قمْ يالقلم ذالحين ذالحين ذالحين = دوّن على بيض الصفايح كتابه
عنوانها مشهد يثوّر براكين = فصدور راعين الشرف والمهابه
بنتن على جال البحر تذرف العين = ماتوا اهلْها والسبايب عصابه
متكوّنه من : بوش راس الملاعين = وابن الخنا شارون معهم كلابه
تنخى العروبه مير مامن مجيبين = يوم العروبه ضوْ مطفي شبابه
وين المروّه ياعرب عزّنا وين = وين الشهامه وين عوي الذيابه
ياللأسف تعدادنا بالملايين = وازرى عددنا لا يحلّ النشابه !
وينك "عمر" ياللي تعزوى بك الدين = ابن اليهود يحوس محدن درابه
وينك "صلاح الدين" تنخى فلسطين = والقدس ينخى : يانهار الحرابه
حطّين يوم مرجّحتنا الموازين = يوم الرّهيف يطول غرّ السحابه
ياليت له رجعه ونبقى عزيزين = ويبقى لنا الأقصى ويبقى ترابه
ولاَ حياة نعيش فيها ذليلين = نصبح ونمسي مانهشّ الذبابه !