لاباس يالمحبوب روحي تفداك
لا باس يا مضنون عيني حبيبي

يعل ربي يا هوى البال ياقاك
من كل شر وكل جرح عطيبي

يا لتني خذت المرض عنك ما جاك
وتصير من بدى الخلائق طبيبي

ترى حياتي ما تهنا بلياك
ليتك دوى من عند عيني قريبي

ياليتني نسمة صباح بدنياك
ألثم جبينك عقب طول المغيبي

أو ليتني طيف يزورك بممساك
واشاهدك واقول يا نفس طيبي

بالحيل أحبك واعشقك واتمناك
يشهد على ما اقول دمع سكيبي

انا دخيلك لا تطول بفرقاك
رد إلعيوني نومها أللي حريبي

---

بداية سلامات لكل عضو يمر بوعكه صحيه وطهور ان شاء الله ومايشوف بأس

حبيت ان يكون في هالقسم موضوع لكل من يمر بعارض صحي نجي ونقوله

سلامات ومنها يزيد التفاعل مع الاعضاء ونعرف اخباره ونقول حمد على السلامه

للكل وان شاء الله ان هالموضوع مانشوف فيه تفاعل كثير ماودنا احد يمرض

وان صار فبقضاء من الله وقدره والحمد لله على كل حال