 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
07-11-2006
| ||||
| ||||
 الدنيـــــــــا تجاااااااارب بسم الله الرحمن الرحيم تمر على الانسان لحظات من حياته او تجارب لا تنسى وتترك اثر جميل في نفسه ويمكن يكتسب منها خبرات يستفيد منها فحياته برضوا كل واحد منا مر بموقف اثر في شخصيته او اكتشف شي فيها ماكان عارفه سواء سلبيه او ايجابيه بالتالي استفاد من هالتجربه في انه يعدل السلبيات ويطور الايجابيات المهم ماابي اكثر الفلسفه عليكم الزبده من هالمقدمه. . . . . . . . . . . (يلللللللللللله اخلصي علينا)  . . . . . . . . . . . ادري اني طولت عليكم (توك تحسين) . . . . . . . . . .طيب ابي من كل واحد مر بتجربه او موقف يقوله لنا ويوضح اثرهاعليه ok راح ابدى انا. . . . . . . . مثل منتوا عارفين ان طالبات الكليات فالسنه الثالثه يطلعون يطبقون فالمدارس(يعني يسوون نفسهم مدرسات)  بيني وبينكم من بداية السنه وانا شايله هم هالتطبيق من كثر ماسمعت عن اللي يسوونه الطالبات في بنات التطبيق يورونهم الويل الى درجة ان بعض البنات يبكون  من اللي يصير فيهم ومن المواقف اللي سمعتهاوادخلت فيني الرعب هذي وحده طلعت تطبيق قبلي بسنه وش صار لها رجاءاً ذوي القلوب الرهيفه لا ينزلون تحت . . . . . . . . . . . . المسكينه اول يوم لها تصير فيه مدرسه(قصدي تسوي نفسها مدرسه) كانت مكشخه وخر عنها من قبل صلاة الفجر وهي تدهر فعمرها مكياج على عدسات والشعر مستشور  والجزمهمطقمه مع الشنطه والتوب مستانسه الضعيفه تعليق(على فكره فيه بنات تطبيق تكشخ كشخه كنها بتروح زواج اللهم لك الحمد كل شئ فيها يلمع والمكياج كامل طالعه مهرج  )نرجع لمحور حديثنا اول ماوصلت المدرسه راحت لمكتب المديره سالتها المديره انتي طالبة تطبيق قالت:ايه المديره: طيب روحي عندك انتظار لسنه ثالث متوسط توها ماخذت نفس الا مسكوها انتظار المسكينه لا حول لها ولاقوه راحت لثالث متوسط وهي تتنافض دخلت عليهم البنات في كل جهه متناثرين فالفصل اللي فوق الطاوله واللي نايمه واللي تنطط من كرسي لكرسي طقت بيدها على الباب يوم التفتوا البنات وشافوها دروا انها بنت تطبيق (هلا والله) توها واقفه عند الباب الا وطلعوا عليها. . . . . . . . . وش طلعوا  . . . . . . . . . . .ضفدع  يماااااااااااااااااااااااااااااه هذا موقف من مليون كنت اقول بيني وبين نفسي الله يستر لايصير فيني مثل ماصار فيهم لمن جاء وقت التطبيق اخترت مدرستي اللي قد درست فيها وبعد عناء طويل وافقوا الكليه(الله يعافي الواسطه)  اول يومين كنت اروح المدرسه واجلس فالغرفه المخصصه لبنات التطبيق واطلع يعني مااسوي شئ اليوم الثالث هو اول يوم اشرح فيه كنت بموت من الخوف جايه مانمت وماسكه دفتر التحضير اذاكر الدرس (قصدي احضر الدرس اللي بشرحه) الجرس ترررررررررررررررررررررررن تررررررررررررررررررن الحصه الرابعه الصف الثاني المتوسط رجليني تنافض بموت من الحر الوجه احمررررررر  العيون تدمع(عاده فيني لمن اخاف) اخذت اقلامي ودفتري وقلت لصديقتي ادعيلي الله يهون علي (ولاده) اول مادخلت السلام عليكم بنات ردوعلي السلام وكل وحده تركض لمكانها وتجلس واللي دخلت متاخره تقول آسفه استاذه ثاني مره ماتتاخرين(اقول لايكثر ) بسم الله نبدا الدرس كنت حاطه الدرس على البوربوينت مهب شطاره بس كنت خايفه انسى معلومه مااقولها (مبتدأه) ربع ساعه وخلص الدرس ماشاء الله علي (والله من الخوف وجيت ابوه) بقى نص ساعه على نهاية الحصه وش اسوي ساكته ماحضرت موضوع اناقشهم فيه للمعلوميه(انا منيب اجتماعيه يعني مهوب من السهوله اتكلم) وهذا اعتبره عيب فيني زهقت وانا ساكته قلت تشجعي واسئليهم عن اسمائهم بنات حابه اتعرف عليكم وش اسمائكم كل وحده قالت اسمها بعدين سؤال جر سؤال وانفكت العقده وانتهت الحصه مادريت عنها الا يوم دخلت المدرسه اللي عليهم رحت لصديقتي وانا مبسوطه قالت سبحان مغير الاحوال طلعتي مني وانتي تصبصبين عرق من الخوف ورجعتي الكشره من ذا ليذا  ياشيخه والله التطبيق حلو دقيتها سالفه مع البنات ياحليلهم مؤدبات صديقتي:لاتعطينهم وجه ترى بتتحسفين لاياشيخه شكلهم غير البنات اللي نسمع عنهم ذولي يدننون(يجننون) صديقتي :بكيفك انا نبهتك يوم بعد يوم حسيت اني انسانه مااعرفها اكتشفت اني جريئه لا يغركم اول يوم بس من جد الوقفه قدام فصل كامل والشرح اعتبرها جرائه وثقه بالنفس بعد اكتشفت اني محبوبه وادخل القلب صرت كل بنت اشوفها ادق معها سالفه يعني اصبحت اجتماعيه واهم شئ اكتسبته الصبر وتحمل المسؤليه وفيه شئ اتندمت عليه لكن مايفيد الندم الحين لمن وقفت مكان المدرسه حسيت بالتعب اللي تتعبه من تحضير من كلام ساعه الاربع وهي تتكلم والوقفه وتشيل هم تبي كل البنات يفهمون (هذا وانا بنت ماوراي طبخ وعيال وش لون المتزوجات والله الله يعينهم) لمن كنت فهالمرحله ماتدخل مدرسه الا وانا مطلعه الشيب فراسها كنت استانس وكان عندنا اول اللي تهبل بمدرسه قويه والله اني متحسفه قد شعر راسي والحين صرت فالكليه طول المحاضره منتبهه مع الدكتوره ولا اسولف لانه قهر هي تتعب وتشرح وانا نسولف(توك تحسين) هذا كل شئ عندي يله ابي مشاركتكم [/size][/size]
_________________ |
|
#2
07-11-2006
| |||||||||
| |||||||||
 ههههههههههههه موضوع رائع انا جااء عندي موقف كل ماافتكره اضحك على نفسي المهم كان يوم تطبيق نزول ميداني نسوي استبايانات عن التطعيم ومن ذا الكلام المهم دقيت اول باب الساعه 9 الصباح قلت للصاحب المنزل بس نبغا نعبي استبايات عن التطعيم والثقيف الصحي ونسوي احصائيات ومن ذا الكلام ولانه الامراض انتشرت ومن ذا الكلام المهم الله يكرمكم اتثائب قال اعطيني الزبدة قلتله بس ابغا كروت التطعيم ضحك وانا اطل فيه باستغراب قلي الحرمه في بيت اهلها وعندي الشغاله تبغى كرت التطعيم حقها خخخخخخخخخخخخخخخخخخخخ حقدت وربي كنت بقلبها معاه خخخخخخخخخخخخخخخخخ منساه موقف حلو موضوع رائع يعطيكم العافية ابوفارس
_________________
|
|
#3
07-11-2006
| ||||
| ||||
| بالنسبه لي أنا أشين موقف وما أنساه رحت بحكم تخصصي أطبق في المستشفى((ترينيج)) وما حطوني الا في مستشفى الصحه النفسيه والله لايوريك أول يوم دخلت العنابر اللي فيها المرضى زمو أي عنبر دخلت عنابر الدخول وهذي تعتبر من العنابر الخطيرة واللي يكونون فيه متهيجين المرضى قبل ما أدخل كلمني رجل الأمن على أساس يجهز معايه طاقم حمايه عشان لا أدخل لحالي وتصير مشكله وما أقدر أدافع عن نفسي المهم أنا من زود الشطاره والذكاء اللي فيني رفضت وجود طاقم معي لاني ماتوقعت ان الموضوع بيوصل للضرب... ورجل الامن يحسب اني أعرف أتصرف ويوم دخلت العنبر كل المرضى تجمعوا والمشكلع اني دخلت عنبر الرجال......... المهم يوم اتجمعوا حسيت بالخوف وصرت أتكلم معاهم الين ما أوصل للمكتب اللي داخل العنبر وما مداني اوصل الا وتجيني هذيك اللكمه من واحد من جنسيه افريقيه والطرحه صارت بمكان والغطاء بمكان والبالطو صار لونه أسود والدنيا دنيا بس الحمدلله كانت اصابات خفيفه وأدعو الله انه يشفيهم.
_________________ ماينحني راسي الى صار مرفوع وإذا انحنى راسي برجلي وطيته محبتكم/هـاااااااجس |
|
#4
07-11-2006
| ||||
| ||||
| اولا يعطيك العافيه عالموضوع يييييييييييييييييووووووووووووووووووووووووووووووووه ذكرتيني ايام التطبيق والحركات ما صدقت صرت مدرسة انا بقول لكم سالفة صارت لي اول يوم بالتطبيق عادي دخلت على فصل ويقالي اهاوش بعد عشان يخافون مني طبعا وبعدها اعطيت واجب اخترعته من عندي عشان ما يستهينون الطالبات بطالبات التطبيق جاء من بكرة وانا توي داخله الا ومعلمة داخله قبلي وتمشي قدامي وانا وراها ولا بنت مرررررررة شاطره تركض وراي تقول يا استاذة يا استاذة واجي وانا اقول بنفسي وش هالمعلمة المغرورة اللي ما توقف ولا ترد على البنات اعوذ بالله وش يضرها لو ترد وامسك المعلمة واقولها شكلك ما سمعتي البنت تناديك الا البنت واصلة وتقول ابغاك انت يا استاذة وتراني حليت الواجب وبغيت اتاكد من الحل وقتها قلت بنفسي توبه اسوي نفسي قوية تحياتي
_________________ |
|
#5
07-13-2006
| |||
| |||
| اممممممم والله مدري وش السالفه اسمع ((بسواليف البنات!!)) بس ما يمنع اني اعلق على اعرفه!! بصراحة احلى شئ الضفدع !!! هذى آخرت الي يسوي شئ يجي عليه .. (تلقينها وهي طالبة كانت تستهبل على المدرسات وجت عليها)!! ههههههه يعطيك العاااافيه كفاني عذاااااب |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
