السلام عليكم ورحمة الله وبركاته
هذه القصيده للشاعر دغيم الضلماوي طبعا معروف

يقصد بعبده كليب وكانت قصته
كان ابن رشيد يسمع عنه كثير وتعجب منه وقال لازم اسير عليه وراح ابن رشيد يم الضلماوي
وتعجب منه انه فقير والدلال والمه وتقهوى عنده وفعلا القهوه حلوه مثل مدحهم للناس
وامر ان يعطيه 30 راس من النياق وفلوس
واليكم القصيد
7
7
7
7
يا كليب شب النار يا كليب شبـه === عليك شبه والحطب لـك يجابـي
حنا علينا جيب ماها وحبـه === وعليـك تقليـط الـدلال العذابـي
ادغث لها يا كليب من سمر جبـه === وشبه ليامنه غفـى كـل هابـي
واحرص على جمره احراق حبـه === ياما العرق تشوف على الحب ذابي
ودق البهـار وبهـره ثـم صبـه === تصبغ على الفنجال مثل الخضابي
ونجـره توال الليـل يدعيك نـبـه === لا عوى يشدي حس ذيبٍ بنابـي
الوالمه يا كليـب عجّـل بصبـه === والرزق عند اللي يجيب السحابي
ومن يوجعه رأسه ترى الهيل طبه === وليا تقهوا كيفة الرأس طابي
بـاغ ليـا شبيتهـا بالمشـبـه === تجذب لنـا ربـع سـراة غيابـي
سـراة ليـل وناطحيـن مهـبـه === لا نسنست يا كن به سـم دابـي
مع كبش مصلاح لـك الله نجبـه === لا دبـر الهيـن متيـن العلابـي
إن شابط المنزوع خطـو الجلبـه === ياما حلا يا كليب خبط الركابـي
آقف لهم وأبدي سـلام المحبـه === لا جنّب الهيّن عريض العلابي
بكلامٍ أحلى من شخاليل جبه === وأحلى من السمن الجديد العرابي
خطو الولد فوقه زبـونٍ وجبـه === ويجي عليهم من حساب الزهابـي
بنسريةٍ يا كليـب صلـفٍ مهبـه=== متلطميـن وسوقهـم بالعقـابـي
وأصبر وإن الصبر يا زين غبه === يرقيك روس مشمرخات الهضابي
ومن لا صبر يا كليب في حكم ربه === هذاك يوم الحشر ماله ثوابي

والسلام عليكم وانشاء الله الموضوع الثالث احلى
تقبلو تحياتي وعلى فكره انتظر الردو

اخوكم سعود الطواله

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي