تمسااااح يمشي ورايه وفي الاخير طلع ( ؟؟؟؟؟؟؟؟؟؟ )

اشكركم على مروركم الحلو يا حلوين ويا حلوات

اليوم جايبه لكم موقف


كنت جايه من الرياض بالقطار مع بنت اخوي

وجلسنا بالمحطه ننتظر ابوي يجي ياخذنا

بنت اخوي تبرعت انها توقف تتنتظر شنطنا واغراضنا لما يجيبوهم من الشحن وما هان علي اتركها بروحها رحت ووقف معاها

وحنا واقفين ما ادري وش اللي خلاني التفت وراي

شفت واحد واقف بعيد عني شوي وكنه مضيع ويدور احد واول ما لمحني ابتسم ابتسامه عريضه ومشى جاي ناحيتي

انا هنا تصرقعت

وش اسوي وين اروح؟؟؟؟

حسيت فيه قرب وسمعته يقول : الله ياخذك على هالعيون الزرق

عيون زرق؟؟؟؟؟؟؟؟؟؟ من اللي عيونه زرق هنا؟؟؟؟؟؟

تذكرت اني لابسه عدسات زرق!!!!!!!!!!!!!!!!

يا ويلي وش هالحاله وين اروح

لزقت ببنت اخوي البنت التفت لي وبعدتني عنها وهي تقول: وش فيك بزره لازقه فيني؟؟؟

انا بموت من الخوف وهذي تقول لي بزره

مشينا بنروح نجيب شنطنا والاخ ماشي وراي ويسأل وين رايحه؟؟؟ اذا على الشنط عطوني البطاقات وانا اجيبهم ؟؟؟

ما شاء الله الاخ مسوي فيها اخلاق

بنت اخوي التفت لي وقالت لي روحي جلسي اذا خفت الزحمه تعالي

وين اروح والدلخ هذا وراي واحاول المح لها بس ماهي راضيه تفهم

اخر شي قلت لها يا بنت الناس هذا الدلخ لاحقني ويكلمني وناشب لي نشبه

قالت خليه علي خل اشوفه يكلمك تعالي نجلس

وحنا نمشي وهو ورانا والمصيبه انه يقرب منا اكثر واكثر

وانا احس ان رجولي ماهي شايلتني بموت من الخوف

وهو يسأل وين بتروحون ؟؟؟؟ طيب اجيب السياره وجلسوا فيها وانا اجيب الشنط

انا خلاص قلبي بيوقف وماسكه بنت اخوي وهي مسويه فيها بطله وساحبتني من يدي بقوه وتقول لي امشي وماعليك منه

اخر شي الرجال عصب وقال ماشيين على كيفكم ما كن معكم رجال؟؟؟؟

بنت اخوي التفت له بتتخانق معه لكن لما شافته بلعت لسانها

انا التفت له بشوف وش النهايه معاه

واول ماشفته قلت له بذهول : خالي؟؟؟؟؟؟؟؟؟؟

كان لاول مره في حياته يلبس ثوب وشماغ طول عمري متعوده عليه بالبدلات ولاني لابسه عدسات ماكنت اشوف زين وماعرفته لان عيوني مشوشين

الرجال يتخانق و ماباقي الا يطقني باللي برجله وانا اقول له والله ما عرفتك

وطبعا اخذنا تهزيء من محطه القطار الى البيت
.................................................. ..