موقف لا احسد عليه

صار لي موقف امس رهيييييييييييييييييييييييب


قلت لازم اقوله لكم اليوم

امس كنت جالسه بمعمل من معامل الجامعه وداخله على المنتدى بس ما كنت مروقه كنت شوي معصبه وروحي بخشمي

انا متعوده احط شنطتي على الطاوله لكن الطاوله كبييييييييررررررررررررره مرررررررره بحيث اذا حطيت اغراضي على الطاوله يتمشون عليها من كبرها

طبعا لاتصدقون انها كبيره من كثر ماهي صغيره لما احط شي عليها يشاركني بالكتابه على الكيبورد

علشان كذا لما اتضايق من الشنطه احطها جنبي على الارض


الله يسلمكم شنطتي لونها اسود


لما شفت ان مزاجي مو رايق قلت يا بنت طنشي المجامعه والمدرسه وقومي روحي البيت ارتاحي ازين لك


قمت اخذت شنطتي وطلعت من المعمل وكنت امشي بسرعه علشان الحق على السواق قبل ما يمشي

وانا امشي واسمع صوت وراي يقول ...لو سمحتي.... لو سمحتي .... يا بنت.....

انا ما كني اسمع شي ومكمله طريقي

وعديت مسافه بعيده عن المعمل


شوي وما حسيت الا بيد تمسكني من كمي


التفت وشفت بنت ما اعرفها ولا تعرفني

قلت وش تبي هذي

ما شفتها الا ابتسمت واخذت الشنطه من يدي

انا ماسكه الشنطه واقول هذي وش فيها مجنونه؟؟؟؟؟؟؟؟؟

ما شفتها الا قالت لي لو سمحتي هذي شنطتي


انا على طول طارت عيني الى الشنطه

اي والله ما هي شنطتي

ابتسمت للبنت وانا افكر كيف القط وجهي؟؟؟؟؟؟؟؟

رجعت للمعمل ولقيت شنطتي المسكينه منتظرتني تحت الطاوله

اخذت الشنطه وطلعت من المعمل وانا بموت من الاحراج



ها وش رايكم

العنيد22 بصراحه والله موقف مره مضحك بس الله يحينك شلكلك لين الحين تلقطين وجهك هههههه امزح والله بصراحه موقف ححلوو ومحرج في نفس الوقت انا لو مكانك اخذ شنطتها واشرد ههههه تحياتي للجميع

عبير الاشواق هههههههههههههههههههههههههههههه لو اني مكانك ما اخلي هذي البيت تشوف رقعة وجهي مره ثانيه والله لا يحرمنا من مشاركاتك اختي بنت بدو دللوها في الحضاره

المرجوج هههههههههههههههههههههههههه الله برجك يانتب البدو الحين راحت سمعتكي في الجامعه شربه يقولون لطاشة الشناط خخخخخخخخخخخخخخ تصدقين لو قلتي لها او ه هذي شنطتك دقيقه خليني افتحها وافتحيها قدامها وقولي لها ايه صح هذي ماهي لي هذي ما فيها حليب تكرونيه خخخخخخخخخخخخخخخخ راح تفك البنت تضحك وبدل ما تقول عليكي لطاشه تقولي عليكي هبله واعتقد ان هبله احس من بواقه شفتي ان حليب التكرونيه له فوائده خخخخخخخخخخخخخخ طحيااااااااااااااااااااااطي