصبيه اجلس لاقالت المعزا باع قلت لبيه ابوي ناديتني وغديت مغير اهذري بالسيارات والبطاط والجبن والموضه وفرساتشي وصالح خليفه وعبد الرحمن بن سعود ودابو وبيل كلينتون لالالالا بيل كلينتون وقتاه توه ماصار رئيس المهم اني غديت قرطاس معفس وجهه وخايف من صيف يزيد صبغ الوجه بله وكان كل الي شاغلني اني اول شي ابنحرم من السفر مع خوياي وثاني شي بتغشر ارجيلي من الرمضه بالبر ومقابل البعارين وسماع مواويل جورج وسوف والله يا الربع من كثر ماني اهوجس من روحت البر احيانا يجوني البعارين في الحلم على شكل شارلز وديانا واحيانا يجوني في الحلم على شكل موظيفين الخطوط الجويه ؟؟؟؟وجالسين يضيفوني حليب خلفات المهم اني مندبله كبدي ولا ودي اصيف عندها (( واحد امسح وجهه عدل السنه الي فاتت) المهم اتفقت انا ورفيق لي قلت شوف انت رح وشف النتايج ان كنت ناجح قلي قدام ابوي ابعدي رفيع نجحت ونفذ وعدك انك تروح معنا لندن السنه ذي هاهاهاها من بعد النعيريه لندن المهم وقلت له و يوم اسقط في ماده وحده قل لي جاك محمد ويوم اسقط في مادتين قل جاك محمدين المهم فهم خوينا الكلام وراح يشوف النتايج وجلس بالمجلس اقهوي الشياب لين يجي رفيقي يبشرني المهم قبل لايجي رفيقي كان ابوي يسئلني انت واثق من نجاحك قلت يا يبا انا واثق من نجاحي مثل ماني واثق من ان الهلال بيفوز على النصر هاهاه وقتها النصر فاز المهم وحنا جالسين ولا جانا رفيقي يركض قلت بس نجحت واول مادخل الله لايبارك فيها من دخله لين يقول . رفيع الحق الحق قلت وجع وش فيه قال امة محمد كلها جاتك هاهاهاه يقصد سقطت في المواد كلها واقوم من الخلفه ادوس طاس الفناجيل ادور الباب ابي الطقيق قبل لايسئل ابوي وش قصة امة محمد ويقوم جارنا الله لابارك فيه ويمسكني قال وش فيك قلت اتركني البعارين هجت ويقوم الشايب مختلع ويقول وش هججها قلت والله يا بوي ماهججها الا الرباده ولا وش زيني من غير الخبزه والجبنه والبيبسي سواه القصيمي وسقطني حسبي الله عليه لالا امزح القصمان فديت خششهم غالين الله لايحرمنا منهم

_________________

البدر = رفيع ...هههههههههههههههه

هههههههههههههههههههههههههه

الله يخرب بيت جيرانكم والبيت اللي جمب جيرانكم يا شيخ والله اني قعدت امووت من الضحك . خخخخخخخخخ

وبعدين تعال قل لي وشي 1402 ؟

فيه عام شكله كذا ؟

<<<<<< يبي يعلمك انه صغير .. :D

بس البدر تصدق اني استنبطت من حديثك انك مولود قبل البعارين ؟ خخخخخخخخخ

بس الصراحه احسدك على الابو اللي عندك ..

مثلا البدر لو اقول لك ابشري ابوك يعني ممكن تبيعه ؟

تكفا وافق واللي يرحم والديك

بس ابقول له يوديني لسويسرا وارجعه لكم .. :D

وش دعوى ابووووي ؟؟؟؟؟؟

انت ابوك اذا عاقبك وداك سويسرا

وانا ابوي اذا عاقبني يوديني للبقر

شفت الفرق ؟ مهب حرااااااااااااااام ؟؟؟









خلاص انا قررت ابشري ابو ثاني ... ههههههههههههههههههههههههه

ما تخبرون لي ابووووو ؟؟؟؟ بس يكون مليان ووسيم علشان اكشخبه ...... خخخخخخخخخ

_________________

صديقى بدر

مشكور على الموضوع والصرحة المدرسه وايد حلوة بالنسبه لى لان فيها نتقابل مع اصدقائنا الحلوين ومدرساتنا

تحيـــــــــاتى لك:

احلى الايام ايام الثانويه
يقولون
هههههههههه
المهم انت تغششه وهو ينجح وانت لاااااااع
فهذى حكايه بحد ذاته
احلى شيء المواقف الجميله وانت البدر عليك قصه
بس مايجوز يا البدر تقول الله لا يوفقه
قول المسامح كريم
عامل الاساءة بالاحسان
مشكور على عرض بعض من مواقفك ذى
وبالتوفيق
سي يوووو

_________________


لوطالت المدة ترى القلب مامات
يذكر رفيقة لو رفيقة تناساه

يقولونايامالثانويةخطيرة
تحياتي($ابوفلب$)